(1909, Göyçay qəz. Hacalıkənd k. – 2003) – din xadimi.

Tarix hər zaman cəmiyyət üçün önəmli şəxsiyyətlər bəxş etmişdir. Bu şəxsiyyətlərdən biri də öz dövrünün sevilib-seçilmiş insanlarından olan Molla İsmayıl Babadır. Uşaqlıqdan ibadətlə məşğul olub namaz qılan, oruc tutan bu insan əməlləri və gördüyü xeyirxah işlərlə insanların yaddaşında silinməz izlər buraxmışdır.

Oğlu M.Osmanovun dediklərinə görə, İsmayıl Baba ilk dini təhsilini atası Məhəmməd kişidən, sonralar isə Molla Abdullahdan dərs almışdır. Yaşadığı ömür sovet hakimiyyəti illərinə təsadüf edən Molla İsmayıl Baba heç vaxt tutduğu yoldan ayrılmamış, bir gün belə namazını, orucunu buraxmamışdır. “Üzlər var ki, baxarkən Allahı xatırladır” ayəsindən hərəkətlə, İsmayıl babanın bu cür insanlardan olduğuna əsla şübhə etmərik. Onun övliya bir insan olduğu bilinməli, insanların qəlbində daim yaşamalıdır. Gözəl həyat sürmüş İsmayıl baba 2003 ildə 94 yaşında haqqın dərgahına köç etmişdir.

(1879, Şamaxı – ?) – din xadimi.

Məşhur din xadimlərindən biri də Molla Tapdıq olmuşdur. Molla Tapdıq 1879 ildə Şamaxı r-nunda anadan olmuşdur. O, M.Ə.Sabir, S.Ə.Şirvani kimi insanlardan dərs almışdır. Şamaxıda baş vermiş zəlzələdən sonra buraya gəlmiş və burada məskunlaşmışdır. Hacı Mehdi Axund Göyçayda axund olan dövrdə onun təhsilli olduğunu görür və onu Potu k. məscidinə imam təyin edir. O burada imamlıq etməklə bərabər, həm də məscidin hücrəsində insanlara dərs verir. Axund həbs olunana qədər həmin məsciddə imamlıq etmişdir.

O, 1939 ildə represiya qurbanı olaraq siyasi məhbus kimi həbs olunmuş, 15 il həbs cəzası almış və Qazax r-nuna sürgün edilmişdir. Sonrakı həyatı haqqında məlumat yoxdur.

Mənbə: İ.Musayev. “Göyçay rayonundakı dini abidələr və tarixi şəxsiyyətlər”, Bakı, “İpəkyolu“, 2014, s. 85.

oyk., sadə. Azərb. Resp. Göyçay r-nunun Qızılağac i.ə.v.-də kənd. Şirvan düzündədir. Yaşayış məntəqəsi Molla Hacı nəslinə mənsub ailələrin məskunlaşması nəticəsində yaranmışdır. Oykonim “Molla Hacının nəslindən olanlar, mollahacılılar” mənasındadır.

Mənbə: “Azərbaycan toponimlərinin ensiklopedik lüğəti”. II cild, Bakı, “Şərq-Qərb”, 2007, s. 115.

(10.4.1975, Göyçay ş. – 26.4.1994, Ağdərə r-nu) – Birinci Qarabağ müharibəsi şəhidi.

Kənd orta məktəbini bitirdikdən sonra 106 nömrəli Texniki Peşə Məktəbində təhsilini davam etdirib. 1993 ilin avqustunda Ceyhun əsgəri xidmətə yollanıb və çox keçmədən cəbhə bölgəsinə yola düşüb. O, Ağdərə uğrunda gedən qanlı döyüşlərin iştirakçısı olub. O, 1994 ilin aprelində döyüşlərin birində şəhid olub. Göyçay Şəhidlər xiyabanında dəfn edilib.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(19.9.1987, Göyçay ş. – 30.10.2020 il tarixdə Füzuli–Xocavənd istiqamətində) – Vətən müharibəsi şəhidi

1993 ildə Göyçay r-n 3 saylı tam orta məktəbə gedib və rus dili bölməsində oxuyub. Milliyyətcə ləzgidir. 2005-07 illərdə həqiqi hərbi xidmətdə olmuş, 5 oktyabr 2020 il tarixdə qismən səfərbərlik üzrə hərbi xidmətə cəlb edilmiş, Füzuli r-nunun Qaraxanbəyli, Üçbulaq k.-lərində gedən döyüşlərdə iştirak edərək 30 oktyabr 2020 il tarixdə Füzuli–Xocavənd istiqamətində gedən döyüşlərdə şəhid olub. Göyçay Şəhidlər xiyabanında dəfn olunub.

