2.8.1963, Göyçay ş.) – Azərb. Ordusunun polkovnik-leytenantı, Birinci Qarabağ müharibəsi iştirakçısı, Müharibə və Silahlı Qüvvələr veteranı, Azərb. Vətən Müharibəsi Veteranları İctimai Birliyi Sabunçu r-n şöbəsinin üzvü.

1983 ildə hərbi xidmətdən qayıdandan sonra Kuybışev ş. Sənaye-Pedaqoji Texnikumuna qəbul olunub, 1989 ildə isə SSRİ Daxili İşlər Nazirliyinin Sverdlovsk ş.-də yerləşən sıravi polis nəfəri (kiçik rəis heyəti) hazırlayan Polis Məktəbini bitirib. 1989-91 illərdə SSRİ Daxili İşlər Nazirliyinin Baqdanoviç ş.-də yerləşən Polis Şöbəsində post-patrul nəfəri vəzifəsində işləmişdir.

(22.11.1973, Göyçay r-nunun Çaxırlı k. – 31.8.1993, Füzuli r-nu) – Birinci Qarabağ müharibəsində itkin düşüb.

1992 ildə Göyçay RHK tərəfindən hərbi xidmətə çağırılıb. 702-ci hərbi hissədə qulluq edib. 1993 ilin avqustunda Füzuli r-nu ərazisində itkin düşüb. Göyçay r-n məhkəməsinin 2000 il tarixli qətnaməsinə əsasən ona şəhid statusu verilib.

Mənbə: Əsir və itkin düşmüş, girov götürülmüş vətəndaşlarla əlaqədar Dövlət Komissiyası.

(20.1.1973, Göyçay r-nunun Ləkçıplaq k.) – aktyor, Əməkdar artist (2002).

M.Əliyev adına ADİİ-nun (indiki ADMİU) Dram və kino aktyorluğu fakültəsini bitirib (1994). 1991 ildən Bakı Kamera Teatrının, 2009 ildən Azərb. Dövlət Gənc Tamaşaçılar Teatrının aktyorudur, ADMİU-nun müəllimidir.

ADGTT-da və Türkiyədə tamaşalara quruluş verib. “Sabiqlər” (1999), “Boyunbağı” (2005), “Maestro Niyazi” (2007), “Bir addım” (2009, q/m), “Səndən sonra” (2013-2014, b/s) film və fılm-tamaşalarında çəkilib. F.Dostoyevski adına Beynəlxalq Festivalın laureatıdır (2006, RF).

(18.8.1935 –11.4.2011, Göyçay r-nunun Potu k.) – mexanizator, SSRİ Ali Sovetinin deputatı.

Orta məktəbi bitirdikdən sonra traktorçu-sürücü peşəsinə yiyələnmiş, hərbi xidmətdən sonra isə 1970 ilədək Potu k. Kalinin adına kolxozda mexanizator işləmişdir. Elə həmin il 205 saylı dairədən SSRİ Ali Sovetinə deputat seçilmişdir. İşlədiyi müddətdə səmərəli fəaliyyətinə və əldə etdiyi yüksək nailiyyətlərə görə bir çox orden və medallarla, o cümlədən “Qırmızı əmək bayrağı” ordeni ilə təltif olunub. Vəliyev 1972-78 illərdə Azərb. Kənd Təsərrüfatı İnstitutunda (indiki Azərb. Dövlət Aqrar Universiteti) qiyabi yolla təhsil alıb. Bundan sonra uzun müddət Potu k. Ə.Kərim adına kolxozda baş mühəndis vəzifəsində çalışıb.

Məlumat ailəsindən alınıb.

(1905, Göyçay qəz. Ləkçıplaq k. – 9.11.1979, Göyçay r-nunun Ləkçıplaq k.) – müəllim, “Qırmızı Əmək Bayrağı” və “Şərəf nişanı” ordenləri kavaleri.

Ş.Vəliyev 1924 ildə Şuşa Qiyabi Pedaqoji Texnikumunu, 1939 ildə isə Azərb. Dövlət Qiyabi Pedaqoji İnstitutunun Təbiyyat fakültəsini bitirib. 1945 ilin oktyabr ayından 1946 ilin sentyabr ayına kimi Azərb. KP MK.-nın nəzdində açılmış birillik “Təbliğatçı məktəbi”ndə müdavim olub. 1946 ildə həmin məktəbi bitirərək təbliğatçı ixtisasına yiyələnib. O, əmək fəaliyyətinə 1.9.1924 ildə müəllim kimi başlayıb. 1924-25 dərs ilində Göyçay qəz. Çaxırlı k. 1-ci dərəcəli məktəbində müəllim, 1925-26 dərs ilində Ləkçıplaq k. 1-ci dərəcəli məktəbində müəllim, 1926-28 dərs illərində Kürdəmiş k.1-ci dərəcəli məktəbində müdir, 1928-29 dərs ilində Göyçay qəz. Qoruqbağı k. (indiki Zərdab r-nunda k.) 1-ci dərəcəli məktəbində müdir, 1929-31 dərs illərində Yalman k. 1-ci dərəcəli məktəbində müdir, 1931-35 dərs illərində Ləkçıplaq k. natamam orta məktəbində müəllim, 1935-36 dərs ilində Göyçay r-nunun Qulabənd k. (indiki Ucar r-nunda k.) natamam orta məktəbində müəllim və tədris-hissə müdiri, 1936-44 dərs illərində Ləkçıplaq k. orta məktəbində müəllim və tədris-hissə müdiri, 1944 ilin avqust ayından 1945 ilin oktyabr ayına kimi Azərb. KP Göyçay r-n Komitəsində təbliğat-təşviqat şöbəsinin müdiri işləyib.

