(14.6.1988, Bakı ş.) – diplomat.

Orta təhsilini M.Şəhriyar adına 193 saylı tam orta məktəbdə alıb (1994-2005). 2005-11 illərdə BDU-nun beynəlxalq münasibətlər ixtisası üzrə təhsil alıb. 2008-09 illərdə Fransada Lion Siyasi Elmlər İnstitutunun siyasi elmlər ixtisası üzrə bakalavr təhsili alıb. 2011-14 illərdə BDU-nun beynəlxalq münasibətlər ixtisası üzrə magistr dərəcəsi (fərqlənmə ilə) alıb. 2022 ildən Azərb. Resp. Prezidenti yanında DİA-nın “Dövlət və bələdiyyə idarəetməsi” ixtisası üzrə magistratura pilləsinin tələbəsidir. 1.11.2012 – 31.1.2013 illərdə AR XİN-də Birinci Ərazi (qərb) İdarəsinin referenti, 1.2.2013 – 31.3.2015 illərdə Birinci Avropa idarəsinin attaşesi (XİN), 1.4.2015 – 31.1.2018 illərdə Birinci Avropa İdarəsinin üçüncü katibi (XİN), 1.2.2018 – 30.9.2018 ildə Birinci Avropa İdarəsinin ikinci katibi (XİN), 1.10.2018 – 30.12.2021 illərdə Azərb.-ın Fransa Resp.-dakı Səfirliyində ikinci katib (siyasi məsələlər) vəzifələrində çalışıb. 2021 ildə “Diplomatik xidmətdə fərqlənməyə görə” medalı ilə təltif edilib. 2022 ildən Avropa İdarəsinin birinci katibidir.

Məlumat F.Soltanovdan alınıb.

(6.1.1958, Göyçay r-nu) – dövlət məmuru.

1975 ildə Göyçay ş. 3 saylı orta məktəbi fərqlənmə attestatı ilə bitirib. 1980 ildə Azərb. Pedaqoji İnstitutunun Tarix fakültəsinə qəbul olunub. 1985 ildə universiteti qırmızı diplomla bitirib. 1988-92 illərdə Moskva Ümumittifaq Hüquq Akademiyasında təhsil alıb. Nərimanov r-n Komsomol Komitəsində, Nəsimi r-n İcra Hakimiyyətində müxtəlif vəzifələrdə işləyib. 1993–2003 illərdə Ədliyyə Nazirliyində dövlət notariusu kimi fəaliyyət göstərib. 2003 ildən etibarən Ədliyyə Nazirliyinin Qeydiyyat və Notariat Baş idarəsinin rəisinin müavini və Notariat idarəsinin rəisi vəzifəsində çalışır. Çalışdığı dövr ərzində Nazirlik tərəfindən müxtəlif mükafatlarla təltif olunub. 2018 ildə Ədliyyə Nazirliyinin 100 ilik yubileyi ilə bağlı medalla təltif olunub. 20 noyabr 2012 ildə Azərb. Resp.-nın Prezidenti İlham Əliyev tərəfindən “Dövlət qulluğunda fərqlənməyə görə” medalı ilə təltif olunub.

Məlumat M.Soltanovdan alınıb.

İttifaq Sovetinə hər 300 min əhaliyə bir millət vəkili seçilirdi, Millətlər Sovetinə isə hər İttifaq Resp.-dan 32 millət vəkili, hər MR-dən 11 millət vəkili, hər muxtar vilayətdən beş millət vəkili və hər milli bölgədən bir deputat seçilirdi.

Deputatlar 4 il müddətinə gizli səsvermə ilə və birbaşa seçkilərlə seçilirdilər. SSRİ Ali Sovetinin deputatı hər bir vətəndaş (23 yaşa çatmış) seçilə bilirdi. İttifaq və Millətlər Soveti deputatları bərabər sayda idi.

(21.6.1940, Göyçay r-nunun Hacalı k.-) – ictimai-siyasi xadim, millət vəkili (2010-20), Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti.

1953 ildə Hacalı kənd 7 illik məktəbini bitirib, 1953-58 illərdə Göyçay Pedaqoji texnikumunda təhsil alıb. Pedaqoji texnikumu bitirdikdən sonra 1958-61 illərdə Göyçay r-n Çaxırlı kənd məktəbində müəllim
işləyib. 1961-66 illərdə Azərb. Dövlət Teatr İnstitutunun mədəni-maarif fakültəsində təhsilini davam etdirmiş, eyni zamanda, Bakının 7 və 25 saylı orta məktəblərində pedaqoji fəaliyyətlə məşğul olmuşdur.

(7.12.1906, Göyçay qəz.Potu k. – 11.8.1984, Bakı ş.) – ictimai xadim, V çağırış Azərb.SSR Ali Sovetinin deputatı (1957), Əməkdar iqtisadçı (1964).

