(1924, Alpout k. – 8.5.1944, Sevastopol ş.) – Böyük Vətən müharibəsi iştirakçısı.
Göyçay RHK tərəfindən hərbi xidmətə çağırılıb. Sevastopol döyüşlərində həlak olub. Оboronnoe kəndində, qardaşlıq məzarlığında dəfn olunub.
Məlumat V.Abdullayevdən alınıb.
(28.12.1979, Göyçay r-nunun Kürdəmiş k. – 30.7.1998, Ağdam r-nu) – Birinci Qarabağ müharibəsi şəhidi.
3.1.1998 ildə əsgər rütbəsində hərbi xidmətə çağırılıb, 30.7.1998 ildə şəhid olub, Doğulduğu k.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(3.3.2003, Göyçay ş.) – idman ustası, taekvondo idman növü üzrə 5 qat Avropa çempionu.
Dünyanın bir sıra ölkələrində respublikamızı dəfələrlə uğurla təmsil edib. Avstriya, Türkiyə, Bolqarıstan, Ukrayna və Gürcüstanda keçirilən beynəlxalq və Avropa səviyyəli yarışlarda ilk yerləri qazanıb. Yunanıstanda Prezident kuboku uğrunda yarışın qalibi olub. Əldə etdiyi göstəricilərə uyğun olaraq 1-ci dan qara kəmərə sahib olub. Hazırda Azərb. Dövlət Bədən Tərbiyəsi və İdman Akademiyasında təhsilini davam etdirir.
Məlumat ailəsindən alınıb.
(14.4.1966, Göyçay r-nu – 5.10.1992, Laçın r-nu ərazisində) – Birinci Qarabağ müharibəsində itkin.
Hərbi xidmətə qədər Göyçay r-nunda və Sumqayıt şəhərində yaşamışdır. 1992-ci ilin oktyabrında Laçın r-nu ərazisində gedən döyüşlər zamanı itkin düşmüşdür.
Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.
Alpavutlar, alpağutlar – türk tayfası. Qaraqoyunluların, sonra isə ağqoyunluların tərkibinə daxil idi. Səfəvilər dövründə Çuxursəd və Şirvanda yaşadıqları məlumdur. Hazırda Azərb. Resp.-nın Bərdə, Qazax, Goranboy, Göyçay, Laçın, Ucar r-nlarındakı Alpout, Cənubi Azərb.-da Alpaut (İranın Şərqi Azərbaycan ostanı) kəndlərinin adı Alpautla bağlıdır.
Mənbə: ASE. 10 cilddə, I cild, Bakı, 2009, s. 388.
or., sadə. Azərb. Resp. Göyçay r-nunun eyniadlı i.ə.v.-də kənd. Alpout ə.d.-nin mərkəzi. R-n mərkəzindən 41 km c.-ş.-də, Şilyan çayının sol sahilində, Qaraməryəm-Müsüslü avtomobil yolunun kənarında, Şirvan düzündədir. Əvvəllər Azərbaycanın Quba, Ağdam, Şamaxı, Samux rayonlarının ərazilərində də Alpout adlı kəndlər qeydə alınmışdır.
Bu, kənd r-n mərkəzindən 40 km c.-ş.-də Şilyan çayının sol sahilində, Qaraməryəm – Müsüslü şose yolu kənarında yerləşir. Qədim türk tayfası olan Alpout öz adını tarixə həkk etmişdir. Məşhur Azərb. tarixçisi Həsənbəy Rumlunun (XVI əsr) Azərbaycan ərazisində yaşamış müxtəlif qəbilələr haqqında məlumatlarını əks etdirən “Axsanut-tavarix” (“Əhsən ət-tavarix”) kitabında alpavut (alpout) qəbiləsinin adı çəkilir. Beləliklə, həm arxeoloqların verdikləri məlumatlar, həm toponimlər bu regionun qədim zamanlardan tarixi dolğun hadisələrlə zəngin bir ərazi olduğunu göstərir.
Alxasova, oyk., mür. Azərb. Resp. Göyçay r-nunun İncə i.ə.v.-də kənd. Alxasava ə.d.-nin mərkəzi. R-n mərkəzindən 20 km c.-ş.-də, dağətəyi düzənlikdədir. Bozdağın ətəyindədir. 1993 ilədək Birinci və İkinci Alxasova kəndlərindən ibarət idi. Oykonim “Alxasa məxsus oba” mənasındadır.
Əh. 824 (2008); maldarlıq, əkinçilik və bağçılıqla (əsasən, narçılıq) məşğuldur. Orta məktəb, uşaq bağçası, mədəniyyət evi, feldşer-mama məntəqəsi, kitabxana var.
Mənbə: “Azərbaycan toponimlərinin ensiklopedik lüğəti”. I cild, Bakı, “Şərq-Qərb”, 2007, s. 34
Azərbaycan Milli Ensiklopediyası, I cild, “Azərbaycan Milli Ensiklopediyası” Elmi Mərkəzi. Bakı, 2009, s. 315.
Alxasava k.-ində ilk məscidi 1924 ildə Hafizul Quran Molla Baqi tikdirib. Məscid k.-in Mollalı məhləsində yerləşir. Həmin məscid baxımsızlıq ucbatından bu gün çox yararsız bir vəziyyətdədir. Böyük İslam alimi olmuş Molla Baqi dini əqidəsinə görə 1934 ildə Qazaxıstana sürgün edilmişdir. Kənd sakini 85 yaşlı Hacı Biykəs Fərman oğlunun dediyinə görə, məscid yararsız vəziyyətdə olduğu üçün o, yenidən kiçik bir məscid tikdirmək qərarına gəlir. 2001 ildə k.-in Təzə məhlə deyilən ərazisində kiçik bir məscid tikdirir. Məscidi Hacı Biykəs Fərman oğlu tikdirdiyi üçün onun adı ilə bağlı olaraq Hacı Biykəs məscidi adlanır.
(16.8.1957, Göyçay ş.) – Azərb. Həmkarlar İttifaqları Konfederasiyası (AİHK) sədrinin müavini (2001), Əməkdar mədəniyyət işçisi (2015).
D.Bünyadzadə adına Azərb. Xalq Təsərrüfatı İnstitutunu (indiki ADİU) bitirib (1978). Ali təhsilini başa vurandan sonra 1978-99 illərdə SSRİ Dövlət material ehtiyatları Komitəsinin Azərb. məhəlli idarəsində (1990 ildən Azərb. Nazirlər Kabineti yanında Dövlət Material Ehtiyatları Komitəsi) böyük mühəndis, şöbə rəisi, komitə sədrinin birinci müavini, sədr əvəzi, Azərb. Qızıl Aypara Cəmiyyətinin Baş katibi vəzifələrində çalışıb. Alxasov AHİK.-in Məclis və İcraiyyə komitəsinin üzvüdür. Azərb. Resp. ictimai-siyasi həyatında və həmkarlar ittifaqlarının inkişafında xüsusi xidmətlərinə görə Azərb. Prezidentinin 2008 il 2 fevral tarixli sərəncamı ilə “Tərəqqi” medalı, Azərbaycan Həmkarlar İttifaqları Konfederasiyasının “100 illik Yubiley” medalı ilə təltif olunub.
