(1891, Göyçay qəz. Bığır k. – 1969, Göyçay r-nunun Bığır k.) – Əməkdar müəllim (1955).

İsmayılov Qori seminariyasında təhsil alıb. 1930 ildə Göyçayın Bığır k. məktəbinin (hazırda 3 saylı məktəb) əsasını qoyub. Böyük Vətən müharibəsinin (1941-45) iştirakçısı olub. Mozdok ətrafında gedən döyüşlərdə ağır yaralanaraq, ordudan tərxis olunub. Doğma kəndinə qayıtdıqdan sonra yenidən pedaqoji fəaliyyətini davam etdirib. Onun fəaliyyəti yüksək qiymətləndirilib. Görkəmli maarifçi SSRİ Ali Sovetinin qərarı ilə 1955 ildə “Lenin” ordeni ilə təltif olunub və ona Əməkdar müəllim fəxri adı verilib. Azərb. Resp. Nazirlər Kabinetinin 1991 il 12 sentyabr tarixli 306 saylı qərarı ilə Göyçay r-nunun Bığır k. məktəbinə N.İsmayılovun adı verilib.

Məlumat R.Məmmədovdan alınıb.

(11.2.1963, Göyçay r-nunun Çərəkə k.) – iqtisadçı alim, iqtisad e.d. (2020), prof.

1980 ildə Ucar ş. 1 saylı orta məktəbini bitirib. 1981-83 illərdə ordu sıralarında xidmət edib. 1984 ildə D. Bünyadzadə adına Azərb. Xalq Təsərrüfatı İnstitutunun Uçot-iqtisad fakültəsinin əyani şöbəsinə “Mühasibat uçotu və təsərrüfat fəaliyyətinin təhlili” ixtisası üzrə qəbul olub və 1988 ildə N.A.Voznesenski adına Leninqrad Maliyyə-İqtisad İnstitutunun Bakı filialını “Lenin təqaüdçüsü” kimi və fərqlənmə diplomu ilə bitirib. 29 dekabr 1992 ildə M.V.Lomonosov adına MDU-da “Mühasibat uçotu, statistika” ixtisası üzrə dissertasiya müdafiə edib və RF Ali Attestasiya Komitəsinin qərarı ilə iqtisad e.n. alimlik dərəcəsi alıb. 2001 ildə M.V.Lomonosov adına MDU-nun “Uçot, təhlil və audit” kafedrasının doktoranturasına qəbul olub və doktorluq dissertasiya işini müvəffəqiyyətlə başa çatdırıb.

(28.6.1969, Göyçay r-nunun İnçə k. – 12.2.1994, Kəlbəcər r-nu) – Birinci Qarabağ müharibəsində itkin düşüb.

Əslən göyçaylı olan Q.İsmayılov hərbi xidmətə qədər Bakı ş.-nin Sabunçu r-nunda yaşayıb, Sabunçu RHK tərəfindən hərbi xidmətə çağırılıb. 1994 ilin fevralında Kəlbəcər r-nu ərazisində Murovdağ istiqamətində itkin düşüb. Göyçay r-n məhkəməsinin 2000 il tarixli qətnaməsinə əsasən ona şəhid statusu verilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(8.10.1973, Göyçay ş. – 23.2.1993, Ağdərə r-nu) – Birinci Qarabağ müharibəsi şəhidi.

13.4.1992 ildə əsgər rütbəsində hərbi xidmətə çağırılıb, 23.2.1993 ildə şəhid olub. Göyçay ş.-də dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(11.8.1937, Göyçay r-nunun Bığır k. – 19.11.1997, Bakı ş.) – jurnalist, AJB-nin üzvü, tarix ü.f.d. (1960).

