(8.11.1961, Göyçay ş.) – kənd təsərrüfatı mütəxəssisi, kənd təsərrüfatı ü.f.d. (1998).

Gəncə ş.-də yerləşən Azərb. Texnologiya İnstitutunu mühəndis-texnoloq ixtisası üzrə bitirib (1985). 1987 ilin iyunundan Göyçay yeyinti kombinatında əmək fəaliyyətinə başlayıb və burada istehsalat rəisi (baş mühəndis) vəzifəsinədək yüksəlib. 1995 ilin iyul ayında qısa müddətdə Göyçay Universitetinin rektoru vəzifəsini icra edib. Həmin ilin sentyabrında isə AMEA-nın Aqrokimya və Torpaqşünaslıq İnstitutuna dissertant qəbul olunub. 1998–2001 illərdə San-Marino Beynəlxalq Elmlər Akademiyası Akademik mərkəzinin Mingəçevir ş.-də yerləşən Azərb. filialında dekan vəzifəsində, 2001-15 illərdə isə Dövlət Torpaq və Xəritəçəkmə Komitəsində, 2015 ilin avqustundan isə Ekologiya və Təbii Sərvətlər Nazirliyinin Geodeziya və Kartoqrafiya Agentliyində müxtəlif vəzifələrdə çalışıb. Hazırda Agentliyin Coğrafi informasiyalar sistemi və İnformasiya texnologiyası şöbəsində baş mütəxəssis vəzifəsində çalışır.

Məlumat V.Abdullayevdən alınıb.

(2.2.1955, Ucar r-nunun Rəstəcə k.) – Əməkdar müəllim (2004).

Y.Cəfərov Göyçay ş. 4 saylı natamam orta məktəbdə 8-ci sinfi, Göyçay ş. 3 saylı orta məktəbdə 10-cu sinfi bitirib. 1973 ildə ADU-nun (indiki BDU) Mexanika-riyaziyyat fakültəsinə daxil olub, 1978 ildə bitirib. Həmin ildən 2021 ilə kimi Göyçay ş. 5 saylı tam orta məktəbdə ixtisası üzrə müəllim işləyib. Əldə etdiyi uğurlara görə Təhsil Nazirliyi tərəfindən “Baş müəllim”(1985), “Müəllim-metodist”(1978) adlarına layiq görülüb.

1995 ildə Resp. Təhsil Nazirliyinin qərarı ilə ona “Ali kateqoriyalı müəllim” adı verilib. Elmi-metodiki məqalələri “Fizika, Riyaziyyat və İnformatika” jurnalında çap olunub. Onun iş təcrübəsi və əmək fəaliyyəti ilə bağlı Malik Novruzovun “Günəş məktəbdən doğur”, Əkbər Əlioğlunun “Şama pərvanə kimi” kitablarında, “Maarifçi” və “Azərbaycan müəllimi” qəzetlərində məqalələr verilib.

Məlumat A.Məmməddən alınıb.

(8.12.1964, Göyçay r-nunun Ləkçıplaq k.) – jurnalist, SSRİ Jurnalistlər İttifaqının üzvü (1990). Azərb. Texniki Universitetini bitirib, gənc yaşlarından taleyini nəşriyyatla, mətbuatla bağlayıb. Ali məktəb illərində “Azərbaycan” nəşriyyatında işləyib. Jurnalistika fəaliyyətini “Azərbaycan gəncləri”, “Savalan”, “Mozalan” qəzetlərində davam edib. 1991 ildə SSRİ Jurnalistlər İttifaqı nəzdində açılmış Ümumittifaq Fotojurnalistika fakültəsinin ilk məzunlarından olub. 1992 ildən Azərb. Dövlət Televiziyasında “7…17” musiqili verilişinin yaradıcısı olub. 1995 ilin noyabrında Rusiyanın paytaxtı Moskva ş.-də keçirilən “Uşaq və gənclərin televiziya verilişləri festivalı”nda “7…17” proqramı 1-ci yerə layiq görülüb. Azərb. teleməkanında ilk olaraq həmin gün veriliş bir nömrəli Ostankino kanalında nümayiş etdirilib və hər iki ölkənin mətbuatında geniş işıqlandırılıb. Bir çox bəstəkarlar sənətdə ilk addımlarını məhz bu verilişdə atıblar. D. Quluoğlu müxtəlif vaxtlarda Bakıda qastrol səfərində olmuş məşhur sənətkarlardan müsahibələr alıb.

