R.Rza adına Mədəniyyət Mərkəzinin hazırda yerləşdiyi 1200 kv.m sahəsi olan ikimərtəbəli  bina 1964 ildə xüsusi layihə əsasında tikilərək istifadəyə verilmişdir. Binada 400 yerlik tamaşaçı zalı, foye, qrim otağı və 12 dərnək otağı yerləşir. Mərkəzə 1982 ildə R.Rzanın adı verilmişdir.

Hazırda Mədəniyyət Mərkəzinin tabeliyində 9 kənd mədəniyyət evi və 18 kənd klubtipli müəssisə fəaliyyət göstərir. Mədəniyyət evi və klublarda 76 mədəniyyət və incəsənət işçisi çalışır.

Mənbə: https://kataloq.gomap.az/

Yaranma tarixi – 8.8.1930

Ərazisi: 735 kv.km

Əhalisi: 123795 nəfər (2023 il)

İnzibati mərkəzi: Göyçay ş.

Göyçay Azərb. Resp.-sının tərkibində inzibati r-ndur. R-n respublikamızın mərkəzində, Şirvan düzünün şm. hissəsində, Böyük Qafqaz dağlarının c. ətəklərində yerləşir. R-nun coğrafi koordinantları Bakı ş. ilə təxminən eynidir. Belə ki, r-n ərazisi 40*20 ilə 40*50 şm. enlikləri və 47*40 ilə 48*10 ş. uzunluqları arasında yerləşir.

R-n ərazisi şm.-dan c.-a təxminən 25 km, ş.-dən q.-ə isə 40 km məsafədə uzanır. R-nun mərkəzi Göyçay ş. Bakı–Qazax magistral yolunun 216 km-də, Ucar dəmiryol stansiyasından 18 km məsafədədir.

Rayonun ərazisi 0,74 min kv.km. 1 aprel 2023 il tarixinə r-n əhalisinin sayı 117 902 nəfər olmuşdur. Rayonda 1 şəhər, 55 kənd yaşayış məntəqəsi vardır. Əhalinin ümumi sayından 34 257 nəfəri (29,1 faizi) şəhər, 83 645 nəfəri (70,9 faizi) 25 kənd inzibati ərazi dairəsinin 55 kəndində yaşayır.

Mənbə: https://www.stat.gov.az

2022 ilin yanvar ayına olan statistikaya əsasən, Göyçay r-nunda 75-99 yaş arasında 2424 nəfər sakin var. Onlardan 893 nəfəri kişi, 1 531 nəfəri isə qadındır. 2022 ilin yanvar ayında Göyçayda 100-dən artıq yaşı olan 14 nəfər sakin olub ki, onlardan 11 nəfəri qadın, 3 nəfəri kişidir.

2022 ilin əvvəlinə olan əhalinin yaş qrupları üzrə sayı əlavə edilir.

1919 ildə Xalq Maarifi Nazirliyi Göyçay ş.-də real məktəbi, Bakıda qız, Nuxada oğlan və qız, Şuşada oğlan məktəb və seminariyaları açmaq barədə Azərbaycan Parlamentinə qərar layihələri təqdim etdi. Parlament respublikanın imkanlarını nəzərə alaraq, onlardan ancaq birini həyata keçirdi. 1919 ildə Göyçayda real məktəbi açmaq haqqında qanun layihəsi təsdiq olundu.

Mənbə: Azərbaycan Xalq Cümhuriyyəti Ensiklopediyası. I cild, Bakı, “Lider Nəşriyyat”, 2004, s.73.

Prezident İlham Əliyev 6 oktyabr 2015 ildə “Göyçay” SES-in açılışında iştirak edib və gücü 3,1 meqavat olan “Göyçay” kiçik su elektrik stansiyası istismara verilib.

“Göyçay” Su Elektrik Stansiyasın təməli 2010 ilin fevralında ölkə Prezidenti tərəfindən qoyulub.

Şirvan kanalının Göyçay r-nunun Bığır k. ərazisindən keçən hissəsində tikilmiş stansiya ildə 20 mln kVt-saat elektrik enerjisi istehsal etməyə imkan verir. Bu isə Göyçay r-nunun tələbatının 25 faizini təşkil edir. Stansiyanın ərazisi 5 ha.-dır. Burada hər birinin gücü 1,03 mVt olan üç hidroaqreqat, suqəbuledici və tutumu 4500 kubmetr olan təzyiq hovuzu, hər birinin uzunluğu 28,4 m olan üç dəmir-beton təzyiq qurğusu quraşdırılıb. Burada həmçinin turbin zalı və su nəqledici kanal yaradılıb, 10 kilovoltluq yarımstansiya və elektrikverici xətlər çəkilib.

