(1919, Göyçay ş. – ?) – Böyük Vətən müharibəsi iştirakçısı. İtkin düşüb.
Cəbhədə göstərdiyi igidliklərə görə I dərəcəli “Vətən müharibəsi” ordeni ilə təltif edilib.
Mənbə: Zülfüqarlı M., “Göyçay tarixi”, Bakı, 2022, s. 207.
Qafarov İlqar Saab oğlu (22.7.1978, Göyçay r-nu, Bığır k.) – hərbi təyyarəçi, general-mayor.
1984-94 illərdə Göyçay r-nu Bığır kəndinin 1 nömrəli Əli Əfəndi adına tam orta məktəbində təhsil alıb. 1994 ildə Türkiyə Resp.-nın Ali Hərbi Təyyarəçilik Məktəbinə daxil olub və 1998 ildə təyyarəçi və Endüstrü mühəndisi ixtisası üzrə bitirib.
Macarıstan Resp.-nın Budapeşt ş.-də, Amerika Birləşmiş Ştatlarının San-Antonio və Vaşinqton ş.-rində və Türkiyə Resp.-da təkmilləşdirmə kurslarında iştirak edib.
(6.8.1996, Göyçay r-nunun Yalman k. – 8.10.2020, Füzuli r-nu) – Vətən müharibəsi şəhidi.
Həqiqi hərbi xidmətini bitirdikdən sonra 24.2.2017 il tarixdə N saylı hərbi hissədə gizir vəzifəsində xidmətə başlayıb. 8 oktyabr 2020 il tarixdə şəhid olub. Doğulduğu k.-də dəfn edilib.
Ölümündən sonra Azərb. Resp. Prezidentinin sərəncamı ilə “Vətən uğrunda” (15.12.2020) və “Cəbrayılın azad olunmasına görə” (22.12.2020) medalları ilə təltif edilib.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(1921, Göyçay qəz. Potu k. – 19.2.1996 Göyçay r-nu) – Böyük Vətən müharibəsi iştirakçısı
Orta təhsilini əla qiymətlərlə bitirərək, Göyçay r-n Pedaqoji Texnikumuna daxil olub. Texnikumu bitirdikdən sonra, 1940-41 illərdə İsmayıllı r-nunun Leninqrad natamam orta məktəbində müəllim kimi fəaliyyətə başlayıb. ll Dünya Müharibəsinin başlaması ilə 1941 ildə Qızıl Ordu sıralarına çağrılıb. 1941-1943-cü illərdə Ukraynada və Stalinqradda gedən döyüşlərdə iştirak edib, ağır yaralanıb, l qrup əlil olaraq ordu sıralarından təxris olunub. Döyüşdə göstərdiyi şücaət və qəhrəmanlığa görə orden və medallarla təltif olunub.
Əfəndizadə Qafur Sədrəddin oğlu (22.5.1888, Göyçay qəz. Potu k. – 28.1.1944, Cizak vilayətində) – Azərb.-ın maarif xadimi, pedaqoq, yazıçı, AYB-nin üzvü (1934).
İlk təhsilini Potuda, dövrünün tanınmış ziyalılarından olan, Sədi Salis təxəllüsü ilə şeirlər yazan atası Sədrəddin Əfəndinin xüsusi məktəbində (1896–1905) almış, sonra Göyçay ş.-də İbrahim Həqqinin yeni üsul məktəbində (1905-08) oxumuşdur.
(17.7.1958, Göyçay ş.) – şair, yazıçı, tərcüməçi, AYB-nin üzvü (1996).
