(1927, Göyçay ş. – 2001, AFR) – pedaqoq, SSRİ Maarif əlaçısı (1976), Azərb. SSR Əməkdar müəllimi (1978).

Orta məktəbi bitirəndən sonra Göyçay pedaqoji məktəbinə daxil olub. Burada təhsilini başa vurub gənc riyaziyyat müəllimi kimi İvanovka k. məktəbinə təyinat alıb.

(1974, Göyçay r -nunun Potu k.) – pedaqoq, fizika-riyaziyyat ü.f.d (2001)

BDU-nun Fizika fakültəsini fərqlənmə diplomu ilə bitirib (1996). Bürcəliyev 1997 ildə BDU-nun əyani aspiranturasına daxil olmuş və 2000 ildə nəzəri və riyazi fizika ixtisası üzrə “Dərin qeyri-elastiki elektron-proton, proton-proton toqquşmasında spik effektlərinin kvantoxromodinamik tədqiqi” mövzusunda dissertasiya işini müdafiə etmişdir. 2001 ildə Ali Attestasiya Komissiyasının qərarı ilə fizika-riyaziyyat e.n. dərəcəsi almışdır. 2001-02 illərdə Göyçay ş. 2 saylı orta məktəbdə müəllim işləmişdir. 2002 ildən isə şəhər 7 saylı orta məktəbdə fizika müəllimi olaraq çalışır. Bürcəliyev 2010 ilin sentyabr ayından Göyçay RTŞ-də aparıcı məsləhətçi işləmişdir. 2015 ilin iyul ayında 2-ci dərəcəli dövlət qulluqçusu ixtisas dərəcəsi almışdır.

2015-22 illərdə Göyçay RTŞ-nin müdir müavini vəzifəsini icra edib. 2022 ildə Mərkəzi Aran Regional Təhsil İdarəsi (MARTİ) Göyçay bölməsinə sektor müdiri təyin olunmuşdur. Hazırda MARTİ Ucar bölməsinin sektor müdiridir.

Mənbə: A.Kəngərli. “Bir məktəbin tarixi”. Bakı, 2018.

(17.1.1937, Ağsu r-nunun Pirhəsənli k. – 14.9.2019, Göyçay ş.) – pedaqoq, Əməkdar müəllim (2005).

Orta təhsilini Göyçay r-nunun Alpout və Ləkçıplaq k.-lərində almışdır. APİ-nin (indiki ADPU) Fizika-istehsalat fakültəsini bitirib (1961). Sonra təyinatla Göyçay RTŞ-yə göndərilmişdir. 1961-63 illərdə Göyçay ş. 2 saylı orta məktəbdə istehsalat təlimi üzrə direktor müavini və fizika müəllimi işləmişdir. 1963 ildə 2 saylı orta məktəb natamam orta məktəbə çevrildiyi üçün Göyçay ş. 9 saylı orta məktəbə fizika müəllimi təyin olunmuş, 1966 ilə kimi həmin məktəbdə müəllimlik fəaliyyətini davam etdirmişdir. 1966 ildə Göyçay ş. 7 saylı orta məktəbə fizika müəllimi təyin olunmuş, 2011 ilə kimi həmin məktəbdə müəllim işləmişdir.

(17.11.1927, Göyçay r-nunun Qarabaqqal k. – 22.2.1997, Bakı ş.) – filologiya e.d., prof.

1934-38 illərdə Göyçay ş. 1 saylı orta məktəbdə təhsil alıb. Bir müddət uşaq evində tərbiyəçi-müəllim və eyni zamanda təlimatçı işləyib.

1945 ildə ADU-nun Filologiya fakültəsinə qəbul olub. Ali məktəbi bitirdikdən sonra Ə.Cavadov 1950-53 illərdə Azərb. EA Nizami adına Ədəbiyyat və Dilçilik İnstitutunun aspirantı olub. 1954 ildən Dilçilik İnstitutunda elmi işçi vəzifəsində çalışıb. Ə.Cavadov 1956 ildə “Müasir Azərbaycan dilində şəxssiz cümlələr” mövzusunda namizədlik dissertasiyası müdafiə edib. “Azərbaycan dilinin qrammatikası”, “Azərbaycan bədii dilinin üslubiyyatı” və s. kitabların müəlliflərindən biridir. O, “Dil vahidlərinin sıralanması” mövzusunda doktorluq dissertasiyası müdafiə edib və filologiya elmləri doktoru elmi dərəcəsi alıb.

Məlumat V.Abdullayevdən alınıb.

(1939, Göyçay r-nunun Bığır k. – 1993) – kimyaçı, kimya ü.f.d. (1978).

Orta məktəbi Ağdaş r-da bitirəndən sonra 1958 ildə APİ-nin Kimya-biologiya fakültəsinə daxil olub və 1962 ildə institutu müvəffəqiyyətlə bitirib təyinatla Ağdaş r-nunun Qoşaqovaq k. orta məktəbində kimya-biologiya müəllimi işləyib. 1964 ildən Cavadov Azərb. EA Qeyri-üzvi və Fiziki-Kimya İnstitutunda kiçik elmi işçi və elmi işçi vəzifələrində çalışıb. Azərb.-dakı təbii ehtiyatların fiziki-kimyəvi xüsusiyyətlərinin tədqiqi və onların texnikada, habelə istehsalatda tətbiqilə bağlı 45 elmi işin və 5 ixtiranın müəllifidir. 1978 ildə “Daşsalahlı gillərinin fiziki-kimyəvi xüsusiyyətləri” adlı namizədlik dissertasiyasını AREA Qeyri-üzvi və fiziki kimya institutunda müvəffəqiyyətlə müdafiə edərək kimya e.n. alimlik dərəcəsi alıb.

