(29.8.1986 Göyçay ş.) – XİN Ümumi Katiblik idarəsində üçüncü katib.

E.Həmidov orta təhsilini 1993–2004 illərdə alıb. 2004-06 illərdə ADİU-da, ESLİ Dallas, Texas, ABŞ-da (2006-08), Nyu-York Texnologiya Universitetində (2008-11) bakalavr pilləsində təhsil alıb. Hal-hazırda AR XİN Ümumi Katiblik idarəsində çalışır. Üçüncü katibdir.

Məlumat E.Həmidovdan alınıb.

(1948, Göyçay r-nunun Potu k.) – deputat.

Əmək fəaliyyətinə 1963 ildə Kalinin adına təsərrüfatda başlamışdır. Azərb. Dövlət Kənd Təsərrüfatı İnstitutunu bitirmib. (1981). Azərb. SSR Ali Sovetinin (9-10 çağırış) deputatı, Ali Sovetin Mənzil-kommunal Təsərrüfatı və məişət xidməti komissiyasının üzvü, Azərb. KP MK.-nın üzvü olub.

Mənbə: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 183.

(1972, Göyçay ş.) – Azərb. Resp. hərbi prokurorunun müavini, ədliyyə general-mayoru (2012), hüquq ü.f.d.

BDU-nun Hüquq fakültəsini fərqlənmə diplomu ilə bitirib (1993). 1994–2009 illərdə Bakı ş. Əzizbəyov r-n prokurorluğunun müstəntiqi vəzifəsi üzrə stajoru və müstəntiqi, Bakı ş. Xətai r-n prokurorluğunun müstəntiqi və böyük müstəntiqi, Bakı ş. prokurorluğunun Prokurorluqlarda istintaqa nəzarət şöbəsinin prokuroru, Resp. Hərbi Prokurorluğunun Ağır cinayətlərə dair işlər üzrə istintaq idarəsinin rəis müavini və Hərbi prokurorluqlarda istintaqa nəzarət şöbəsinin rəisi vəzifələrində çalışıb. Azərb. Resp. Baş prokurorunun 4 dekabr 2009 il tarixli əmri ilə Azərb. Resp. Hərbi prokurorunun müavini vəzifəsinə təyin edilib. Azərb. Resp. Prezidenti İlham Əliyevin 1 oktyabr 2012 il tarixli Sərəncamı ilə ona ədliyyə general-mayoru ali hərbi rütbəsi verilib. “Tərəqqi” medalı ilə təltif edilib (2018).

Məlumat V.Abdullayevdən alınıb.

(1.9.1952, Göyçay ş.) – iş adamı, tarix ü.f.d.

Odessa Dəniz Donanması Mühəndisləri İnstitutunu bitirib (1977). Gəmiqayırma zavodunda texnik.-konstruktor kimi çalışıb. Azərb. LKGİ MK katibi (1982-85) olub. Sov.İKP MK yanında İctimai EA-nın məzunu olub. Göyçay r-n İcra Hakimiyyətinin başçısı vəzifəsində işləyib (1990-92). Azərb. parlamentinin deputatı olub (1990-95). F.İsayev 2001 ildən “Lukoyl” qrupuna daxil olan təşkilatlarda çalışır. Hazırda “Lukoyl-Moldova” ATC-nin baş direktorudur. Bu şirkət 1999 ilin noyabrında Ukraynada neft məhsullarının satışının pərakəndə şəbəkəsinin yaradılması üçün təşkil olunub. “Lukoyl-Ukraina” törəmə müəssisəsinin açılışı ilə “Lukoyl” Ukraynada qapalı istehsal dövriyyəsinin yaranmasını: xammalın çatdırılması, neft məhsullarının istehsalı, nəqli və son istehlakçıya satılmasını başa çatdırıb. 2009 ilin yanvarından “Lukoyl-Ukraina” şirkətinin bazasında Qara dəniz regionlararası birliyi yaradılıb. Birliyin tərkibinə “Lukoyl”un Ukraynadakı, Moldovadakı və Rumıniyadakı istehsal sahələri daxildir. F.İsayev RF-nin dövlət mükafatı olan “Dostluq” ordeni ilə təltif edilib.

Məlumat V.Abdullayevdən alınıb.

(6.8.1961, Bakı ş.) – diplomat, Azərb. Resp. İsveçrə Konfederasiyasında və Lixtenşteyn Knyazlığında Fövqəladə və səlahiyyətli səfiri (2021–hal-hazırda).

Kiyev Milli Universiteti Beynəlxalq Əlaqələr və Beynəlxalq Hüquq İnstitutunun Beynəlxalq iqtisadi münasibətlər/İngilis dili üzrə tərcümə fakültəsini bitirib (1983). ADİU-nun Siyasi iqtisadiyyat kafedrasında aspirant, elmi işçi və dosent vəzifəsində (1983-86), daha sonra Azərb. Dillər Universitetinin Tərcümə nəzəriyyəsi kafedrasında müəllim vəzifəsində çalışıb (1984-85). 1995 ilin aprel ayında Azərb. Resp. Milli Təhlükəsizlik Nazirliyinin İnformasiya və təhlil idarəsinin rəisi vəzifəsində işə başlamışdır.