BDU-nun Jurnalistika fakültəsini fərqlənmə diplomu ilə bitirib (1964). Sonra Mətbuat Komitəsində nəzarətçi redaktor (1965-67), “Azərnəşr”də böyük redaktor (1967), “Gənclik” nəşriyyatında şöbə müdiri, Resp. Kitabxana kollektorunda direktor, Resp. Mətbuat və İnformasiya Nazirliyinin (indiki Rəqəmsal İnkişaf və Nəqliyyat nazirliyi) “İşıq” nəşriyyatında direktor (1990-97) vəzifələrində çalışıb. İsmayılov on iki kitabın müəllifidir. “Qızıl qələm” mükafatı ilə təltif edilib.

Mənbə: Ə.Əsgəroglu. “Göyçaydan başlanan ömür yolu”. “Azərbaycan” nəşriyyatı, Bakı, 2000.

(11.5.1954, Zərdab r-nunun Gəlmə k.) – RF-nin fəxri inşaatçısı (2004).

Əslən göyçaylı olan R.İsmayılovun atası müəllim olub və onun işi ilə əlaqədar bir müddət Zərdab r-nu Gəlmə k.-də yaşayıblar. 1961 ildə Göyçay r-nunun Alxasava k. 8 illik məktəbin 1-ci sinfinə qəbul olub, 1971 ildə İnçə k. orta məktəbini bitirib. 1971 ildə Ç.İldırım adına AzPİ-yə qəbul olub. 1976 ildə AzİMİ-də Sənaye və mülki tikinti ixtisası üzrə tam kursu bitirib. 1976 ildə təyinatla RF-nin Krasnodar diyarının Novorossiysk ş.-nə, Xüsusi inşaat trestinə göndərilib. Baş icraçı, baş mühəndis, baş direktor vəzifələrini icra edib.

(?, Göyçay qəz. – 24.5.1944) – Böyük Vətən müharibəsi iştirakçısı.

Sıravi əsgər. Мoldova Resp. Dubossarı r-nunun Dorotskoye k.-də dəfn olunub.

Mənbə: “Azərbaycan Respublikası Xatirə kitabı”. 20 cilddə, VI cild, Bakı, 2006, s. 519.

(1906, Göyçay qəz. Şıxbəy k. – 4.4.1942) – Böyük Vətən müharibəsi iştirakçısı.

1941 ildə Göyçay RHK.-dan оrduya çağırılıb. Sıravi əsgər. 351-ci atıcı diviziyasının 621-ci atıcı alayının istehkamçısı. Ukrayna Resp.-sı Хаrkov vil. Аleksandrovka r-nunun Maloye Razdolye k.-də dəfn olunub.

Mənbə: Azərbaycan Respublikası Xatirə kitabı. 20 cilddə, II cild, Bakı, 2002, s. 126.

(9.12.1966, Ağsu ş. – 26.1.1994, Füzuli r-nunun Əbdürrəhmanlı k. ) – Birinci Qarabağ müharibəsi şəhidi.

21.8.1993 ildə əsgər rütbəsində hərbi xidmətə çağırılıb. 26.1.1994 ildə şəhid olub. Ağsu r-nunun Mustafalı k.-də dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(5.12.1979, Göyçay r-nunun Çərəkə k.) – iqtisadçı alim, iqtisad ü.f.d. (2013), dos. (2017), Gürcüstan Açıq Universitetinin iqtisadiyyat üzrə fəxri prof. (2018).

BDU-nun Sosial elmlər və psixologiya fakültəsinin politologiya ixtisasını bakalavr (2001) və həmin fakültənin İdarəetmənin sosiologiyası ixtisasını magistr dərəcəsində (2003) bitirib. 2009 ildən Qafqaz Universitetində İqtisadiyyatın idarə olunması fakültəsinin Biznesin təşkili və idarə olunması kafedrasında Müəssisələrin təşkili və idarə olunması ixtisası üzrə doktorantura təhsili almağa başlayıb. 2013 ildə AMEA-nın İqtisadiyyat İnstitutunda dissertasiya işini müvəffəqiyyətlə müdafiə edib.