(27.4.1961, Göyçay r-n – 20.1.1990, Bakı ş.) – 20 Yanvar şəhidi.

1968 ildə Göyçay ş. 4 saylı məktəbinə daxil olub, 1976-77 tədris ilində isə şəhər 3 saylı orta məktəbini bitirib. 1978 ildə Politexnik İnstitutuna daxil olmuş, 1979-81 illər arasında isə Macarıstanda hərbi xidməti başa çatdırmışdır. 1981 ildən “Azərelektroterm” Elm İstehsal Birliyində fəhlə işləyib. 1986 ildə institutu bitirib. 1989 ildən birliyin təmir-tikinti idarəsində iş icraçısı işləyib. 1985 ildən Sov. İKP üzvü olub.

1990 ilin yanvar hadisələrində vətənpərvər gənc olaraq o da meydanlarda haqq səsini ucaldır, Sovet ordusunun dinc insanlara qarşı yönəltdiyi güllə yağışına tuş gəlir. Azadlığa gedən yolda şəhadət zirvəsinə yüksələn Mehman Göyçay r-nunda dəfn olunub.

Mənbə: Ə.Əlioğlu. Ruhların səsi (Göyçay şəhidləri). Bakı, İşıq, 1995. s. 115-116.

(3.11.1974, Göyçay r-nunun Birinci Ərəbcəbirli k. – 17.3.1994, Kəlbəcər r-nu) – Birinci Qarabağ müharibəsi şəhidi.

Orta məktəbin səkkizinci sinfini Göyçayda bitirdikdən sonra Göyçay ş. 106 saylı Texniki Peşə Məktəbində avtoçilingər peşəsinə yiyələnib. 1993 ildə hərbi xidmətə yola düşüb. Onun ilk döyüş yolu Murovdan başlayıb. Sonra Yanşaq k. uğrunda gedən döyüşlərdə iştirak edib. Həmin döyüşlərdə M.Muradov şəhid olub. Bir ay sonra Göyçay Şəhidlər xiyabanında dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1.4.1974, Göyçay r-nunun Mırtı k. – 11.2.1994, Füzuli r-nu) – Birinci Qarabağ müharibəsi şəhidi.

1993 ilin aprelində hərbi xidmətə çağırılıb. İki ay Cəlilabad r-nunda təlim-məşq toplantısı keçəndən sonra cəbhə bölgəsinə yollanıb. O, Qızılqaya və Şişqaya yüksəklikləri ətrafında gedən döyüşlərdə şücaət göstərib. 1994 ilin fevralında isə həmin döyüşlər zamanı şəhid olub. Doğulduğu kənddə dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.

(1905, Göyçay qəz. Bəydövül k. – 1947) – aşıq.

Şirvan aşıq mühitinin yetirməsidir. Erkən yaşlarından aşıq sənətinə maraq göstərib. Aşıq sənətinin sirlərini ilk əvvəl Aşıq Xas Məmməddən öyrənib. Daha sonra Şirvan aşıqlarının atası sayılan Aşıq Mizə Bilalın yanına gəlib və mükəmməl aşıq kimi yetişib. Ağır məclislər aparıb, sazı-sözü ilə yaddaşlara adını yazdırıb. Sovet-alman müharibəsinə gedib (1941) və orada ağır yaralanaraq qayıdıb.

Mənbə: “Ozan-aşıq ensiklopediyası”. 2 cilddə. Aşıqlar Birliyi, I cild, Bakı, 2019, “Gənclik”, s. 122.

(11.12.1993, Göyçay r-nunun Mırtı k. – 19.11.2012, Beyləqan r-nu) – Birinci Qarabağ müharibəsi şəhidi.

4.1.2012 il tarixdə əsgər rütbəsində hərbi xidmətə çağırılmışdır. 19.11.2012 il tarixdə cəbhədə minaya düşərək həlak olub. Doğulduğu k.-də dəfn olunub.

Mənbə: Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Göyçay rayon şöbəsi.