(15.8.1966, Göyçay ş.) – filoloq alim, yazıçı-ədəbiyyatşünas, filologiya ü.f.d. (2007), dos. (2018), AYB-nin üzvü (2017), “Qızıl qələm” və “Vətənpərvər yazar” mükafatları laureatı.

Ədəbi yaradıcılığa Göyçayda orta məktəb illərində şeirlə başlamışdır. ADPU-nun Dil və ədəbiyyat fakültəsini bitirib (1987). “XX əsrin əvvəllərində Azərbaycan ədəbi-mədəni fikrində qərbçilik meyilləri” mövzusunda namizədlik dissertasiyası müdafiə etmişdir (2007). “Azərbaycan ədəbi fikrində qərbçilik meyilləri – XX əsrin əvvəlləri” (2014),  “Məhəmməd ağa Şahtaxtlı və Şərq” (2016), “M.Ə.Rəsulzadənin bədii yaradıcılığı” (2017), “Azərbaycan yazıçıları və Şərq” (2018), “Ədəbi düşüncələr” (2021) monoqrafiyalarının, “Sənsiz səninlə” (2007), “Ləmanlı günlərim” (2010), “Baharda düşən yarpaq” (2016), “Bir cüt çöyərçin” (2017), “Qırılıb tale güzgüsü” (2021), “Göyçayın Qarabağ sevdalıları” (2021) bədii-publisistik kitablarının müəllifidir.  

(16.3.1974, Göyçay r-nunun İnçə k. – 22.12.1993, Füzuli r-nu ərazisində) – Birinci Qarabağ müharibəsi şəhidi.

Orta məktəbi bitirəndən sonra kənd 179 saylı Texniki Peşə Məktəbində təhsilini davam etdirib. 1992 ilin mayında hərbi xidmətə çağırılıb. Teymur Ağdərə, Çıldıran, Qalayçılar, Kasapet və Ağdam döyüşlərində yaxından iştirak edib. O, 1993 ilin dekabrında Füzuli r-nunun Bala Bəhmənli k. uğrunda gedən döyüşlərdə şəhid olub və 15 gün sonra doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

27.11.1949, Göyçay ş.) – Əməkdar həkim (1990).

N.Nərimanov adına ATİ-ni bitirib (1971). 1971-99 illərdə Göyçay r-n Gigiyena və Epidemiologiya Mərkəzində Sanitariya-gigiyena şöbəsinin müdiri, 1999–2022 illərdə Göyçay r-n Gigiyena və Epidemiologiya Mərkəzinin direktoru vəzifəsinə təyin olunub. Hazırda həmin vəzifədə çalışır. 1974–2018 illərdə səhiyyə işçiləri Həmkarlar İttifaqının Göyçay r-n şurasının sədri olub. SSRİ səhiyyə nazirinin 30 may 1986 il tarixli əmri ilə “SSRİ Səhiyyə əlaçısı” döş nişanı ilə, Azərb. Təbiəti Mühafizə Cəmiyyətinin 17 sentyabr 1985 il tarixli qərarı ilə “Təbiətin mühafizəsində fəal iştirakına görə” xatirə medalı ilə təltif edilib. Rayonda malyariya xəstəliyi, xüsusi təhlükəli yoluxucu xəstəliklər olan poliomelit, qara yara, difteriya və s. xəstəliklərin ləğv edilməsində aparılan yüksək səviyyəli profilaktik tədbirlərə görə Ümumdünya Səhiyyə Təşkilatının “Gümüş” döş nişanı, Avropa regional bürosunun, SSRİ və Azərb. Resp. səhiyyə nazirliklərinin fəxri fərmanları, sertifikatları ilə təltif edilib.

Məlumat A.Məmməddən alınıb.

İslamov Abil Yolçu oğlu (19.11.1958, Göyçay r-nunun Alıkənd k.) – şair, jurnalist, fotoreportyor, Azərbaycan Jurnalistlər Birliyinin üzvü (1993), AYB-nin üzvü (1998), Həsən bəy Zərdabi diplomu laureatı (2006), Prezident təqaüdçüsü (2020).

1966-70 illərdə Alıkənd k. məktəbində 4 illik ibtidai təhsil aldıqdan sonra Mırtı k. Q.Həsrətov adına orta məktəbdə təhsilini davam etdirmişdir. 1976 ildə həmin məktəbin 10-cu sinfini bitirdikdən sonra Bakıya gələrək əmək fəaliyyətinə başlayıb. Əmək fəaliyyətini davam etdirməklə, Bakı Maşınqayırma Texnikumunun “Metalların kəsməklə emalı” fakültəsini bitirib və texnik ixtisasına yiyələnib. Hərbi xidmətdən sonra (1977-79) təhsilini davam etdirmək üçün Ukraynanın Xarkov ş.-nə gedib və təhsilini Xarkov Kommunal Tikinti Mühəndisləri İnstitutunda davam etdirib (1982-86).