(24.7.1952, Göyçay r-nunun Kürdşaban k.) – Dövlət qulluqçusu, partiya işçisi.

İsmayılov orta təhsilini Göyçay r-nunun Kürdşaban k. orta və Nizami adına Göyçay ş. 7 saylı orta məktəblərində alıb. 1969 ildə “Qırmızı Əmək Bayrağı” ordenli AZNKİ-yə daxil olub. 1974 ildə institutu bitirərək mühəndis-energetik ixtisasına yiyələnib. 1974 ildə təyinatla “Sumqayıt Kimya Sənayesi” istehsalat birliyinə göndərilmiş, 1974-77 illərdə “Üzvi məhsullar” zavodunda aparatçı, mühəndis, böyük mühəndis, birliyin əsaslı tikinti idarəsində böyük mühəndis vəzifələrində işləmişdir. 27.5.1977 ildə Kimyaçılar Günü münasibətilə adı “Sumqayıt Kimya Sənayesi” istehsalat birliyinin “Şərəf kitabı”na yazılmışdır. 1977-80 illərdə Göyçay Birləşmiş Qazanxana və İstilik şəbəkələri idarəsində usta, direktor vəzifələrində işləmişdir.

(1950, Göyçay r-nunun Mallı-Şıxlı k.) – SSRİ Ali Sovetinin (9-10-cu çağırış) deputatı.

Azərb. Kənd Təsərrüfatı İnstitutunu bitirmişdir (1981). Əmək fəaliyyətinə 1966 ildən Göyçay r-nunun “Azərbaycan” kolxozunda başlamışdır. SSRİ Ali Sovetinin (9-10-cu çağırış) deputatı, Millətlər Sovetinin Kənd təsərrüfatı komissiyasının üzvü olmuşdur. Səmərəli əmək fəaliyyətinə görə “Xalqlar dostluğu”, “Qırmızı Əmək Bayrağı” və “Şərəf nişanı” ordenləri ilə təltif edilmişdir.

Mənbə: Azərbaycan qadını ensiklopediyası. Azərbaycan Milli Ensiklopediyası NPB, Bakı, 2002, s. 202.

(1959, Göyçay r-nu) – deputat.

Əmək fəaliyyətinə 1976 ildən Göyçay r-nundakı konserv zavodunda başlayıb. Azərb. SSR Ali Sovetinin (2-ci çağırış) deputatı, Ali Sovetin Xarici işlər komissiyasının üzvü olub.

Mənbə: Azərbaycan qadını ensiklopediyası, Azərbaycan Milli Ensiklopediyası NPB, Bakı, 2002, s. 206.

(31.12.1878, Göyçay qəz. Kürdəmir k. – 20.12.1937, Bakı ş.) – AXC Parlamentinin üzvü.

Qori Müəllimlər Seminariyasını bitirmiş, Bakıda I-ci rus-müsəlman məktəbində müəllim (1899 – 1907) və müdir (1910-20), daşınmaz şəhər mülkiyyətini qiymətləndirən komissiyada məmur (1908-10) işləyib.

(31.10.1937, Göyçay ş. – 14.5.2018, Bakı ş.) – Əməkdar hüquqşünas (2006), Ədliyyə general-mayoru (1995).

Maqsudov ADU-nu (indiki BDU) bitirib (1962). Sonra təyinatla Azərb. Resp. Ali Məhkəməsinə göndərilib. Azərb. və rus dillərini mükəmməl bilən Maqsudov Ali Məhkəmədə tərcüməçi vəzifəsinə işə qəbul edilib. 1964 ildə prokurorluq sisteminə qəbul olunan Maqsudov Xətai r-n prokurorluğunun müstəntiqi təyin olunub. Daha sonra Azərb. Resp. Ali Soveti Rəyasət Heyətinin hüquq şöbəsində məsləhətçi və baş məsləhətçi vəzifələrində çalışıb (1966-73). Əzizbəyov r-nu Xalq Məhkəməsinin hakimi və sədri kimi fəaliyyət göstərib (1973-84). 1984 ildə əməkdə fərqlənməyə görə Azərb. Resp. Ədliyyə Nazirliyi tərəfindən Fəxri fərman ilə təltif olunub. Azərb. Resp. Ali Məhkəməsinin üzvü olub (1984). Ali Məhkəmənin sədr müavini, Hərbi Kollegiyanın sədri (1995), Azərb. Resp. Ali Məhkəməsinin hakimi (2000-10) vəzifələrində çalışıb.

Mənbə: https://azertag.az/xeber/Dunyasini_deyisen_edliyye_general_mayoru_Oqtay_Maqsudov_-1163517