Göyçay ş. 1 saylı orta ümumtəhsil məktəbini (1975), BDU-nun Filologiya fakültəsini (1985), Jurnalist Sənətkarlığı İnstitutunu (1987) bitirib. 1976-78 illərdə hərbi xidmətdə olub. 1979-89 illərdə AMEA-nın “Sovetskaya türkologiya” elmi-kütləvi jurnalında işləyib. 1989-94 illərdə AMEA-nın “Elm” və “Tarix” qəzetlərində, Milli Məclisin orqanı olan “Azərbaycan” qəzetində, “ABS” və “Cümə” müstəqil nəşrlərində çalışıb. 1994-96 illərdə “Yol” ədəbi qəzetinin və “WEEK-END” həftəliyinin redaktoru, Azərb. Tərcümə Mərkəzinin nəşriyyat redaksiyasının baş redaktoru olub. 1996-99 illərdə Azərb. Resp. Mədəniyyət Nazirliyinin mətbuat xidmətinin rəhbəri vəzifəsində çalışıb. 1999-2014 illərdə “Antinarkotizm” Beynəlxalq elmi-analitik Mərkəzin direktoru və “Azərbaycan-Rumıniya Dostluq Cəmiyyəti” ictimai birliyinin sədri vəzifələrini icra edib. 2014 ildən Azərb. Resp. Nazirlər Kabineti yanında Tərcümə Mərkəzinin Dünya ədəbiyyatı şöbəsinin müdiri vəzifəsində çalışır. “Tənhalıq” (2008), “Poetik silsilələr toplusu” (2011), “Sonuncu korifey” (2022) kitablarının müəllifidir. F.Kafka, Q.Markes, E.Heminquey, U.Folkner, A.Kamyu, P.Modiano, M.Lermontov, O.Suleymenov, A.Voznesenski və digər bir çox görkəmli ədiblərin əsərlərini tərcümə etmişdir.
Məlumat M.Qarayevdən alınıb.
(11.2.1926, Göyçay r-nunun Ləkçıplaq k. – 27.11.1982) –şərqşünas alim, filologiya ü.f.d. (1971).
ADU-nun (indiki BDU) Şərqşünaslıq fakültəsini bitirib, ömrünün sonuna kimi AMEA-da müxtəlif vəzifələrdə işləyib. Qarayev 1960-66 illərdə Respublika Əlyazmalar Fondunda (indiki Məhəmməd Füzuli adına Əlyazmalar İnstitutu), 1966-72 illərdə Nizami adına Ədəbiyyat İnstitutunda işləyib. Qarayev 1971 ildə “XIX əsr Azərbaycan ədəbi məclisləri” mövzusunda namizədlik dissertasiyası müdafiə edib.
(1.7.1973, Göyçay ş. – 1.1.1994, Ağdam r-nu) – Birinci Qarabağ müharibəsi şəhidi.
Əsgər rütbəsində hərbi xidmətə çağırılıb. 1.1.1994 il tarixdə şəhid olub. Göyçay ş.-də dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(8.12.1963, Göyçay ş.) – riyaziyyat ü.f.d.
BDU-nu bitirib (1985). Elmi fəaliyyəti dövründə Banax fəzasında sonsuz defektə malik sistemin bazisliyi üçün kriteriya vermiş və kafi şərtlər tapmışdır. Multiplikator dilində həyəcanlanmış eksponent sistemə və sinus, kosinus sistemlərinə nəzərən “1/4-Kadets” teoreminin Lp-analoqunu tapmışdır. Sinus-kosinus tipli sistemlərin çəkili Lebeq fəzalarında bazislik xassələri arasında əlaqələr vermişdir. Hazırda AMEA-nın Riyaziyyat və Mexanika İnstitutunda çalışır.
Mənbə: https://science.gov.az
(1932, Göyçay r-nunun Alxasava k.) – pəhləvan, Azəb. Çempionu.
Gənc yaşlarından fiziki gücü ilə yaşıdlarından fərqlənib və pəhləvan kimi tanınmağa başlayıb. 17 yaşında Göyçay idman klubuna dəvət edilib, klubunun sədri Hətəm Abuşalamovun rəhbərliyi ilə bir həftəlik təlim-məşq toplantısında iştirak etdikdən sonra 1950 illərdə Xankəndidə keçirilən Azərb. çempionatında Göyçay komandasının tərkibində çıxış edib və öz çəki dərəcəsində birinci yeri qazanıb. Sonrakı illərdə Bakıda və respublikanın digər yerlərində keçirilən yarışlarda iştirak edib və qələbə qazanıb. Göyçaylı olan Çingiz pəhləvan və Eldar pəhləvanla bir neçə yarışlarda iştirak edib.
