İlqar Əhmədoğlu (1.7.1956, Göyçay r-nunun Mallı-Şıxlı k.) – yazıçı-publisist, AYB (2010) və AJB-nin üzvü (1978).

ADU-nun (indiki BDU) Filologiya fakültəsinin axşam şöbəsini bitirib (1980). 1977-91 illərdə “Yazıçı” nəşriyyatında redaktor vəzifəsində işləyib, 1987 ildə keçmiş Almaniya Demokratik Respublkasında xidməti ezamiyyətdə olub. 30-dan çox kitabın nəşriyyat redaktorudur. Ukraynanın Lvov ş.-də Poliqrafiya İnstitutunda təhsil alıb. 1987 ildə Moskva ş.-də Ali zabitlər kursunu bitirib. İ.Quliyev 1991-92 illərdə Azərb. Bədii Tərcümə və Ədəbi Əlaqələr Mərkəzində sədr müavini işləyib. 1992–2016 illərdə dövlət təhlükəsizlik orqanlarında xidmət edib. Azərb. sərhədləri milliləşən zaman o, həmin proseslərin iştirakçısı olub, hərbi jurnalist kimi onlarla məqalə, reportaj, sərhədlə bağlı, sərhədçilərin həyatından bəhs edən bədii, publisistik yazılar qələmə alıb. Xidmət etdiyi dövrdə fəxri fərman və medallarla təltif olunub.

(9.2.1936, Göyçay r. – 2.10.2001, Bakı s.) – bəstəkar, Əməkdar incəsənət xadimi (1992).

Bakı Musiqi Texnikumunu tar sinfi üzrə bitirmişdir (1958). ADK.-da Bəstəkarlıq fakültəsində (Q.Qarayevin sinfi) təhsil almışdır (1958-63). 1 opera (“Aldanmış ulduzlar”), 7 simfoniya, “Simfoniya-rekviyem”, “Rekviyem” əsərinin, kamera instrumental əsərlərin (“Muğamsayağı”), “Şəbi-hicran” vokal poemasının, “Üç portret” vokal silsiləsinin, fortepiano və b. əsərlərin müəllifidir. Musiqi tarixinə özünəməxsus dəst-xəti olan, istedadlı simfoniya ustası kimi daxil olmuşdur.

(1.4.1949, Göyçay r-nunun Ləkçıplaq k.) – iqtisad e.d. (1986), prof. (1989).

Orta məktəbi bitirəndən sonra D.Bünyadzadə adına Azərb. Xalq Təsərrüfatı İnstitutuna daxil olub. 1966-70 illərdə həmin institutda, 1970-73 illərdə isə Moskva Dövlət Universitetinin aspiranturasında təhsil alıb. 1973 ildə dissertasiya müdafiə edərək keçmiş SSRİ-də iqtisadiyyat üzrə ən gənc e.n. olub. Həmin ildən ADU-da fəaliyyətə başlayıb. 1984-86 illərdə Azərb. KP MK.-da çalışıb. 1986 ildə D.Bünyadzadə adına Azərb. Xalq Təsərrüfatı İnstitutunun rektoru təyin olunub. 1989-92 illərdə AzPİ-də prof., kafedra müdiri, 1992–2002 illərdə isə Azərb. Resp. Dövlət Antiinhisar siyasəti və Sahibkarlığa yardım komitəsinin sədri kimi fəaliyyət göstərib. 2002 ildən AzTU-da kafedra müdiri vəzifəsində çalışır. R.Quliyev Azərbaycan, rus, türk və alman dillərində nəşr olunmuş yüzdən artıq elmi əsərin müəllifidir.

Mənbə: http://goychay.cls.az/more/text/71505

(24.1.1993, Göyçay ş.) – şahmatçı, qadınlar arasında şahmat ustalığına namizəd (2019), şahmat üzrə FİDE ustası (2022), Resp. dərəcəli hakim (2019).

Kiçik yaşlarından resp.-da keçirilən müxtəlif səviyyəli şahmat yarışlarında uğurla çıxış edib. Sonralar resp.-mızı müxtəlif dövlətlərdə keçirilən nüfuzlu yarışlarda dəfələrlə layiqincə təmsil edərək yüksək yerlər tutub. O cümlədən, Vyetnamda (2009), Bolqarıstanda (2010), İranda (2010) və Dubayda (2011) keçirilən dünya və Avropa çempionatlarını, 8-ci Beynəlxalq Şahmat Festivalını, beynəlxalq turniri bu sıraya daxil etmək olar. Hazırda S.Quliyeva Vüqar Həşimov Şahmat Akademiyasında dərs hissə müdiri və 3 saylı Resp. İxtisaslaşdırılmış Olimpiya Ehtiyatları Uşaq-Gənclər İdman-Şahmat məktəbində I dərəcəli məşqçi müəllimə kimi fəaliyyət göstərir.

Məlumat ailəsindən alınıb.

(29.9.1976, Göyçay ş.) – jurnalist.

Təhsilə 3 saylı Göyçay ş. məktəbində başlayıb. 1993 ildə Bakı ş. 43 saylı məktəb-lisey kompleksini bitirib. Ali təhsilini Azərb. Resp.-nın Prezidenti yanında Dövlət İdarəçilik Akademiyasında alıb. Politologiya üzrə magistr dərəcəsinə malikdir. 1993 ildən jurnalist fəaliyyətinə başlayıb. “Ayna-Zerkalo”, “New Baku post”, «Каспiй» qəzetlərində redaktor, müxtəlif TV layihələrdə müəllif və aparıcı, “ASAN Radio”da redaktor kimi vəzifələrdə çalışıb, xarici KİV-lərlə uzun müddət əməkdaşlıq edib. 2020 ildə “Tərəqqi” medalı ilə təltif edilib.Avrasiya Televiziya və Radio Akademiyasının, “Humay”, “Zərdabi” mükafatlarının laureatıdır.