Mənbə: https://president.az

Göyçay ş.-nin Dövlət Şəhərsalma və Arxitektura Komitəsinin sifarişi ilə hazırlanmış Baş planı Azərb. Resp.-nın Nazirlər Kabineti tərəfindən təsdiq edilib. Göyçay ş.-nin Baş planı Azərb.Resp. Prezidentinin 27.2.2014 il tarixli 118 nömrəli Fərmanı ilə təsdiq edilmiş “Azərbaycan Respublikası regionlarının 2014-2018 illərdə sosial-iqtisadi inkişafı Dövlət Proqramı”nın icrası ilə əlaqədar Komitənin cəlb etdiyi “Azərdövlətlayihə” Dövlət Baş Layihə İnstitutu tərəfindən hazırlanmışdır.

Göyçay ş.-nin sonuncu Baş planı 1976 ildə tərtib olunmuş və hesabat dövrü 20 il müddəti əhatə edirdi. Təsdiq olunmuş yeni Baş plan istinad ili 2015 il olmaqla 2035 ilə qədər olan dövrü əhatə edir.

Azərbaycanın Dağlıq Qarabağ bölgəsində 1988 ildən başlanan erməni separatizmi respublika ərazisinin 20%-nin Ermənistan silahlı qüvvələri tərəfindən işğalına səbəb olmuşdu. 1991-94 illərdə münaqişə daha da güclənib. Tərəflər arasında genişmiqyaslı döyüşlər 1992 ilin qışında başlayıb. 1994 ildə, müharibə başa çatana qədər ermənilər Qarabağın əksər hissəsini, demək olar ki, tam nəzarətlərinə keçirib, əlavə olaraq onun tərkibində olmayan Azərbaycan torpaqlarının 9%-nə nəzarət ediblər. Münaqişə nəticəsində Azərbaycandan 230 000 erməni, Ermənistan və Qarabağdan isə 800 000 azərbaycanlı məcburi köçkün olub.

1991-94 illərdə Qarabağda və dövlət sərhədində baş vermiş döyüş əməliyyatlarında 11 557 Azərbaycan hərbçisi şəhid olub. Baş verən qızğın döyüşlər nəticəsində Göyçay r-nu 149 şəhid verib.

1980 illərin əvvəllərindən Azərb. KP MK.-nın və Nazirlər Sovetinin qərarı ilə resp.-nın şəhər və rayonlarında tarix-diyarşünaslıq muzeyləri yaradılmağa başlandı. Məqsəd hər bir bölgənin tarixini, mədəniyyətini öyrənmək, həmin bölgəyə məxsus tarixi-etnoqrafik nümunələri qoruyub saxlamaq, gələcək nəsillərə çatdırmaq idi.

Göyçay Tarix-Diyarşünaslıq Muzeyi 1983 ildən Georgi Dimitrov küçəsində (indiki N.Nərimanov küçəsi) XIX əsrin əvvəllərində tikilmiş orijinal arxitekturaya malik birmərtəbəli binada fəaliyyətə başlayıb. Muzeyin açılışında N.Nərimanovun Ev-muzeyinin əməkdaşları iştirak ediblər. Muzey yaradılarkən ekspozisiya planına əsasən 10 (on) zaldan ibarət olub, dövrlərə görə bölünüb.

Uşaq Musiqi Məktəbi 1957 ildən fəaliyyətə başlayıb. Göyçay Arif Məmmədov adına  Uşaq Musiqi Məktəbinin 2015 il oktyabrın 6-da binasının açılışı olub. Ümumi sahəsi 650 kv.m olan ikimərtəbəli binanın foyesində Ulu Öndər Heydər Əliyevin büstü qoyulub. Burada Ümummilli lider Heydər Əliyevin və Prezident İlham Əliyevin mədəniyyət və incəsənət xadimləri ilə görüşlərini, həmçinin bu sahəyə göstərdikləri diqqət və qayğını nümayiş etdirən fotolar var. Binada müxtəlif mədəni tədbirlərin keçirilməsi üçün 80 yerlik konsert zalı yaradılıb. Məktəbin fortepiano, skripka, qarmon, xalq çalğı alətləri, tar, kaman, xanəndəlik şöbələrində uşaqlar zəngin incəsənətimizin və musiqimizin sirlərinə yiyələnirlər. Bütün sinif otaqları zəruri alət və avadanlıqla təchiz olunub.