Əhmədov (?, Göyçay qəz. – 26.7.1938, Bakı ş.) – AXC Parlamentinin üzvü.

Azərbaycan Milli Şurasının “Azərbaycan Məclisi-Məbusanının təsisi haqqında qanun”una (19 noyabr 1918 il) əsasən, Ticarət-sənaye ittifaqından AXC Parlamentinin tərkibinə daxil edilmişdi. Parlamentdə “Müsavat” və bitərəflər fraksiyasını təmsil edirdi. Lakin onun adı Azərb. istiqlal tarixində digər bir xidməti ilə də yadda qalıb. Belə ki, 1919 ilin fevralında ingilislər tərəfindən Batumidə həbs edilmiş Nuru paşanı xilas etmək lazım idi. Bu mövzuda müxtəlif versiyalar irəli sürülməkdədir. Bu versiyaların birində qeyd olunur ki, İbrahim bəy Heydərov və silahdaşları Nuru paşanın xilasını çətinliklə də olsa təşkil etməyi bacarmış və onu azad etdirib Bakıya gətirmişdi. Bu işin əsas təşkilatçısı isə əslən göyçaylı, Azərb. Parlamentinin üzvü Əhmədov idi. O, otuzuncu illərdə repressiyaya məruz qalmış, həbs olunaraq güllələnmişdi.

Məlumat V.Abdullayevdən alınıb.

(1914, Göyçay ş. – 1995, Bakı ş.) – İctimai-siyasi xadimi, Əməkdar hüquqşünas.

1931-37 illərdə Azərb. Neft və Kimya İnstitutunu (1937) və Moskva Ümumittifaq Hüquq İnstitutunu (1948) bitirib. Böyük Vətən müharibəsindən əvvəl Bakıda neftayırma sənayesində bir sıra mühüm vəzifələrdə çalışıb. Müharibədən sonra isə Respublika Prokurorluğunun qısamüddətli hüquq kursunu bitirərək prokurorluğun Mərkəzi aparatında ümumi nəzarət şöbəsinə işə qəbul olunub. Sonralar Bakı ş. keçmiş Orconikidze (indiki Suraxanı) rayonunda, Gəncə ş.-də prokuror, Naxçıvan MR-in prokuroru vəzifələrində çalışıb. 1951-63 illərdə resp. prokuroru vəzifəsində işləyib. Azərb. SSR Baş prokuroru, II dərəcəli Dövlət ədliyyə müşaviri (Ədliyyə general-leytenantı) (1959), Azərb. SSR Ali Soveti Rəyasət Heyətinin hüquq şöbəsinin müdiri, Azərb. SSR Ali Məhkəməsinin üzvü (1976-80), Azərb. SSR Ədliyyə Nazirliyində baş məsləhətçi (1985-87) vəzifələrində işləyib.

Məlumat V.Abdullayevdən alınıb.

(10.10.1956, Göyçay ş.) – polis general-mayoru (2010).

1975-77 illərdə ilk hərbi xidmətini Qazaxıstan Resp. Karaqanda ş.-də başa vurub Vətənə qayıdır. 1977 ildə Moskva Kooperativ İnstitutunun Bakı filialına daxil olub. Təhsilini yarımçıq qoyaraq Karaqandaya qayıdıb, SSRİ DİN Karaqanda Ali Milis Məktəbinə sıravi milis nəfəri işə qəbul olunur, 1979 ildə isə Karaqanda Ali Milis Məktəbinə qəbul olub.

(10.5.1923, Naxçıvan ş. – 12.12.2003, Klivlend ş.) – Azərbaycan xalqının Ümummilli Lideri.

1939 ildə Naxçıvan Pedaqoji Texnikumunu bitirdikdən sonra Azərb. Sənaye İnstitutunun (indiki ADNSU) Memarlıq fakültəsinə daxil olub, lakin İkinci Dünya müharibəsinin başlanması ona təhsilini başa çatdırmağa imkan verməyib.

H.Əliyev 1941-44 illərdə əvvəlcə Naxçıvan Muxtar Respublikası Xalq Daxili İşlər Komissarlığında arxiv şöbəsinin məxfi hissəsinin müdiri, sonra isə Naxçıvan MSSR Xalq Komissarları Sovetində ümumi şöbənin müdiri vəzifələrində işləyib.

(24.12.1961, Bakı ş.) – Azərbaycanın görkəmli dövlət xadimi, Azərbaycan Respublikasının Prezidenti.

1967-77 illərdə Bakı ş.-də 6 saylı orta məktəbdə təhsil alıb. 1977-82 illərdə Moskva Dövlət Beynəlxalq Münasibətlər İnstitutunda (MDBMİ) təhsil alıb. MDBMİ-ni bitirdikdən sonra, 1982 ildə həmin institutun aspiranturasına daxil olub. 1985 ildə dissertasiya müdafiə edərək tarix elmləri namizədi elmi dərəcəsini alıb və 1985-90 illərdə Moskva Dövlət Beynəlxalq Münasibətlər İnstitutunun müəllimi olub. 1991-94 illər ərzində özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.

