Anar Rəsul oğlu Rzayev (14.3.1938, Bakı ş.) – nasir, şair, dramaturq, tərcüməçi, ssenarist, Xalq yazıçısı (1998), AYB-nin sədri (1991).

Azərb.-ın görkəmli şairləri Rəsul Rzanın və Nigar Rəfibəylinin övladıdır. Anası şairə Nigar Rəfibəyli AXC-nin ilk səhiyyə naziri və Gəncə ş.-nin general-qubernatoru olan Xudadat bəy Rəfibəylinin qızıdır. Məşhur Rəfibəylilər nəslindən olan Nigar xanım 1913 il iyunun 29-da Gəncədə anadan olub. Ata tərəfdən babası Ələkbər bəy Rəfibəyli – el ağsaqqalı, maarifçi, Azərbaycanda ilk siyası partiya olan “Difai” Partiyasının yaradıcılarındandır. Ələkbər bəyin yeganə oğlu, Nigar xanımın atası Xudadat bəy ilk ali təhsilli cərrahlardandır. Xarkov Tibb Universitetini bitirdikdən sonra 17 il Gəncə xəstəxanasının baş həkimi və həkimlər cəmiyyətinin sədri vəzifəsində çalışıb. 1918 ildə Gəncədə müstəqil Azərb. Cümhuriyyəti qurulan zaman Xudadat bəy Rəfibəyli Fətəli xan Xoyskinin hökumətində ilk səhiyyə naziri olub, bir il sonra isə Gəncə general-qubernatoru vəzifəsinə təyin edilib. 1920 il aprel bolşevik çevrilişindən sonra həbs edilib, Gəncə üsyanının təşkilində ittiham edilərək güllələnib.

Cəfərov Aqil Abbas oğlu (1.9.1972, Göyçay ş.) – müəllim, şair-publisist, AYB və AJB-nin üzvü.

1989 ildə Nizami adına Göyçay ş. 7 saylı orta məktəbini bitirmişdir. 1989 ildə Göyçay MKS-də işləmişdir. A.Kəngərli 1995 ildə BDU-nun Kitabxanaçılıq, 2002 ildə Azərb. Müəllimlər İnstitutunun Tarix fakültəsini bitirmiş, kitabxançı-biblioqraf və tarix müəllimi ixtisasları almışdır. 1995–2000 illərdə “Press-exo”, “Xalq”, ’’Hürriyyət”, “Millət”, “Azad fikir”, “Hünər” qəzetlərində müxbir, şöbə müdiri, redaktor vəzifələrində işləmişdir. 2003-09 illərdə Nizami adına Göyçay ş. 7 saylı orta məktəbdə tarix müəllimi, 2009 ildən isə direktorun tərbiyə işləri üzrə müavini vəzifəsində işləyir. “Bir Allahın eşqinə” adlı ilk kitabı 2004 ildə çap olunmuşdur. “Məni çağır yuxuna”, ’’Yaxın və uzaq tarix”, “Mixaylonun silahdaşı”, “Qəm dünyası”, “Vaxtsız getdi gəncliyim” və s. adlı 12 kitabın müəllifidir.

Azərb.-da iqtisadi-coğrafi r-n. Əh.1893,0 min (2021). Mingəçevir, Şirvan və Yevlax ş.-lərini, Ağcabədi, Ağdaş, Beyləqan, Bərdə, Biləsuvar, Göyçay, Hacıqabul, İmişli, Kürdəmir, Neftçala, Saatlı, Sabirabad, Salyan, Ucar, Zərdab inzibati r-nlarını və Şirvan, Mingəçevir, Yevlax ş.-lərini əhatə edir. İqtisadi rayon əsasən Kür-Araz ovalığında yerləşir, əlverişli İCM-ə malikdir. Ovalığın ərazisinin mərkəzi və şərq hissələri okean səviyyəsindən aşağıda yerləşir, səthi hamardır. Dəniz və çay çöküntüləri düzənliyin çox hissəsini örtür. İqtisadi rayonun ətrafında olan dağlara yaxın sahələrinin səthi meyillidir. Yayı quraq keçən yarımsəhra və quru çöl iqlimi səciyyəvidir. İqtisadi rayonun sahəsi 21,43 min kv.km olmaqla ölkə ərazisinin 24,7%-ni əhatə edir.

oyk., mür.  Azərb. Resp. Göyçay r-nunun İnçə i.ə.v.-də kənd. Şirvan kanalı boyundadır. “Qaraməryəm adlı yaşayış məntəqəsinin aşağı hissəsi” deməkdir. Mənbələrdə Aşağı Qaraməryən variantında da qeyd olunur. İkinci komponent qara (böyük) və maryan (dağın gündöyən hissəsi, çöl bitkiləri ilə əhatə olunmuş sahə) komponentlərindən ibarət olub, “böyük otlaq sahəsi, dağın gündöyən ətəyi” mənalarını bildirir. Ərazinin coğrafi mövqeyi də bu izaha uyğundur.

Mənbə: “Azərbaycan toponimlərinin ensiklopedik lüğəti”. I cild. Bakı, “Şərq-Qərb”, 2007, s. 56.