İbtidai təhsilini Potu k.-də, sonra isə Göyçay ş. orta məktəbində almışdır. 1922 ildə Göyçay ş. məktəbinin beşinci sinfindən təhsilini davam etdirmək üçün Kirovabad (indiki Gəncə) Kənd Təsərrüfatı Texnikumuna göndərilmiş və 1928 ildə həmin texnikumu bitirmişdir. 1928 ilin aprel ayından 1930 il sentyabr ayınadək Kürdəmir r-nunda əvvəlcə aqrotexnik, sonra isə həmin r-nun Mollakənd k.-də aqronom məntəqəsinin müdiri vəzifəsində işləyib və kənd təsərrüfatı sahəsində yeni mütərəqqi tədbirlərin tətbiqi və həyata keçirilməsində fəal iştirak etmişdir. 1930 ilin sonlarında Göyçay mahal partiya təşkilatı tərəfindən təhsilini davam etdirmək üçün Azərb. Kənd Təsərrüfatı İnstitutuna ezam olunmuş və 1934 ildə həmin institutu müvəffəqiyətlə bitirərək iqtisadçı-aqronom ixtisasına yiyələnmişdir.

(1880–1937) – AXC ordusunun zabiti, polkovnik.

Cümhuriyyət ordusunun sıralarında 1918 ildən xidmət edirdi. 1919 il yanvarın 4-də hərbi nazirin əmri ilə podpolkovnik Sultanov Ləki topçu anbarının rəisi təyin edildi. Azərb. hökumətinin 1919 il 24 noyabr tarixli qərarı ilə ona polkovnik rütbəsi verilmişdi. Hərbi nazirin 1920 il 9 yanvar tarixli əmri ilə o, 6-cı Göyçay piyada alayının komandiri təyin edilmişdi.

Mənbə: Nəzirli Ş. “Arxivlərin sirri açılır”. Bakı, 1994;

Süleymanov M., “Azərbaycan ordusu (1918-1920)”. Bakı, 1998;

“Azərbaycan Xalq Cümhuriyyəti Ensiklopediyası”. II cild, Bakı, “Lider nəşriyyat”, 2005, s. 358.

(8.8.1959, Sumqayıt ş.) – Azərb. Hərbi Dəniz Qüvvələrinin sabiq komandanı (1999–2015), vitse-admiral (2005).

Bakı Ali Hərbi Dənizçilik Məktəbini və RF-nin Frunze adında Hərbi Akademiyasını bitirib. Azərb. müstəqilliyini əldə etdiyi dövrdən bu günədək Sultanov Azərb. tarixinin ilk və yeganə vitse-admiralıdır. 1981 ildə ballistik raketli sualtı nüvə qayıqlarında mühəndis-şturman ixtisası üzrə Ali Dənizçilik Məktəbini bitirib və leytenant rütbəsi alıb. 1981 ildə mina-tral gəmisində komandirin köməkçisi və şturman döyüş hissənin komandiri vəzifəsində xidmət edib. 1983 ildə SSRİ cənub sərhədlərində HH müdafiəsində döyüş növbəsini aparan xüsusi təyinatlı “Hava hücumundan müdafiə gəmisi”nin komandiri vəzifəsinə təyin edilib.

(18.8.1935 –11.4.2011, Göyçay r-nunun Potu k.) – mexanizator, SSRİ Ali Sovetinin deputatı.

Orta məktəbi bitirdikdən sonra traktorçu-sürücü peşəsinə yiyələnmiş, hərbi xidmətdən sonra isə 1970 ilədək Potu k. Kalinin adına kolxozda mexanizator işləmişdir. Elə həmin il 205 saylı dairədən SSRİ Ali Sovetinə deputat seçilmişdir. İşlədiyi müddətdə səmərəli fəaliyyətinə və əldə etdiyi yüksək nailiyyətlərə görə bir çox orden və medallarla, o cümlədən “Qırmızı əmək bayrağı” ordeni ilə təltif olunub. Vəliyev 1972-78 illərdə Azərb. Kənd Təsərrüfatı İnstitutunda (indiki Azərb. Dövlət Aqrar Universiteti) qiyabi yolla təhsil alıb. Bundan sonra uzun müddət Potu k. Ə.Kərim adına kolxozda baş mühəndis vəzifəsində çalışıb.

Məlumat ailəsindən alınıb.

(22.2.1901, Göyçay ş. – 1986, Moskva ş.) – Rusiya ədliyyə orqanlarının tanınmış nümayəndəsi, Ədliyyə general-mayoru.

Çox erkən yaşlarında atasını itirən balaca Əjdər ehtiyac üzündən bir rus keşişinin evində xidmətçilik edir. Burada rus dilini mükəmməl öyrənərək ibtidai təhsil alır. Anasının vəfatından bir qədər sonra o, Bakıya gedir, işə düzəlir və gənclərin inqilabi hərəkatında fəal iştirak edir. 1919 ilin payızında Xaspoladov oxumaq üçün N.Nərimanovun təqdimatı ilə bir qrup qabaqcıl gənclə birgə Moskvaya göndərilir. Həmin ildən etibarən həyatını birdəfəlik Moskva ilə bağlayan Əjdəri və onun dostlarını o zamankı Sovet dövlətinin rəhbərlərindən biri olan M.İ.Kalinin qəbul edir və onları “Şərq zəhmətkeşləri” universitetinə qəbul etdirir.

(1914, Göyçay qəz. Qarabaqqal k. – 1994 Göyçay r-nu) – ictimai xadim, Azərb. elm xadimi, Əmək veteranı.

A.Xəlilov k. məktəbini bitirdikdən sonra əvvəlcə Pedoqoji Texnikuma daxil olub, sonra milli resp.-lar üçün o vaxtki komsomolun mərkəzi komitəsi yanında mərkəzi pioner işçiləri məktəbini, daha sonra ADU-nu və AK(b)P MK yanında Marksizm-Leninizm İnstitutunu bitirib.