Şükürova Esmira Seyfəl qızı (2.3.1958, Xaçmaz r-nunun Xudat qəs.) – filoloq alim, AYB-nin (2001) və AJB-nin üzvü (2018), filologiya e.d. (2018).

Quba əsillidir. Atası, Qubanın ən ucqar nöqtələrindən olan Susay-Yuxarı Susay adlı dağ kəndində doğulan Məmmədov Seyfəl Padar oğlu bu kənddə boya-başa çatıb. 1941-45 illər Böyük Vətən müharibəsində iştirak edib. Müharibədən döndükdən sonra, təhsili və işi ilə əlaqədar olaraq öncə Xaçmazda, daha sonra isə Göyçayda yaşayıb, həmin r-nun Qarabaqqal kəndindən olan Minarə xanımla ailə qurub. Göyçayda Qarabaqqal kənd orta məktəbini (1975), 1983 ildə isə Bakı Dövlət Universitetinin Filologiya fakültəsini bitirib. Bir müddət Göyçay r-n Nizami adına narçılıq sovxozunda fəhlə, sonra Azad Komsomol Komitə katibi, daha sonra Bakı Dövlət Universiteti nəşriyyatında redaktor, Ali Diplomatiya Kollecində metodist, “Azərbaycan diplomatiyası” jurnalında baş redaktorun I müavini, “Respublika” qəzetində baş müxbir və humanitar elmlər redaksiyasının müdiri vəzifəsində işləyib… 2002 ildə əsgəri xidmətdə olan oğlu Fuad avtomobil qəzasında həlak olduqdan sonra, dünyası qaralan ana yazılarını “Fuad” təxəllüsü ilə qələmə alır. 1999 il 4 aprel tarixindən isə taleyini AMEA Nizami Gəncəvi adına Ədəbiyyat İnstitutu ilə bağlayıb.

(13.1.1951, Göyçay r-nunun Çərəkə k.) – iqtisadçı alim, iqtisad ü.f.d. (1985), dos. (1993).

D.Bünyadzadə adına Azərb. Xalq Təsərrüfatı İnstitutunu (indiki ADİU) bitirib (1976). 1976 ildən BDU-nun Siyasi iqtisadi və ümumi iqtisadiyyat kafedrasında işləyir. 1985 ildə BDU-da “İqtisadi qanunların modifikasiyası” mövzusu üzrə namizədlik dissertasiyasını müdafiə edib. 1993 ildən BDU-nun Ümumi iqtisadiyyat kafedrasının dosentidir. 36 elmi əsəri dərc olunub.

Mustafa İzzət Baqi (1900, Türkiyə – 1982) – ədəbiyyat tarixçisi, şərqşünas və tərcüməçi.

Ata tərəfi Göyçay bölgəsinin Gölbulaq k.-dəndir. Sonradan Bursa ş.-ni özünə məskən seçən ailə məhz bu səbəbdən özünə eyni mənaya gələn “Gölpınarlızadələr” soyadını seçib. Atası Əhməd Agah əfəndi Mövləvi təriqətinin üzvü olub, “Tərcümani-həqiqət” qəzetində jurnalist kimi fəaliyyət göstərib. 1877-78 illərin türk.-rus savaşı zamanı ailə (indiki Bolqarıstanın) Ruscuk ş.-dən İstanbula köçməli olub. Anası Adıgey bölgəsində böyümüş Aliyə Şöhrət xanım adlı bir çərkəz qızı ilə də İstanbulda tanışlıq qurub, evlənib.

Məmmədov Ədalət Əsgər oğlu (7.1.1957, Göyçay ş. – 30.9.2013, Bakı ş.) – AYB-nin üzvü (1998), AJB-nin üzvü (1986), şair, tərcüməçi, AYB-nin mətbuat katibi (2000-2013).

