(14.1.1966, Göyçay r-nunun Qaraməryəm k. – 28.1.1994, Ağdərə r-nu) – Birinci Qarabağ müharibəsi şəhidi.

Saabov k. orta məktəbində səkkizinci sinfi bitirdikdən sonra Texniki Peşə Məktəbində traktorçu peşəsinə yiyələnib. İlk hərbi xidmətdən sonra bir müddət əmək fəaliyyəti ilə məşğul olan Saabov 1993 ilin aprelində Milli Orduya çağırılıb. O, əvvəl Bakıya, sonra Tərtərə aparılır. Tərtər, Ağdərə, Murovdağ ətrafında gedən ağır döyüşlərdə fəal iştirak edib. Ağdərə r-nu ərazisində başından aldığı yaradan şəhid olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

Əhmədov Sabir Xasay oğlu (12.5.1950, Göyçay r-nunun Bəydövül k. – 7.2.2005, Bakı ş.) – şair, yazıçı-ssenarist, AYB-nin üzvü (1988).

Kənd orta məktəbini bitirib. Əmək fəaliyyətinə doğma kənd məktəbində pioner baş dəstə rəhbəri kimi başlamışdır (1967-69). ADU-nun (indiki BDU) Tarix fakültəsində təhsil alıb (1974). Təyinatla İsmayıllı r-nu Qalıncaq k. orta məktəbində tarix müəllimi işləmişdir (1974-76). Sonra C.Cabbarlı adına “Azərbaycanfilm” kinostudiyasinda ssenarist (1977-79), Göyçay r-nunun orta məktəb müəllimi (1981-84) olmuşdur. H.Ərəblinski adına Sumqayıt Dövlət Dram Teatrında ədəbi hissə müdiri, AYB-də məsləhətçi, həmçinin müxtəlif mətbuat orqanlarında işləyib. Tələbəlik illərindən ədəbi fəaliyyətə başlayıb. Onun ssenarisi əsasında “Papaq” (“Evlənmək istəyirəm”) bədii fılmi çəkilib. Şeirləri və digər yazıları “Azərbaycan”, “Ulduz”, “Qobustan” jurnallarında, “Ədəbiyyat” qəzetində və digər mətbuat orqanlarında çap olunub. “Üz tutduğum adamlar” (1986), “Ağlayan divarlar” (2003) şeirlər kitabının və “Yüz böyük türk” tərcümə kitabının müəllifidir. Bir çox şeirləri rus dilinə tərcümə edilib. Azərb. Teatr Xadimləri İttifaqının və Azərb. Kinematoqrafçılar İttifaqının üzvü olub.

Mənbə: T.Əhmədov. “Azərbaycan yazıçıları (XX–XXI yüzillikdə). Ensiklopedik məlumat kitabı.”, Bakı, “Nurlar”, 2011, s. 799.

(8.9.1971, Göyçay r-nunun Qarabaqqal k. – 23.3.1993, Qubadlı r-nu) – Birinci Qarabağ müharibəsi şəhidi.

İlk hərbi xidmətini RF-nin Krasnoyarsk vilayətində, sonra isə Almaniyada keçib. Burada tank ordusu hissəsində hərbi texnikanın sirlərinə yiyələnib. Hərbi xidməti başa vurandan sonra vətənə qayıdıb. 1992 ildə cəbhəyə yollanıb. Qubadlı r-nunun Yazıdüzü k.-də gedən döyüşlərdə iştirak edib. 1993 ilin martında Seytaz k. uğrunda gedən döyüşdə snayper gülləsindən aldığı ağır yaralardan həyatını itirib. Doğulduğu k.-də dəfn olunub.

Məlumat ailəsindən alınıb.

(12.9.1955, Göyçay ş.) – iqtisadçı alim, iqtisad ü.f.d. (1992), dos.

D.Bünyadzadə adına Azərb. Xalq Təsərrüfatı İnstitutunun Ümumiqtisad fakültəsinin Siyasi iqtisad ixtisasını fərqlənmə diplomu ilə bitirib (1978). 1978-81 illərdə Gəncə Politexnik Texnikumunda, 1981-95 illərdə Azərb. Kənd Təsərrüfatı İnstitutunda siyasi iqtisad müəllimi vəzifəsində işləyib. 1996–2000 illərdə Bakı Dövlət Əmtəəşünaslıq-Kommersiya İnstitutunun “İqtisad elmləri” kafedrasının, 2000-04 illərdə isə ADİU-nun “Ümumiqtisad” kafedrasının müdiri vəzifəsində çalışıb. 2004-05 illərdə Biznes inzibatçılığı fakültəsində dekan müavini, 2005 ildən Maliyyə-2 fakültəsində dekan müavini vəzifəsində çalışıb. Hazırda “Nəzəri və praktiki iqtisadiyyat” kafedrasının dos.-dir. 50-dən çox müxtəlif səpkili elmi əsərin müəllifidir.

(5.7.1958, Göyçay ş.) – tarix ü.f.d., dos.

1980 ildə ADU-nu bitirib. “Şuşa ş.-nin tarixi (XIX–XX əsrin əvvəlləri)” mövzusunda namizədlik dissertasiyası müdafiə edərək tarix üzrə f.d. elmi dərəcəsinə və dos. elmi adına yiyələnib. Həmçinin Azərb. tarixşünaslığının ayrı-ayrı dövrlərinə, o cümlədən XIX əsrin II yarısında Göyçay qəz.-nın demoqrafik durumuna və Göyçay tarixinin mənbəşünaslığına dair (1867–1917) elmi araşdırmalar aparıb. Hazırda AMEA A.A.Bakıxanov adına Tarix İnstitutunda aparıcı elmi işçi vəzifəsində çalışır.