(26.8.1964, Bakı ş.) – Azərbaycanın ictimai-siyasi xadimi, Azərbaycan Respublikasının birinci xanımı, I vitse-prezidenti, Heydər Əliyev Fondunun prezidenti.

1981 ildə Bakı ş. 23 saylı orta məktəbi qızıl medalla bitirərək N.Nərimanov adına Azərbaycan Dövlət Tibb İnstitutunun Müalicə-profilaktika fakültəsinə daxil olmuşdur. 1988 ildə İ.M.Seçenov adına Birinci Moskva Dövlət Tibb İnstitutunu fərqlənmə diplomu ilə bitirmişdir. 1988-90 illərdə İ.M.Seçenov adına Birinci Moskva Tibb İnstitutunda “Göz xəstəlikləri” ixtisası üzrə kliniki ordinatura keçmişdir. 1990-95 illərdə Moskvada Elmi Tədqiqat Göz Xəstəlikləri İnstitutunda işləmişdir.

(29.8.1985, Göyçay ş.) – Azərb. Resp.-nın Avstriya Resp.-dakı Səfirliyinin 2-ci katibi.

Z.Əlizadə orta təhsilini 1992–2002 illərdə 91 saylı orta məktəbdə alıb. 2002-06 illərdə BDU-nun Beynəlxalq Əlaqələr fakültəsinin bakalavr pilləsində ali təhsil alıb. 2006-08 illərdə isə BDU-nun Beynəlxalq Əlaqələr fakültəsinin magistr pilləsində (qırmızı diplomla), 2009-10 illərdə isə C.Koreya Resp.-nın Koreya Universitetinin Beynəlxalq Əməkdaşlıq və İnkişaf fakültəsinin magistr pilləsində təhsil alıb.

(7.4.1942, Göyçay ş. – 20.4.1999, Bakı ş.) – İctimai və dövlət xadimi, Bakı ş. Nizami Rayon Partiya Komitəsinin birinci katibi (1980-87), Azərb. SSR yerli sənaye naziri (1987-89). Azərbaycan SSR Ali Sovetinin XI çağırış deputatı.

M.Əzizbəyov adına AZNKİ-ni bitirib (1967). Maşınqayırma müəssisələrində texnik, mühəndis-konstruktor, baş mühəndis-texnoloq, baş konstruktor kimi fəaliyyət göstərib. 1968 ildə “Bolşevik” maşınqayırma zavoduna baş mühəndis təyin olunan Fətəliyev 1971-74 illərdə həmin zavodun direktoru olub. 1974 ildə isə Y.Qasımov adına zavodun direktoru təyin olunub.

(5.10.1954, Göyçay ş.) – hüquq ü.f.d., millət vəkili (2010-2015).

1971 ildə orta məktəbi bitirib. 1971-76 illərdə ADU-nun Hüquq fakültəsində təhsil alıb. 1977 ildən Azərb. Resp. Ədliyyə Nazirliyinin VVAQ İdarəsində məsləhətçi, baş məsləhətçi, Qanunların Sistemləşdirilməsi və Qanun Layihələrinin Hazırlanması İdarəsində baş məsləhətçi, rəis müavini işləmişdir. 1988-91 illərdə respublika prokurorunun köməkçisi, respublika Nazirlər Soveti hüquq şöbəsinin müdiri, Prezident Aparatı Dövlət hüquq şöbəsinin müdiri və Azərb. Resp. Hüquq siyasəti üzrə dövlət müşaviri vəzifələrində çalışıb. On ikinci çağırış Azərbaycan Respublikası Ali Sovetinin, 2010 və 2015 illərdə  müvafiq olaraq IV və V çağırış Azərb. Resp. MM-nə 88 saylı Göyçay seçki dairəsindən millət vəkili seçilib.

(8.10.1950, Ucar r-nunun Lək k.) – iqtisad e.d. (1980), prof. (2004).

1966 ildə orta məktəbi bitirmiş və D.Bünyadzadə adına Azərb. Xalq Təsərrüfatı İnstitutuna daxil olmuşdur. 1970 ildə institutu bitirdikdən sonra təyinatla Azərb. Dövlət Plan Komitəsi yanında Elmi Tədqiqat İqtisadiyyat İnstitutuna iqtisadçı vəzifəsində işləməyə göndərilmişdir. 1971 ildə həmin institutun aspiranturasına qəbul olmuş və 1974 ildə təhsilini başa vurmuşdur. 1974 ilin noyabr ayından 1976 ilin fevral ayınadək Sovet Ordusu sıralarında hərbi xidmətdə olmuşdur. Hərbi xidmətdən qayıtdıqdan sonra 1981 ilə qədər həmin institutda kiçik elmi işçi, baş elmi işçi və bölmə müdiri vəzifələrində çalışmışdır.