2021 ildən Dövlət Turizm Agentliyi sədrinin müşaviridir.

Məlumat K.Quluzadədən alınıb.

(1790, Göyçay qəz. Məlikbalı k. – 1865) – Azərb. şairi, aşıq.

Mədrəsə təhsili almışdır. Aşıq şeiri üslubunda şeirlər yazmışdır. S.Mümtaz “El şairləri” kitabında Məlikballı Qurbanın qoşma, müxəmməs, təcnis və s. formalı şeirlərini vermişdir. F.Qasımzadə onu həm xalq şeiri, həm də klassik üslubda yazan sənətkar kimi təhlil etmişdir. XIX əsrdə xalq şeiri üslubunda yazıb-yaradan şairlər sırasında daha çox təhlil olunur. Şeirləri “Azərbaycan aşıqları və el şairləri” kitabında və digər toplularda verilmişdir. Onun məşhur “Vücudnamə”si aşıqlar arasında geniş yayılmışdır.

Mənbə: “Ozan-aşıq ensiklopediyası”. 2 cilddə, Aşıqlar Birliyi, “Gənclik” nəşriyyatı, II cild, Bakı, 2020, s. 69.

(11.8.1948, Göyçay ş.) – 3-cü dərəcəli dövlət müşaviri (2015).

Qurbanov 1966 ildə orta təhsilini, 1978 ildə BDU-nu bitirib. 1970 ilin mart ayında Kənd Təsərrüfatı Nazirliyində əmək fəaliyyətinə başlayıb. 1981–2015 illərdə Azərb. Resp. Nazirlər Kabinetində müxtəlif vəzifələrdə çalışıb. Bütövlükdə 45 illik əmək fəaliyyətinin 40 ildən artıq müddəti ərzində dövlət qulluğunda xidmət edib. 2016 ildən etibarən Azərb. Resp. Əmlak Məsələləri Dövlət Komitəsində, hazırda isə Azərb. Resp. İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Kadastr və Yerquruluşu Layihə Tədqiqat Mərkəzi MMC”də çalışır.

(5.10.1947, Göyçay r-nunun İnçə k. – 5.11.2022, Göyçay r-nunun İnçə k.) – müəllim.

1965 ildə Göyçay r-nunun İnçə k. orta məktəbini bitirib. 1966 ildə APİ-nin Biologiya fakültəsinə qəbul olub. Ali təhsilini başa vurduqdan sonra uzun müddət İnçə k.-də müəllimlik edib. 28.11.1973 ildə Az.KP Göyçay r-n komitəsinin Fəxri fərmanı, 20.7.1984 ildə Azərb. maarif nazirinin 165 nömrəli əmri ilə “Baş müəllim” dərəcəsi, 13.5.1987 ildə Azərb. maarif nazirinin 123 nömrəli qərarı ilə “Xalq maarifi əlaçısı” döş nişanı, 15.9.1987 ildə Az.KP MK.-nın “Tərifnamə”si ilə təltif olunub.

(28.6.1975, Bakı ş.) – diplomat, Azərb. Resp.-nın Polşa Resp.-dakı fövqəladə və səlahiyyətli səfiri, siyasi elmlər ü.f.d. (2009).

Qurbanova 20 saylı orta ümumtəhsil məktəbini gümüş medal ilə bitirib (1992). 1997 ildə BDU-nun Beynəlxalq münasibətlər fakültəsini fərqlənmə ilə bitirib. 1997-99 illər ərzində Qərb Universitetində beynəlxalq menecment üzrə magistr dərəcəsi alıb. Qurbanova həmçinin 1997 ildə Nitsa Universitetində (Fransa) beynəlxalq hüquq və 1999–2000 illərdə Yönşöpinq Beynəlxalq Ticarət Məktəbində (İsveç) beynəlxalq biznes üzrə təlimlər keçib. 2009 ildə Vyana Universitetində (Avstriya) siyasi elmlər üzrə fəlsəfə doktoru dərəcəsini alıb.

(12.4.1948, Göyçay ş.) – müəllim, dövlət qulluqçusu, partiya işçisi, Əməkdar müəllim (2008).

Göyçay ş. 3 saylı orta məktəbi bitirərək, M.F.Axundov adına Azərbaycan Pedaqoji Dillər İnstitutuna qəbul olunub. 1971 ildə həmin institutu bitirərək, Rus dili və ədəbiyyatı, Azərbaycan dili və ədəbiyyatı müəllimi ixtisaslarına yiyələnib. 1971-84 illərdə ş. 3 saylı beynəlmiləl orta məktəbdə rus dili müəllimi işləyib. 1984-87 illərdə Göyçay r-n XDS İcraiyyə Komitəsinin sədr müavini, 1987-91 illərdə Azərb. KP Göyçay r-n komitəsinin ikinci katibi vəzifələrində fəaliyyət göstərib. 1990 ildə Ali Partiya Məktəbini qiyabi yolla bitirib. 1991 ildə Göyçay r-n XDS-nin sədr müavini, 1991-94 illərdə Göyçay r-n İcra Hakimiyyətində təlimatçı, 1994-98 illərdə Göyçay r-n İcra Hakimiyyəti başçısının humanitar məsələlər üzrə müavini vəzifələrində işləyib.