Aşağı Qaraməryəm k. r-n mərkəzindən 34 km c.-ş.-də, Yuxarı Şirvan kanalı boyunda, Müsüslü-Göyçay avtomobil yolu kənarında yerləşir. Bu kənd r-nun ən qədim kəndlərindəndir. R-nun tarixi məscidlərindən biri də bu kənddədir. Məscid kəndin Yuxarı məhlə deyilən ərazisində yerləşir. Bu məscidin başı çox ağır bəlalar çəkmişdir. Bu məscidin nə tarixi, nə də kim tərəfindən tikildiyi məlum deyil. Kənd sakini Şöhrət Cəfərovun böyüklərdən eşitdiyinə görə, bu məscid iki dəfə 1905 ildə, bir də 1918 ildə ermənilərin bu ərazilərə hücumları zamanı ermənilər tərəfindən yandırılmışdır. Ancaq məscidin divarları salamat qalmışdır. Məscid divarının qalınlığı 120 sm-dir. Sovet hakimiyyəti illərində bina təmir olunmuş, bir müddət kitabxana, taxıl anbarı, daha sonralar isə təxminən 1960 ildən sovet hakimiyyəti dağılana qədər isə məktəb olmuşdur. 1991-92 illərdə sovet hakimiyyəti dağıldıqdan sonra məscidin yenidən fəaliyyət göstərməsi üçün kənd ağsaqqalları şikayət etmiş və o gündən məscid geri qaytarılaraq fəaliyyətə başlamışdır. 2007 ilin əvvəllərində kənd camaatının köməkliyi ilə məscid yenidən əsaslı şəkildə təmir olunmuşdur.

(1930, Göyçay r-nunun Bəydövül k. – 1987, Göyçay ş.) – orijinal nağılçılığı və səliqəli ifa üslubuna görə özünəxas yaradıcılığa malik el sənətkarı.

Aşıq Cəbi Şirvanda, Muğanda, Dərbənddə sayılıb-seçilən aşıqlardan olub. Azərb.-la yanaşı, onu hətta Orta Asiya türkləri də çox seviblər. Aşıq Cəbi Orta Asiyada yaşayan yüzlərlə soydaşımızın toyunda öz saz-söz ifaları ilə iştirak edib. Aşığın zəngin şeir yaradıcılığı da olmuşdur. Lakin onun şeirlərindən çox az bir hissəsi gəlib bizə çatıb.

Mənbə: Q.Sayılov. “Şirvan aşıqlıq sənəti. Mənşəyi və durumu”. Mersin Akademi Yayınları, 2020.

(15.6.1947, Göyçay r-nunun Bığır k. – 4.1993) – geologiya-minerologiya ü.f.d.

1947 il iyunun 15-də Göyçay r-nunun Bığır k.-də anadan olub. Orta məktəbi bitirəndən sonra indiki BDU Geoloji coğrafiya fakültəsinə daxil olub. 1968 ildə həmin fakültəni bitirib geoloq ixtisasına yiyələnib. Sonra Azərb. EA Geologiya İnstitutunda lobarant, elmi işçi, baş elmi işçi vəzifələrində çalışıb. 1974-76 illərdə həmin institutun aspiranturasında təhsilini davam etdirib, daha sonra isə Xarkov Dövlət Universitetinin elmi şurasında dissertasiya müdafiə edərək geologiya-minerologiya elmləri namizədi alimlik dərəcəsi alıb. Ş.Aslanov 1993 ilin aprelində vəfat edib.

Material V.Abdullayevdən alınıb.

Bu ziyarətgahlar r-n Çayarxı k. qəbiristanlığının ərazisindədir. Kənd camaatının dediyinə görə, bu insanlar buraya Şamaxı r-nunun Nabırlı k.-dən gəlib məskunlaşmışlar. Atababa və Şıxzadə baba böyük övliya İtikçi Sofuxa Məmməd babanın oğlanlarıdır. Onlar bu əraziyə 1930-32 illərdə gəlib və bir müddət burada yaşamışlar. Bu qəbirlər üzərində böyük kitabə vardır. Atababa babanın qəbrinin üzəri şiferlə örtülmüş, Şıxzadə babanın qəbrinin üzərində isə kvadrat formada (5 m x 5 m) 4 m hündürlüyündə mişar daşından günbəz ucaldılmışdır. Şıxzadə babanın qəbri üstündə olan kitabənin üzərində onun yaşadığı illər (1860–1936) və aşağıdakı bu şeir yazılmışdır.

(15.7.1925, Göyçay ş. – 3.2.1994, Bakı) – Azərb. müğənnisi (lirik-dramatik tenor), pianoçu.

Azərb. SSR Xalq artisti (1967). Prof. (1972). Moskva Dövlət Konservatoriyasını (1949; K.N.İqumnovun sinfini) və onun aspiranturasını (1952; X.N.Fliyerin sinfini) bitirib.

Vokal üzrə A.V.Nejdanovadan dərs alıb. 1953-94 illərdə Azərb. Dövlət Opera və Balet Teatrının solisti olub.

(21.8.1927, Göyçay ş. – 30.11.2012, Bakı ş.) – skripkaçı, pedaqoq, Əməkdar artist (2007).

1945 ildə Azərb. Dövlət Konservatoriyasına qəbul olub, sonradan təhsilini Moskva Dövlət Konservatoriyasının skripka sinfi üzrə davam etdirib və 1952 ildə burada Dmitri Tsıqanovun skripka sinfini bitirib. 1952 ildən ömrünün sonunadək Azərb. Dövlət Konservatoriyasının “Simli alətlər” kafedrasında dərs demişdir. 1952-62 illərdə konservatoriyanın nəzdindəki musiqi məktəbinin direktoru olub.