(1910–1963) – şair.

Göyçayda anadan olmuş, orada oxumuş, Gəncə Kənd Təsərrüfatı Texnikumunu bitirmiş, Ağdaş və Göyçay r-da işləmiş, təhsilini Gəncədəki Kənd Təsərrüfatı İnstitutunda davam etdirmişdir. İ.Soltan ədəbi fəaliyyətə 1935 ildən başlamış, şeirləri dövri mətbuatda çap olunmuş, 1940 ildə keçirilən poeziya müsabiqəsində “Gün doğdu” poeması mükafata layiq görülmüşdür. 1940 ildə çap olunmuş “Ağdərə yollarında” kitabı onun ilk şeirlər məcmuəsidir. Şair Böyük Vətən müharibəsi illərində hərbi müxbir kimi çalışmış, ordudan tərxis olunduqdan sonra redaksiyalarda, nəşriyyatlarda işləmişdir. İ.Soltan “Məhsəti”, “Pəri qala”, “Ana”, “Məhəbbət” adlı poemalarını, “Şirvan” mənzum pyesini yazmışdır. Şairin 1954 ildə “Xatirələr”, 1956 ildə “Gözəlçə”, 1961 ildə “Bizim həmyerli oğlan”, 1967 ildə “O, rəssam idi” adlı kitabları nəşr edilmişdir.

Mənbə: Ş.Süleymanlı “Azərbaycan ədəbiyyatı ensiklopediyası: ən qədim dövrlərdən 1920-ci ilədək: I cild”, Bakı, “Nağıl evi”, 2008, s. 353-354.

(5.7.1957, Göyçay ş. – 3.12.2020, Bakı ş.) – hüquqşünas, vəkil, Azərb.-da ilk müstəqil hüquq mərkəzinin rəhbəri, Azərb. Resp. Vəkillər Kollegiyasının üzvü.

ADU-nun (indiki BDU) Hüquq fakültəsini bitirib (1978). Əmək fəaliyyətinə prokurorluq orqanlarında başlayıb. Sumqayıt ş. prokurorluğunda baş müstəntiq (1978-83), daha sonra Baş Prokurorluqda mühüm işlər üzrə müstəntiq (1983-91) kimi çalışmışdır. 1991 ilin sentyabrında öz xahişi ilə prokurorluq orqanlarından ayrılmış, fəaliyyətini vəkil olaraq davam etdirmişdir. 1995 ildə “ADİSAD” hüquq firmasını təsis etmişdir. A.İsmayılov həm də ictimai xadim kimi tanınıb və mütəmadi olaraq dövri mətbuatda məqalələrlə çıxış edib.

Məlumat V.Abdullayevdən alınıb.

(21.12.1928, Göyçay ş. – 26.4.2016, Bakı ş.) – səhiyyə xadimi, tibb e.d. (1968).

N.Nərimanov adına Azərb. Tibb İnstitutunu (indiki ATU) qırmızı diplomla bitirib (1953). Azərb. SSR Sanitar Aviasiya müəssisəsinə rəis, 1961 ildə isə Bakı ş.-də yerləşən 4 saylı Klinik xəstəxanasına baş həkim təyin olunub. 1968 ildə Moskva ş.-dəki Ümumittifaq Onkologiya İnstitutunda doktorluq dissertasiyasını uğurla müdafiə edib. İsmayılov 1970 ildə Vətənə qayıdandan sonra Ə.Əliyev adına AR Həkimlərin Təkmilləşdirilməsi İnstitutuna baş elmi katib vəzifəsinə təyin olunub. Bu illər ərzində İsmayılov səhiyyənin problemləri ilə bağlı bir neçə dünya əhəmiyyətli beynəlxalq konfrans və simpoziumlarda Azərb.-ı təmsil edib. 1974 ildə Bakıda yerləşən 19 saylı Tibbi sanitariya idarəsinə baş həkim, 1980 ildə isə F.Əfəndiyev adına 2 saylı ş. klinik xəstəxanasına baş həkim təyin olunub. Bununla yanaşı, İsmayılov resp.-nın ictimai-siyasi həyatında da fəal iştirak edirdi. Belə ki, o, bir neçə çağırış Bakı ş. sovetinin deputatı seçilmişdir. Alim böyük elmi xidmətlərinə görə SSRİ Səhiyyə Nazirliyinin fəxri fərmanları, təşəkkürnamə, “Səhiyyə əlaçısı” döş nişanı və digər medallarla təltif olunub.

Məlumat ailəsindən alınıb.