(1.2.1947, Göyçay r-nunun Ləkçıplaq k.) – kənd təsərrüfatı sahəsində alim, texnika ü.f.d. (1984), dos. (1989).

Azərb. Kənd Təsərrüfatı İnstitutunun (indiki Azərb. Dövlət Aqrar Universiteti) Kənd təsərrüfatının mexanikləşdirilməsi fakültəsini fərqlənmə diplomu ilə bitirib (1975). 1984 ildə “Mexanikləşdirilmiş manqaların maşınlar kompleksinin əsaslandırılması və üzvi gübrələr texnologiyası” mövzusunda namizədlik dissertasiyası müdafiə edib. Azərb. Kənd Təsərrüfatı İnstitutunun “Əmək mühafizəsi” kafedrasının müdiri (1988-90), Azərb. Kənd Təsərrüfatı Akademiyasının (AKTA) Kənd təsərrüfatının mexanikləşdirilməsi fakültəsinin dekanı (1990-94), AKTA-nın tədris işləri üzrə prorektoru və rektor əvəzi (1994-96), AKTA-nın “Əmək mühafizəsi” və “Maşın-traktor parkının istismarı və həyat fəaliyyətinin təhlükəsizliyi” kafedralarında dosent, habelə kafedra müdiri (1996–2008), Azərb. Dövlət Aqrar Universiteti qiyabi təhsil şöbəsinin müdiri vəzifələrində çalışıb. “Tərəqqi” medalı ilə təltif olunub (2010). Bir sıra məqalələrin, dərs və metodoloji vəsaitlərin müəllifidir.

(1951, Göyçay ş.) – Əməkdar müəllim (1990), AJB-nin üzvü.

BDU-nun Tarix fakültəsini qiyabi (1975), sonra isə Pedaqoji Kadrların İxtisasartırma və Yenidənhazırlama İnstitutunun İqtisadiyyat fakültəsini (1996) bitirib. 1971-73 illərdə Göyçay ş. 7 saylı orta məktəbində müəllim işləyib. 1973-78 illərdə Göyçay r-n Komsomol Komitəsinin məktəblər üzrə katibi, II katibi, 1978-96 illərdə Göyçay r-n 1 saylı orta məktəbində müəllim, 1998–2016 illərdə APKİA və YHİ-da metodist, Azərb. Müəllimlər İnstitutunda metodist, kabinet müdiri, “Təhsildə araşdırmalar və innovasiyalar” Mərkəzində metodist işləyib. 2016 ildən “Pedaqoji təhsilin problemləri” elmi tədqiqat laboratoriyasında kiçik elmi işçi vəzifəsində çalışır. SSRİ Təhsil Nazirliyinin “Krupskaya medalı”na layiq görülüb, Ak. M.Mehdizadə mükafatı laureatı olub, eyni zamanda, “XXI əsrin tanınmış maarifçisi” beynəlxalq diplomunu alıb, “VEKTOR” Elmi Mərkəzi mükafat komissiyasının qərarı ilə “Azərbaycanın tanınmış maarifçiləri” beynəlxalq layihəsinin qalibi olub. Çoxsaylı əsərlərin və elmi məqalələrin müəllifidir. Hazırda ADPU Elmi Tədqiqat Mərkəzinin elmi işçisidir.

Məlumat A.Kəngərlidən alınıb.

(1.9.1973 Göyçay r-nunun Çayarxı k. – 17.7.1992, Ağdərə r-nunun Umudlu k.) – Birinci Qarabağ müharibəsi şəhidi.

K. orta məktəbində 8 il təhsil aldıqdan sonra 58 saylı Texniki Peşə Məktəbində sənətə yiyələnib. Bir müddət k.-də əmək fəaliyyəti ilə məşğul olub. Elə oradan da hərbi xidmətə yola düşüb. Kəlbəcərin Qılınclı və Ağdaban, Ağdərə r-nunun Zəylik, Artek, Umudlu k.-lərində gedən döyüşlərdə iştirak edib. Umudlu k. ətrafında baş verən döyüşdə şəhid olub. Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(9.6.1996, Göyçay r-nunun Qəbələ Müskürlü k. – 19.11.2020, Tərtər-Ağdərə istiqamətində) – Vətən müharibəsi şəhidi.

21 sentyabr 2020 il tarixdə hərbi təlimlərə cəlb edilib, 19 noyabr 2020 il tarixdə döyüş əməliyyatı zamanı şəhid olub. Doğulduğu k.-də dəfn olunub.

Ölümündən sonra Azərb. Resp.-sı Prezidentinin sərəncamı ilə “Vətən uğrunda” (15.12.2020), “Suqovuşanın azad olunmasına görə” (24.6.2021) və “Cəsur döyüşçü” (24.6.2021) medalları ilə təltif edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1902, Göyçay – 9.2.1943) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Кiçik serjant. Çex Respublikasının Мikloşxova k.-də dəfn olunub.

Məlumat V.Abdullayevdən alınıb.