(1925, Göyçay qəz. Mırtı k.– 15.10.1943) – Böyük Vətən müharibəsi iştirakçısı.
1942 ildə Göyçay RHK.-dan оrduya çağırılıb. Sıravi əsgər. 113-cü аtıcı diviziyası 1292-ci аtıcı аlayının аvtomatçısı. Ukrayna Resp.-sı Dnepropetrovsk vilayəti, Dneprovsk r-nunun Borodayevka k.-də dəfn olunub.
Mənbə: Azərbaycan Respublikası Xatirə kitabı. 20 cilddə, VI cild, Bakı, 2006, s.33.
(5.10.1959, Göyçay ş.) – Əməkdar jurnalist (2008), AJB-nin üzvü, polis polkovniki.
C.Xaspoladov müəllim ailəsində doğulub, 1978 ildə ADU-nun Jurnalistika fakültəsinin əyani şöbəsinə daxil olub, 1983 ildə fərqlənmə diplomu ilə bitirib. Ayrı-ayrı illərdə “Xalq qəzeti”, “Azərbaycan”, “Respublika” qəzetlərində xüsusi müxbir, şöbə müdiri, redaktor müavini, AzərTac-ın baş redaktorunun müavini vəzifələrində çalışıb. DİN Mətbuat Xidmətinin rəis müavini, “Mübariz keşikdə” qəzetinin və “Asayişin keşiyində” jurnalının redaktoru olub. SSRİ Jurnalistlər İttifaqına, AJB-yə üzv seçilib. Mətbuatda jurnalistikanın müxtəlif janrlarında minlərlə yazısı, “Müxbir”, “Universitetin elmi xəbərləri” və “Jurnalistika” məcmuələrində elmi məqalələri dərc olunub. “Qızıl qələm” və “Araz” media mükafatlarına, “Kamil sənətkar” diplomuna layiq görülüb. 2002 ildə Azərb. Resp.-nın Prezidenti Heydər Əliyevin sərəncamı ilə “İgidliyə görə” medalı ilə təltif olunub. C.Xaspoladov hazırda təqaüddədir.
Mənbə: http://anl.az/down/meqale/xalqqazeti/xalqqazeti_oktyabr2009/91546.htm
(22.2.1901, Göyçay ş. – 1986, Moskva ş.) – Rusiya ədliyyə orqanlarının tanınmış nümayəndəsi, Ədliyyə general-mayoru.
Çox erkən yaşlarında atasını itirən balaca Əjdər ehtiyac üzündən bir rus keşişinin evində xidmətçilik edir. Burada rus dilini mükəmməl öyrənərək ibtidai təhsil alır. Anasının vəfatından bir qədər sonra o, Bakıya gedir, işə düzəlir və gənclərin inqilabi hərəkatında fəal iştirak edir. 1919 ilin payızında Xaspoladov oxumaq üçün N.Nərimanovun təqdimatı ilə bir qrup qabaqcıl gənclə birgə Moskvaya göndərilir. Həmin ildən etibarən həyatını birdəfəlik Moskva ilə bağlayan Əjdəri və onun dostlarını o zamankı Sovet dövlətinin rəhbərlərindən biri olan M.İ.Kalinin qəbul edir və onları “Şərq zəhmətkeşləri” universitetinə qəbul etdirir.
(1914, Göyçay qəz. Qarabaqqal k. – 1994 Göyçay r-nu) – ictimai xadim, Azərb. elm xadimi, Əmək veteranı.
A.Xəlilov k. məktəbini bitirdikdən sonra əvvəlcə Pedoqoji Texnikuma daxil olub, sonra milli resp.-lar üçün o vaxtki komsomolun mərkəzi komitəsi yanında mərkəzi pioner işçiləri məktəbini, daha sonra ADU-nu və AK(b)P MK yanında Marksizm-Leninizm İnstitutunu bitirib.
(21.8.1972, Göyçay ş. – 7.2.1994, Kəlbəcər r-nu) – Birinci Qarabağ müharibəsi şəhidi.
Orta məktəbdə səkkizillik təhsilini başa vurandan sonra Göyçay ş. 58 saylı Texniki Peşə Məktəbində qaynaqçı peşəsinə yiyələnib. Bir müddət əmək fəaliyyəti ilə məşğul olub. 1991 ilin mayında əsgəri xidmətə yola düşüb. Əsgəri xidmətdən sonra bir müddət əmək fəaliyyətini davam etdirib. Daha sonra 1994 ilin yanvarında könüllü olaraq torpaqlarımızın müdafiəsinə qoşulub. Bir ay sonra isə Murovdağ ətrafında gedən şiddətli döyüşlərin birində ağır yaralanaraq şəhid olub. Göyçay Şəhidlər xiyabanında dəfn olunub.
Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.
(26.4.1959, Bakı ş.) – geofizik, geologiya-mineralogiya e.d. (1990).