Məlumat V.Abdullayevdən alınıb.

(7.4.1979, Göyçay ş.) – həkim, ATU-nun Tədris və Təhsildə keyfiyyət təminatı şöbəsinin müdiri, tibb ü.f.d. (2010), dos. (2014).

ATU-nu bitirib (2002). 2002-03 illərdə Bakı ş. 4 saylı klinik xəstəxanasında internatura keçib. 2003-09 illərdə ATU-nun Klinik Mikrobiologiya Laboratoriyasında həkim, 2009-14 illərdə ATU Mikrobiologiya və immunologiya kafedrasında assistent və baş müəllim kimi fəaliyyət göstərib. Hazırda həmin kafedrada dosent vəzifəsində çalışır.

(1936, Göyçay r-nunun Bığır k. – 1996, Bakı ş.) – dilçi alim, filologiya e.d. (1972).

Ağdaş r-nun Pedaqoji Texnikumu, sonra APİ-nin Dil, məntiq və psixologiya fakültəsini bitirib. Göyçay ş. 4 saylı orta məktəbdə dil-ədəbiyyat müəllimi işləyib. 1958 ildə Azərb. EA Nizami adına Dil və ədəbiyyat institutuna kiçik elmi işçi qəbul olunub. 1975 ildən Azərb. EA Nəsimi adına Dilçilik İnstitutunun dil tarixi şöbəsində elmi işçi, baş elmi işçi vəzifələrində çalışıb.

Məlumat V.Abdullayevdən alınıb.

(1914, Göyçay qəz. Ulaşlı Şıxlı k. – 4.1.1980, Göyçay ş.) – Azərb. Ali Sovetinin deputatı, partiya işçisi, kənd təsərrüfatı rəhbəri.

A.Cəbrayılov orta təhsilini Ulaşlı Şıxlı k.-də alıb, 1939 ildə Bakı 2 illik Müəllimlər İnstitutunun Tarix fakültəsini bitirib. 1939-41 illərdə Göyçay r-n Sənaye Kombinatının müdiri vəzifəsində işləyib. 1941 ildə hərbi xidmətə çağırılıb, cəbhədə ağır yaralandıqdan sonra ordudan tərxis olunub. Cəbhədən qayıtdıqan sonra bir sıra sahələrdə çalışıb, 1950-1961 illərdə Göyçay r-nu Kalinin adına kolxozun sədri işləyib. 1961 ildə Azərb. KP Göyçay r-n Komitəsinin 1-ci katibi vəzifəsinə seçilib, 1963 ilə kimi həmin vəzifədə işləyib. 1963-65 illərdə Şamaxı r-nu Nərimanov adına sovxozun direktoru olub. 1965 ildə Göyçay r-nu Əzizbəyov adına kolxozun sədri vəzifəsinə seçilib, ömrünün sonuna kimi həmin vəzifədə işləyib. On il Göyçay r-n partiya komitəsinin büro üzvü, 3-cü çağırış rayon sovetinin deputatı olub. İki çağırış Azərbaycan Ali Sovetinin deputatı seçilib. “Lenin” və “Qırmızı Əmək Bayrağı” ordenləri ilə təltif edilib. Respublika əhəmiyyətli fərdi təqaüdçü olub.

Məlumat A.Məmməddən alınıb.

(3.6.1950, Göyçay ş. – 5.9.2017, Bakı ş.) – iş adamı, iqtisad e.d. (2001).

Ç.İldırım adına AzPİ-ni (indiki AzTU) mühəndis-mexanik ixtisası üzrə bitirib (1973). 1976-83 illərdə əmək fəaliyyətini Azərb. Resp. “Avtovaztexnikixidmət” mərkəzində davam etdirərək, burada sahə ustasından baş direktor vəzifəsinədək yüksəlib. 1983 ildə Moskva ş.-nə göndərilərək Moskva və Moskva vilayəti “Avtovaztexnikixidmət” mərkəzinin direktor müavini vəzifəsinə təyin olunub. 1985-87 illərdə Tolyatti şəhərində “VAZ”-ın Cənub regional idarəsinin (Azərbaycan, Gürcüstan, Ermənistan, Türkmənistan, Özbəkistan, Tacikistan və Qırğızıstan) maddi-texniki təchizat üzrə rəisi vəzifəsində çalışıb, 1987 ildə “Avtovazehtiyathissə” mərkəzinin təşkili ilə əlaqədar Azərb. Resp. “Avtovazehtiyathissə” mərkəzinin baş direktoru vəzifəsinə təyin olunub. Sonradan mərkəz “TVİNS” Səhmdar Cəmiyyətinə çevrildiyindən həmin cəmiyyətin prezidenti seçilib.

(10.8.1924, Göyçay qəz., Hacalı k. – 14.4.1996, Göyçay ş.) – pedaqoqika ü.f.d., dos.

H.Cəfərli ilk təhsilini Göyçay r-nunun Hacalı k. məktəbində alıb. ADU-nun (indiki BDU) Jurnalistika fakültəsini bitirib. Uzun müddət pedaqoji fəaliyyətlə məşğul olub, Azərb. Dövlət Elmi-Tədqiqat Pedaqoji İnstitutunda çalışıb. Məktəbəqədər tərbiyə və ibtidai məktəb, uşaqların nitqinin inkişafı, uşaq bağçalarında tərbiyəçilər üçün nəzərdə tutulan təsviri fəaliyyətin təşkili metodikası, təhsil, tərbiyə, təlimdə asudə vaxtın təşkili, uşaq bağçasında əxlaq tərbiyəsinə dair iş təcrübəsi və s. mövzularda məqalə və kitabları nəşr edilib.