(1825, Göyçay mahalının Qaraxıdır k. – 1855) – XIX əsrin birinci yarısında yaşamış şair.

Dövrünün açıqfikirli ziyalısı olub. Gözəl təbə malik Qəbuli o dövrdə Şirvanda fəaliyyət göstərən ədəbi məclislərin fəal iştirakçısı olub. Şeirləri ilə müasirlərinin diqqətini çəkib.

Mənbə: S.Ə.Şirvaninin seçilmiş əsərləri, 3 cilddə. III cild, “Elm”, Bakı, s. 134;

S.Qəniyev. Şirvan aşıq və şairləri haqqında biblioqrafik məlumat. “Təhsil”, Bakı, 1996.

Türk zabiti Qədir Əfəndinin məzarı Bığır k.-i ərazisindədir. Azərb. ərazisində şəhid olmuş Osmanlı zabit və əsgərlərinin çoxunun məzarı gərgin döyüşlər burada getdiyindən məhz Göyçay r-nundadır. Bığır k.-inin girəcəyində Türk Qafqaz İslam Ordusuna mənsub zabit və əsgərlərin xatirəsinə abidə ucaldılmışdır. Bu abidə, türk məzarlıqları və o cümlədən Qədir Əfəndinin məzarı Osmanlıdan qardaş yardımına gəlmiş türk əsgərlərinin qəhrəmanlığını, şəhadətini yaddaşlarda əbədiləşdirən müqəddəs məkanlarımızdandır.

Mənbə: İ.Musayev. “Göyçay rayonundakı dini abidələr və tarixi şəxsiyyətlər”, Bakı, İpəkyolu, 2014, s. 110-111.

(15.6.1970, Göyçay ş. – 25.12.1994, Tərtər r-nu) – Birinci Qarabağ müharibəsi şəhidi.

İlk hərbi xidmətini Çexoslovakiya R.-da keçib, snayperçi olub. Sonra vətənə qayıdaraq əmək fəaliyyətinə başlayıb. Ceyhun 1993 ilin dekabrında döyüşlərə yollanıb. Ağdərə uğrunda gedən döyüşlərdə iştirak edib. 1994 ilin dekabrında döyüş zamanı ağır yaralanaraq şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(30.12.1972, Göyçay r-nunun Ləkçıplaq k. – 24.1.1994, Kəlbəcər r-nu ərazisində) – Birinci Qarabağ müharibəsi şəhidi.

Kənd orta məktəbinin səkkizinci sinfini bitirdikdən sonra 106 saylı Texniki Peşə Məktəbində mexanik peşəsinə yiyələnib. 1992 ilin iyulunda əsgəri xidmətə çağırılıb. İki ay təlim məşqləri keçdikdən sonra Ağdərə bölgəsinə yola düşüb. 1993 ildə Ağdamın Papravənd k. uğrunda gedən qanlı döyüşlərdə yaralanıb. Bir müddət Mingəçevir ş.-də müalicə olunub. Mais son döyüşünü Kəlbəcərin Qanlıkənd k.-də keçirib. 1994 ilin yanvarında döş qəfəsində aldığı yaradan həlak olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1976, Göyçay ş. – 3.12.1995) – Birinci Qarabağ müharibəsi şəhidi.

Mənbə: T.Məhəmmədqızı. Göyçayın Qarabağ sevdalıları. Bakı, 2021, “Avropa” nəşriyyatı, s. 28.

(5.4.1946, Göyçay ş.) – rabitə sahəsi üzrə tanınmış ekspert, texnika e.n. (1981).

A.Qəhrəmanzadə 1965 ildə Göyçay ş.-də 3 saylı rusdilli orta məktəbi gümüş medalla bitirib, həmin il AzPİ-yə (indiki AzTU) daxil olub və 1971 ildə telekommunikasiya mühəndisi kimi buranı bitirib.

1972 ildən Azərb. Resp. Rabitə Nazirliyi sistemində elmi-texniki informasiya mühəndisi, nazirliyin texniki şöbəsində böyük mühəndis, 1973 ildən isə nazirliyin Şəhər telefon şəbəkəsi şöbəsinin rəisi vəzifələrində çalışıb. 1974-77 illərdə Leninqrad Elektrotexniki Rabitə İnstitutunun aspiranturasında təhsil alıb.

(5.2.1977, Göyçay r-nunun Qaraməryəm k. – 18.8.1996) – Qarabağ şəhidi.

4.7.1995 ildə əsgər rütbəsində hərbi xidmətə çağırılmışdır. 18.8.1996 ildə şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

oyk., sadə. Azərb. Resp. Göyçay r-nunun eyniadlı i.ə.v.-də kənd. Göyçay çayının sahilində, Şirvan düzündədir. Bəzi tədqiqatçılar Türkiyənin Antalya, Budur və İsparta əyalətlərində yaşayan qızılağac tayfasına əsaslanaraq kəndin adını etnotoponim hesab edirlər. Yerli məlumata görə, kənd vaxtilə Qızılağac meşəsinin yanında salındığı üçün belə adlandırılıb, sonralar meşə məhv olsa da, kəndin adı qalıb.

Mənbə: “Azərbaycan toponimlərinin ensiklopedik lüğəti”. 2 cild, Bakı, “Şərq-Qərb”, 2007, s. 57.

oyk., mür. Azərb. Resp. Göyçay r-nunun Qızılağac i.ə.v.-də kənd. Şirvan düzündədir. Yerli məlumata görə, yaşayış məntəqəsinin əsasını təqr. XIX əsrdə Mallı-Şıxlı k.-dən çıxmış Qubad adlı şəxs qoyduğu üçün belə adlanmışdır.

Oykonimin tərkibindəki ikinci komponent vaxtilə qazax tayfa birliyinə daxil olan şıxlı etnonimini özündə əks etdirir. Əslində, oykonim Şıxlı adlanan üç kənddən (Qubadlı Şıxlı, Mallı-Şıxlı və Ulaşlı Şıxlı) birinin adıdır. Mallı-Şıxlı k.-nin daxil olduğu Yeniarx i.ə.v.-dəki kəndlərdən birinin Hacıağabəyli (əsli Hacıağalarbəyli) adlanması onu göstərir ki, bu kəndlərdə vaxtilə Qubadlıdan buraya köçmüş ailələr məskunlaşmışlar. Odur ki, oykonim “qubadlılar yaşayan Şıxlı kəndi” kimi izah olunmalıdır.

Mənbə: “Azərbaycan toponimlərinin ensiklopedik lüğəti”. II cild, Bakı, “Şərq-Qərb”, 2007, s. 70.

(20.12.1968, Göyçay ş. – 6.4.1993, Laçın r-nu Suarası k.) – Birinci Qarabağ müharibəsi şəhidi.

Bakıdakı dənizçilik məktəbini bitirəndən sonra ilk hərbi xidmətini Qara dəniz sahillərində keçirib. Sonra Vətənə qayıdaraq 1992 ilin noyabrında cəbhəyə yola düşüb, 1993 ilin aprelində isə Suarası k. uğrunda gedən döyüşlərdə şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.