M. Əzizbəyov adına AzNKİ-ni bitirib (1981). 1981-89 illərdə Ümumittifaq Elmi-Tədqiqat Geofizika İnstitutunun Cənub Bölməsində mühəndis, kiçik elmi işçi, böyük elmi işçi, laboratoriya müdiri vəzifələrində çalışıb. 1989 ildən “İNTERGEO-TETİS” Beynəlxalq elmi-texniki kompleksin prezidentidir. Bakı xalq deputatları sovetinin deputatı (1991-95), Bakı ş.-nin ekologiyası üzrə Daimi Deputat Komissiyasının sədri (1991–95) olub. 1995-96 illərdə beynəlxalq elmi nailiyyətlərinə görə Beynəlxalq Tərcümeyi-hal Mərkəzinin (İngiltərə) diplomu ilə təltif olunub. 1999 ildən AMEA Rəyasət Heyəti yanında Daimi Komissiyanın həmsədridir. 2002 ildə elmi tədqiqatlarına görə BEA-nın qızıl döş nişanı ilə təltif olunub.
(?, Göyçay ş. – ?) – fizika-riyaziyyat e.d., prof.
ADU-nun Fizika-riyaziyyat fakültəsində təhsil alıb. Aspiranturanı bitirdikdən sonra Moskvada, tanınmış akademik A.F.İoffenin yanında yarımkeçiricilər fizikası ilə məşğul olub. Sonralar Leninqrad ş.-də doktorluq dissertasiyası müdafiə edərək fizika-riyaziyyat e.d. elmi dərəcəsinə və prof. elmi adına layiq görülüb. Azərbaycan Sənaye, Pedaqoji və Politexnik institutlarında fizika fənnini tədris edib.
Mənbə: М.Мирзоев. Халиловы: геология в трех поколениях. Баку, 2008.
(24.8.1911, Göyçay qəz. Qızılağac k. – 1990) – geoloq, geologiya-minerologiya e.d. (1956), prof.
1911 il avqustun 24-də Göyçay r-nunun Qızılağac k.-də anadan olub. Göyçay ş.-də orta məktəbi bitirdikdən sonra 1929-31 illərdə Göyçay r-nunun Bığır, Ucar r-nunun Bağman-Bərgüşad və Qazıqumlaq kəndlərində müəllim kimi çalışıb. 1931-37 illərdə Azərbaycan Sənaye İnstitutunun (indiki ADSU) Geoloji kəşfiyyat fakültəsində mühəndis-geoloq ixtisası üzrə təhsil alıb.
(1912 – 1.1.1998, Göyçay r–nunun Bığır k.) – pedaqoq, Əməkdar müəllim (1960).
1930 ildə Bığır k. yeddiillik məktəbini bitirdikdən sonra bir müddət Yeniarx k.-də müəllim işləmiş, qiyabi təhsil yolu ilə Ağdaş Pedaqoji Texnikumunu bitirmişdir. 1935-45 illərdə Göyçay r-nunun Çərəkə, Qarayazı, İsmayıllı r-nunun Aşıq Bayramlı k.-də məktəb direktoru vəzifəsində çalışmış, həmin k.-də məktəblərin təşkili işində və uşaqların təhsilə cəlb olunmasında özünü qabaqcıl müəllim kimi göstərmişdir. H.Xəlilov sonrakı fəaliyyətini Göyçay r-nunda təşkil olunmuş 3 saylı uşaq evində müdir (1945-46), Ərəbcəbirli və Qaraman k. məktəblərində direktor (1946-50), Göyçay r-n Partiya Komitəsində təbliğatçı, r-n İcraiyyə Komitəsinin katibi olaraq davam etdirmişdir. 1950-55 illərdə ADPİ-də Ədəbiyyat fakültəsində təhsil alıb. Elə həmin illərdə Göyçay r-n Alpout k. məktəbində, daha sonra isə 30 ildən artıq bir müddətdə (1955-87) Bığır və Qaraməryəm k. orta məktəblərində direktor kimi çalışıb. Onun rəbərliyi dövründə Bığır k. məktəbi həmişə nümunəvi məktəblər sırasında qərarlaşıb. Onun səmərəli əmək fəaliyyəti dəfələrlə Təhsil Nazirliyinin təşəkkür və fəxri fərmanları ilə qiymətləndirilib. Xəlilov Resp.-nın təhsil sistemində səmərəli və qüsursuz fəaliyyətinə görə Azərb. SSR Ali Soveti Rəyasət Heyətinin fərmanı ilə Azərb. SSR Əməkdar müəllimi kimi yüksək fəxri ada layiq görülüb.
Mənbə: Ə.Əsgəroğlu. “Göyçaydan başlanan ömür yolu”. “Azərbaycan” nəşriyyatı, Bakı, 2000, s. 225.
(1915, Göyçay qəz. – 14.2.1944) – Böyük Vətən müharibəsi iştirakçısı.
1941 ildə Göyçay RHK.-dan оrduya çağırılıb. Leytenant. 118-ci аtıcı diviziyası 527-ci аtıcı аlayının manqa komandiri. Ukrayna Resp.-sı Zaporojye vilayəti, Belozersk r-nunun Popovka k.-də dəfn olunub.
Mənbə: Azərbaycan Respublikası Xatirə kitabı. 20 cilddə, VI cild, Bakı, 2006, s.93.