Göyçayda 1 saylı ş. orta məktəbini bitirdikdən sonra ADU-nun Filologiya fakültəsinin axşam şöbəsində təhsilini davam etdirmişdir (1975-83). Eyni zamanda Sumqayıt trestində neft-qaz kimya zavodunda fəhlə işləmişdir (1974-77). Qazaxıstanın Kustanay ş.-də hərbi xidmətdə olmuşdur (1977-79). Ordudan tərxis ediləndən sonra “Qızıl Şərq” mətbəəsində Səttarxan adına Maşınqayırma zavodunda, “Maarif” nəşriyyatında, Qarabağ Xalq Yardımı komitəsində müxtəlif vəzifələrdə çalışmışdır (1979-90). İlk şeirlərini (“Zirvələr” və sairə) 1969 ildə “Azərbaycan pioneri” qəzetində dərc etdirmişdir. 1980 illərdən dövri mətbuatda şeir və tərcümələrlə vaxtaşırı çıxış edir.

(5.2.1936, İsmayıllı r-nunun Kürtmaşı k. – 15.9.2016, Bakı ş.) – geologiya-mineralogiya ü.f.d. (1990)

A.Əfəndiyev “Lenin” və “Qırmızı Əmək Bayrağı” ordenləri ilə təltif edilmiş məşhur pedaqoq Əfəndiyev Abdulla Rəhim oğlunun (1961 ildə vəfat edib) ailəsində anadan olub. Yeddiillik təhsilini Göyçay r-nunda alaraq, 1950-53 illərdə Göyçay Pedaqoji Texnikumunda oxuyub. 1959 ildə ADU-nun (indiki BDU) Geoloji coğrafiya fakültəsinin neft və qaz yataqlarının axtarışı və kəşfiyyatı şöbəsini bitirərək mühəndis-geoloq-neftçi ixtisasına yiyələnib.

(1895, Göyçay qəz., Ərəbşahverdi k. – 1934, Göyçay r-nu) – pedaqoq.

Göyçayın Potu k.-də yaşayıb. Əvvəl Göyçay 2 sinifli məktəbini (1906-11), sonra Qori Seminariyasını bitirib (1914). O, Göyçay 2 sinifli məktəbində (1916) və Sabunçu 1-ci kişi məktəbində (1917) müəllim kimi fəaliyyət göstərib, sonra Tiflis Müəllimlər İnstitutu Təbiiyyat-coğrafiya fakültəsinə daxil olub (1917), ancaq ölkədəki siyasi çaxnaşmalar nəticəsində institutu tərk edir, yenidən Sabunçuya qayıdaraq müəllimlik edir. 1918-19 tədris ilində ailə işləri ilə bağlı oradan çıxıb, ancaq Göyçaya deyil, Ucara göndərilib. Göyçay rüşdiyyə (ali ibtidai) məktəbinin müəllimi (1919 ildən), sonra isə (1922 ildən) ömrünün sonuna kimi Göyçay XTŞ müdiri vəzifələrində çalışıb.

Məlumat V.Abdullayevdən alınıb.

(26.3.1926, Bakı ş. – 27.2.2013, Bakı ş.) – tarixçi-şərqşünas, AMEA-nın müxbir üzvü (2001), tarix e.d. (1969), prof. (1993).

ADU-nun Şərqşünaslıq fakültəsində (1945) təhsil alıb, sonra Moskva Şərqşünaslıq İnstitutunun İran bölməsində (1946-50) və SSRİ EA-nın Şərqşünaslıq İnstitutunun aspiranturasında (1951-55) təhsilini davam etdirib. 1955 ildə Moskvada dissertasiya müdafiə edərək fəlsəfə doktoru adını alıb. Həmin il Bakıya qayıdaraq Azərb. EA-nın Tarix İnstitutunun Qədim və Orta əsrlər tarixi şöbəsində fəaliyyətə başlayan O.Əfəndiyev 1957-58, 1970-72 illərdə həmin şöbənin rəhbəri vəzifəsini icra edib. 1975 ildən isə “Azərbaycanın orta əsrlər tarixi” şöbəsinin müdiri kimi fəaliyyət göstərib.