(25.9.1909, Göyçay r-nunun Qızılağac k. – 1.10.1989, Göyçay ş.) – dövlət qulluqçusu, partiya işçisi, kolxoz sədri, 5-ci və 6-cı çağırış SSRİ Ali Sovetinin deputatı (1958, 1962). Qızılağac k. 7 illik məktəbini, Pedaqoji Texnikumu (1932), Azərb. Ali Kommunist Məktəbini (1936) bitirib. Zərdab r-n Komsomol Komitəsinin katibi (1936), Zərdab r-n Xalq Maarif Şöbəsinin müdiri (1937), Zərdab r-n Zəhmətkeş Deputatları Soveti İcraiyyə Komitəsinin sədr müavini (1938), Ucar qəsəbə Sovetinin sədri (1939), Azərb. Biyan Kombinatının Ucar filialının direktoru (1940-41) vəzifələrində işləyib. 1941 ilin iyul ayında hərbi xidmətə gedib. 1941 ildə Bakı ş.-də siyasi rəhbər hazırlayan kursu, 1944 ildə özüyeriyən artilleriya kursunu bitirib. 1942 ilin yanvar ayından cəbhədə olub. Krım (1942), Stalinqrad (1943), 4-cü Ukrayna cəbhələrində vuruşub. Krım (1942) və Ukrayna cəbhələrində (1943) yaralanıb. 1944 ilin sonunda səhhəti ilə əlaqədar hospitala göndərilib, 1945 ildə baş leytenant rütbəsində ordudan tərxis olunub.

(5.3.1993, Göyçay r-nunun Şıxbəy k. – 27.9.2020, Tərtər-Ağdərə istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilib. 25 oktyabr 2020 il tarixdə Suqovuşan istiqamətində gedən döyüşlərdə şəhid olub. Doğulduğu k.-də dəfn edilib.

Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021) və “Cəsur döyüşçü” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1910–1941) – Böyük Vətən müharibəsi iştirakçısı.

T.Qasımov 24 iyun 1941 ildə Göyçay hərbi komissarlığı tərəfindən cəbhəyə göndərilib. 25 iyul 1941 ildə itkin düşüb. Həlak olması haqqında məlumat yoxdur.

Mənbə: Zülfüqarlı M. “Göyçay tarixi”, Bakı, 2022, s. 211.

(28.6.1996, Göyçay r-nunun Çaxırlı k. – 3.4.2016, Füzuli r-nunun Horadiz qəs.) – Aprel döyüşləri şəhidi.

28.10.2016 il tarixdə əsgər rütbəsində hərbi xidmətə çağırılıb. 3.4.2016 ildə şəhid olub. Doğulduğu k.-də dəfn olunub.

Azərb. Resp. Prezidentinin sərəncamı ilə ölümündən sonra “Hərbi xidmətdə fərqlənməyə görə” III dərəcəli medalı ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.2.1964, Göyçay ş. – 22.3.1994, Füzuli r-nunun Qaraxanbəyli k.) – Birinci Qarabağ müharibəsi şəhidi.

Əsgər rütbəsində hərbi xidmətə çağırılıb, 22.3.1994 ildə şəhid olub. Göyçay ş.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(22.7.1980, Göyçay ş.) – şairə, AYB-nin üzvü (2010).

Bakı ş. Nərimanov r-nu 39 saylı orta məktəbdə təhsil alıb. Daha sonra təhsilini Nizami r-nu 289 saylı Zəngi liseyində davam etdirib.1997 ildə həmin liseyi bitirərək 1 saylı Bakı Tibb Məktəbinə daxil olub, tibb bacısı ixtisasi alıb. 2012 ildə BSU-nun Yaradıcılıq fakültəsinə daxil olub. Şeirləri “Azərbaycan”, “Ulduz”, “Literaturnıy Azerbaydjan” jurnallarında, “Ədəbiyyat qəzeti”, “525-ci qəzet”, “Ədalət”, “Kaspi” qəzetlərində, “Poeziya günü” almanaxında (2010), ingilis dilində “Buta” (2010) poeziya antologiyasında və digər mətbu orqanlarda müntəzəm çap olunur. Radio və televiziya dalğalarında müntəzəm çıxışları olur. Şeirləri bir neçə xarici dilə tərcümə edilib.

Əfəndizadə Qazi Mahmud Abdulqədir oğlu (1842, Göyçay qəz. Məlikkənd k. – 1900, Tiflis ş.) – din xadimi, maarifçi.

Qazi Mahmud Əfəndi ilk təhsilini atası Abdulqədir Əfəndidən almışdır. Osmanlı dövlətində mükəmməl dini təhsil almışdır. Şamaxı quberniyasında müfti və qazi olmuşdur. Sonralar Tiflisə dəvət olunmuş, Zaqafqaziya Müsəlmanları İdarəsinin sünni icmasının qazisi vəzifəsinə təyin olunmuşdur. Qazi Mahmud Əfəndi maarifpərvər şəxs olmuşdur. Türk, ərəb, fars və rus dillərini mükəmməl bilən Qazi Mahmud Əfəndi Qori Müəllimlər Seminariyasında şəriət və tatar (Azərbaycan) dili müəllimi olmuşdur. Onun sənədləri Gürcüstan Dövlət arxivində saxlanılır.

oyk., mür. Azərb. Resp. Göyçay r-nunun Yeniarx i.ə.v.-də kənd. Şirvan düzündədir. Yaşayış məntəqəsi müskürlü tayfasının müəyyən hissəsinin Qəbələ qalası (Qəbələ r-nu) xarabalıqları ətrafında yaşaması nəticəsində yaranıb. Oykonim “Qəbələ yaxınlığında Müskürlü kəndi” mənasındadır. R-nun ərazisində Müskürlü adlı başqa bir yaşayış məntəqəsi də mövcuddur.

Mənbə: “Azərbaycan toponimlərinin ensiklopedik lüğəti”. 2 cild, Bakı, “Şərq-Qərb”, 2007, s. 49.

Yeni məscid 1996 ildə İslam İrsinin Dirçəlişi Cəmiyyəti tərəfindən tikilib. Bu məscid köhnə məscidin ş. tərəfindədir.

Qəbələ Müskürlü kəndi r-n mərkəzindən 17 km c.-q.-də, Göyçay–Ucar şose yolu kənarında yerləşir. Tarixi baxımdan Müskürlü və Qəbələ Müskürlü k.-lərinin adları çox böyük maraq doğuran adlardandır. Belə ki, erkən orta əsrlərdə Qafqaz Albaniyasının şm.-ş. hissəsində maskutlar yaşayıblar. Hansı ki, eramızın I əsrindən burada onların knyazlıqları olub. Moisey Kalankatuyun “Alban tarixi” kitabında maskutların yerləşdiyi ərazi “Maskutların ölkəsi” adlandırılmışdır. Belə güman edilir ki, maskut, maskat etnonimi Müskür toponimində qorunub saxlanılmışdır. Bu ad haqqında ilk məlumat XIII əsrdə verilmişdir.

Məscidi Mustafa babanın oğlu İslam baba tikdirib. Məscidin inşasında çiy kərpicdən istifadə olunmuşdur. Məscidin dam örtüyü və döşəməsi 2 dəfə yenilənmişdir. 1979 ildə Mustafa babanın nəslindən olan Yusif müəllim bu binanın dam örtüyünü təzələtmişdir. Camaat arasında məscid kimi qəbul olunsa da, bu bina hücrə formasında kiçik ölçüdə tikilmişdir.