(23.6.1975, Göyçay r-nunun Qızılağac k. – 30.1.1994, Tərtər r-nu) – Birinci Qarabağ müharibəsi şəhidi.

1993 ilin iyununda hərbi xidmətə çağırılıb. 1994 ilin yanvarında cəbhə bölgəsinə yollanıb. Füzuli r-nunun Bəhmənli k. göndərilib. Sonra Tərtər r-nunda gedən döyüşlərdə iştirak edib. Yanvarın 30-da bu döyüşlərdə əlbəyaxa vuruş zamanı qarın nahiyyəsindən aldığı yaradan şəhid olub və doğma k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(23.2.1930, Göyçay r-nunun Alxasava k. – 3.1989) – Əməkdar müəllim (1980).

İsmayılov Göyçay r-nunun Alxasava k.-də fəhlə ailəsində anadan olub. 1949 ildə Göyçay r-n. Müəllimlər Məktəbini bitirib. Buranı bitirdikdən sona təyinatla Zərdab r-nunda müəllim kimi fəaliyyətə başlamışdır. 1959-60 dərs ilindən İnçə k. orta məktəbində müəllim işləməyə başlayıb. Əmək fəaliyyəti ilə yanaşı, ali təhsilini də davam etdirib. 1962 ildə APİ-nin Riyaziyyat müəllimliyi fakültəsini bitirib. Ömrünün sonuna qədər, yəni 1989 ilədək həmin məktəbdə fizika-riyaziyyat fənn müəllimi işləyib.

Məlumat B.İsmayılovun nəvələrindən alınıb.

(1911, Göyçay qəz. – 24.7.1944) – Böyük Vətən müharibəsi iştirakçısı.

1942 ildə Göyçay RHK.-dan оrduya çağırılıb. Baş serjant. 6-cı аtıcı diviziyası 10-cu аtıcı аlayının manqa komandiri. Polşa Resp.-nın Krakov voyevodalığında dəfn olunub.

Mənbə: http://xatirekitabi.az

(1911, Göyçay qəz. Qarabaqqal k. – 13.1.1943) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Sıravi əsgər. 195-ci atıcı diviziyasının 573-cü atıcı alayında xidmət edib. Ukrayna Resp.-sı Voroşilovqrad vilayətinin Markovka r-nunda dəfn olunub.

Mənbə: Azərbaycan Respublikası Xatirə kitabı. 20 cilddə, VI cild, Bakı, 2006, s. 433.

(1921, Göyçay qəz. Şıxbəy k. – 4.2.1943) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Serjant. 271-ci atıcı diviziyasının 865-ci atıcı alayında manqa komandiri. RF-sı Rostov vilayətinin Nikolayevka k.-də dəfn olunub.

Mənbə: Azərbaycan Respublikası Xatirə kitabı. 20 cilddə, VI cild, Bakı, 2006, s. 438.

(25.2.1909, Göyçay ş. – 5.6.1983, Bakı ş.) –  Əməkdar həkim.

Çox gənc yaşlarında əmək fəaliyyətinə başlayıb. 1923-31 illərdə resp.-nın r-nlarında komsomol işində işləyib. 1931 ildə Azərb. Tibb İnstitutuna daxil olub, 1936 ildə institutu bitirib. 1936-38 illərdə o, İsmayıllı r-n xəstəxanasının baş həkimi, səhiyyə şöbəsinin müdiri vəzifəsində işləyib. 1938 ilin oktyabr ayında Göyçay ş.-nə dəyişilib və burada əvvəlcə poliklinikada terapevt, sonra poliklinikanın şöbə müdiri, daha sonra isə 1939 ilin noyabr ayından 1942 ilin yanvar ayına qədər Göyçay r-n səhiyyə şöbəsinin müdiri vəzifəsində işləyib.

(10.5.1956, Ağdam r-nu – 13.11.1994) – Birinci Qarabağ müharibəsi şəhidi.

Ə.İsmayılov 1992 ildə əsgəri xidmətə çağırılıb. Ağır keçən döyüş yollarında iki dəfə yaralanıb, sağaldıqdan sonra yenidən cəbhə bölgələrinə qayıdıb.  1994 il noyabrın 13-də kəşfiyyata gedərkən o, düşmənin basdırdığı minaya toxunaraq həlak olub. Göyçay Şəhidlər xiyabanında dəfn edilib.

Mənbə: Ə.Əlioğlu. Ruhların səsi (Göyçay şəhidləri). Bakı, İşıq, 1995. s. 74.