(3.9.1969, Göyçay r-nu Mallı-Şıxlı k. – 8.1.1994, Füzuli r-nu ərazisində) – Birinci Qarabağ müharibəsi şəhidi.

Əsgər rütbəsində hərbi xidmətə çağırılıb, 08.01.1994 ildə şəhid olub, Göyçay r-nunun Mallı-Şıxlı k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(20.6.1974, Göyçay r-nunun Mırtı k. – 8.2.1993, Ağdərə r. ərazisində) – Birinci Qarabağ müharibəsində itkin düşüb.

1991 ildə orta məktəbi bitirib. Göyçay Kənd Təsərrüfatının Mexanikləşdirilməsi və Elektirikləşdirilməsi Texnikumuna (indiki Göyçay Dövlət İdarəetmə və Texnologiya Kolleci) daxil olub.  26.9.1992 ildə hərbi xidmətə çağırılıb, 1993 il fevralın 6-da son döyüşü Drombon (Heyvalı) istiqamətində olub. 2007 ildə Göyçay r-on Məhkəməsinin qərarı ilə şəhid hesab olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

29.5.1932, Göyçay ş. – 15.8.2008, Bakı ş.) – ictimai xadim, Azərb. SSR Dövlət Təbiəti Mühafizə Komitəsinin ilk sədri.

Orta məktəbi bitirəndən sonra xüsusi seçimlə (qəbul imtahanları vermədən) Moskvaya oxumağa göndərilib və orada Moskva Kənd Təsərrüfatının Mexanikləşdirilməsi və Elektrikləşdirilməsi İnstitutunu mühəndis-mexanik ixtisası üzrə fərqlənmə diplomu ilə bitirb. 1958 ilin martında Azərb. Elmi-Tədqiqat Kənd Təsərrüfatının Mexanikləşdirilməsi və Elektrikləşdirilməsi İnstitutunun əyani aspiranturasına daxil olub və elmlər namizədi adı almaq üçün dissertasiya müdafiə edib. 5 elmi əsərin və ixtiranın müəllifidir. Adıgözəlov 1961 ilin dekabrından 1963 ilin sentyabrına qədər Azərb. KP Mərkəzi Komitəsində çalışıb. 1963 ilin sentyabrında Azərb. Həmkarlar İttifaqları Şurasının (AHİŞ) katibi, kənd təsərrüfatı həmkarlar ittifaqı təşkilatlarına rəhbərlik üzrə AHİŞ-in Bürosunun sədri, eyni zamanda kənd təsərrüfatı işçiləri və fəhlələri həmkarlar ittifaqı Resp. Komitəsinin sədri vəzifələrində çalışıb.

(17.4.1974, Göyçay ş. – 18.10.1992, Laçın r-nu ərazisində ) – Birinci Qarabağ müharibəsində itkin düşüb.

1992 il iyun ayının 27-də Göyçay RHK tərəfindən hərbi xidmətə çağırılıb. Həmin il oktyabr ayının 11-də Feyruzun xidmət etdiyi hərbi hissə Laçın r-nunun Səfiyan k. ətrafında gedən döyüşlərə göndərilib. Feyruz oktyabrın 18-də Səfiyan k. yaxınlığında əsir götürülüb.

Atası – Adıgözəlov Firuddinin Ermənistan Respublikasının Dövlət Təhlükəsizlik Komitəsi Noyemberyan r-n şöbəsinin rəisi A.Sarumyandan əldə etdiyi məlumata görə, Feyruz Yerevan ş. Hərbi Polis İdarəsinin İstintaq Təcridxanasında saxlanılıb. 2000 ildə Göyçay r-on Məhkəməsinin qərarı ilə şəhid hesab olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

E.Orucova. Bizi əsirlikdən qurtarın. Bakı, 2006, s. 33-34.

(1911, Göyçаy r-nu – 14.4.1943) – Böyük Vətən müharibəsi iştirakçısı.

Göyçay RHK.-dan оrduya çağırılıb. Serjant. RF-sı Каbardin-Balkar MR Terek r-nunda dəfn olunub.

Mənbə: Azərbaycan Respublikası Xatirə kitabı. 20 cilddə, VII cild, Bakı, 2007, s. 375.

(1905, Göyçay qəz. – 1.4.1945) – Böyük Vətən müharibəsi iştirakçısı.

Göyçay RHK.-dan оrduya çağırılıb. Polşa Resp.-nın Тürmits ş.-də dəfn olunub.

Mənbə: Azərbaycan Respublikası Xatirə kitabı. 20 cilddə, VII cild, Bakı, 2007, s. 373.