Mənbə: https://science.gov.az/az/forms/doktora-filosofii-instituta-istorii/3027

(24.3.1962, Göyçay r-nunun Məlikkənd k. – 14.9.1992, Ağdərə r-nu ərazisində) – Birinci Qarabağ müharibəsi şəhidi.

İlk hərbi xidmətini RF-nin Çita ş. keçib. Sonra vətənə qayıdıb 58 saylı Texniki Peşə Məktəbində sürücülük peşəsinə yiyələnir. Əmək fəaliyyətinə isə 52 saylı SMD-ə fəhlə kimi başlayır. Sakit 1992 ilin mayında könüllü olaraq cəbhəyə yola düşür. O, Goranboy, Füzuli r-nunun Əmiralılar və Xocavənd r-nunun Kuropatkino k.-də keçirilən əməliyyatlarda, Qaratəpə və Gülmətəpə uğrunda gedən döyüşlərdə, Ağdərə r-nunun Drambon, Poqosomer k.-nin azad olunmasında fəal iştirak edir. O, 1992 ilin sentyabrında ağır döyüşlərin birində qəhrəmancasına şəhid olub və doğulduğu rayonun Şəhidlər xiyabanında dəfn olunub.

Məlikkənd kənd orta məktəbi S.Salahovun adını daşıyır.

Mənbə: Ə.Əlioğlu. “Ruhların səsi (Göyçay şəhidləri)”. Bakı, “İşıq”, 1995, s. 136

http://cls.az/front/1031/az/more/text/36585

Səfərov Saleh Səfər oğlu (1898, Dağıstan, Axtı r-nunun Maza k. – ?) – din xadimi.

Atası Səfər böyük islam alimi olmuşdur. İlk təhsilini 3-4 yaşında ikən atasından alan Saleh Əfəndi ərəb əlifbasını öyrənmişdir. Beş yaşında ikən Quran oxumağı bacaran Saleh Əfəndi atası və qardaşları ilə birlikdə uşaqlıqdan namaz qılırdı. Oğlu Cavid Əfəndinin dediklərinə görə, atasıgil köçəri olduğuna görə yayda yaylağa, yəni Maza k.-nə, qışda arana köçərdilər. 6 yaşında atasını itirən Saleh Əfəndini bir müddət keçdikdən sonra qardaşları Ağdaş r-nunda bir mollanın yanına aparıb xahiş edirlər ki, təhsilini davam etdirmək üçün ona kömək etsin. Saleh Əfəndi 10 yaşında ikən Ağdaş r-nunun Ağceyiz k.-də yaşayırdı. Bu vaxt k.-in mollası rəhmətə getmişdir.

(18.7.1953, Göyçay r-nunun Çayarxı k.) – atlet, AR Əməkdar bədən tərbiyəsi və idman xadimi (2016), Əməkdar məşqçi (1989), resp. dərəcəli hakim (1984).

Bakı Politexnik Texnikumunu (1971) və ADBTİA-nı (1977) bitirib. 1969-73 illərdə yüngül atletika üzrə Azərb. milli komandasının üzvü kimi bir çox beynəlxalq və ümumittifaq yarışlarının qalibi və mükafatçısı olub. 1971 ildə 10 min m məsafəyə idman yerişində keçmiş SSRİ-də ən yaxşı nəticəni, 1972 ildə 2 km məsafəyə idman yerişində III nəticəni göstərib.

(17.3.1970, Göyçay ş.) – şahmatçı, şahmat üzrə idman ustalığına namizəd, resp. dərəcəli hakim.

ADBTİ-ni (indiki ADBTİA) fərqlənmə diplomu ilə bitirib (1991). Bir çox nüfuzlu şahmat yarışlarında ölkəmizi uğurla təmsil edib. Bunların sırasına BƏƏ-də keçirilən XI Əbu-Dabi beynəlxalq şahmat turnirini (2000, I yer), Belarus Resp. keçirilən Ümumittifaq şahmat turnirini (1986, II yer), o cümlədən respublikamızda keçirilən yarışları aid etmək olar. Salehov qızlar arasında Azərb. yığma komandasında məşqçi kimi fəaliyyət göstərir. Bundan əlavə, o, Göyçay Uşaq-Gənclər Şahmat Məktəbində də məşqçi-müəllim kimi çalışır.

Məlumat K.Salehovdan alınıb.

(27.4.1945, Göyçay r-nunun Çayarxı k. – 25.7.2012, Bakı ş.) – alim, texnika e.d. (1992), prof. (2004).

Əsas tədqiqat sahəsi: “Kompleks yaxşılaşdırılmış xarakteristikalı rəqəmli ölçü sistemlərinin strukturları, işləmə alqoritmləri və qurulma üsulları”. 1961 ildə ADNSU-nun Avtomatika-telemexanika fakültəsini bitirib (1967). Əmək fəaliyyətinə Sumqayıt Elmi Tədqiqat Layihə İnstitutunda texnik kimi başlayıb. Burada laboratoriya müdiri vəzifəsinədək yüksəlib. 1983 ildə “Geofizcihaz” İstehsalat Birliyinin baş mühəndisi təyin olunub. Elmi məqalələri bir sıra xarici jurnallarda dərc olunub. Salehov ömrünün sonuna qədər ADNA-nın (indiki ADNSU) “İnformasiya – ölçmə və hesablama texnologiyaları” kafedrasında pedaqoji fəaliyyət göstərib.

Məlumat V.Abdullayevdən alınıb.