Kərimov Əli Paşa oğlu (18.3.1931, Göyçay ş. – 29.6.1969, Bakı ş.) – şair, tərcüməçi, AYB-nin üzvü (1954).

Əli Kərim 1948 ildə ADU-nun Filologiya fakültəsinə daxil olur, burada ehtiyacı olduğu yataqxana olmadığından Teatr İnstitutunun Teatrşünaslıq fakültəsinə keçir, III kursdan Moskvada, M.Qorki adına Dünya Ədəbiyyatı İnstitutunda təhsilini davam etdirir və 1955 ildə bu məşhur ədəbi təhsil ocağını fərqlənmə diplomu ilə bitirib Bakıya qayıdır, “Azərbaycan” jurnalının redaksiyasında şeir şöbəsinin müdiri vəzifəsində fəaliyyətə başlayır.

(11.5.1911, Göyçay qəz. Potu k. – 28.5.1997, Bakı ş.) – Azәrb. neftçi geoloqu, geologiya-mineralogiya e.d. (1963), prof. (1965), Azәrb. SSR Əmәkdar mühәndisi (1961), SSRİ-nin fәxri neftçisi (1971).

1929 ildə Göyçay Pedaqoji Texnikumunu bitirib Ağdaş r-nunun Kərikənd orta məktəbində müəllim kimi əmək fəaliyyətinə başlayıb. Bir ildən sonra komsomol təşkilatının göndərişi ilə ali təhsil almaq üçün Bakıya – M. Əzizbəyov adına Neft və Kimya İnstitutuna göndərilib. 1936 ildə Azərb. Sənaye İnstitutunu neft və qaz yataqları geologiyası və kəşfiyyatı üzrə mühəndis-geoloq ixtisası üzrə bitirib. Gənc geoloqun təyinatı Suraxanı rayonundakı “Kaqanoviç” NMİ-yə verilib və tezliklə baş geoloq vəzifəsinə təyin olunub.

(2.3.1963, Göyçay ş.) – jurnalist.

Orta məktəbi bitirəndən sonra bir müddət əmək fəaliyyəti ilə məşğul olub. Sonra BDU-nun Jurnalistika fakültəsində qiyabi təhsil alıb. 1987-90 illərdə R-n Komsomol Komitəsinin katibi vəzifəsində çalışıb. Daha sonra r-da nəşr olunan “Yeni həyat” (indiki “Göyçay”) qəzetində məktublar şöbəsinin müdiri və məsul katibi işləyib. Eyni zamanda, Göyçayda Qarabağa Xalq Yardımı Komitəsinin sədr müavini kimi fəaliyyətini davam etdirib. 1995 ildə ailəsi ilə birgə Sumqayıt ş.-nə köçən Əliyev yeni bir mətbuat orqanının – “Yeni era” qəzetinin əsasını qoyur və həmin qəzetin ilk baş redaktoru olur. 1997 ilin martında Milli Məclisin orqanı olan “Azərbaycan” qəzetinə dəvət olunur. Bir müddət qəzetdə məsul katibin müavini kimi çalışıb. 2009 ildən “Azərbaycan” qəzetinin şm. bölgəsi üzrə xüsusi müxbiri kimi fəaliyyətini davam etdirir. Onun “Azərbaycan”, “Qarabağ”, “Mədəniyyət” və s. qəzetlərdə şeirləri çap olunub, müxtəlif nəşrlərdə onlarla hekayəsi işıq üzü görüb. 2008 ildə “Talelərdə yaşayır” adlı ilk kitabı çap olunub. Azərb. Resp. Prezidentinin 2020 ildə imzaladığı Sərəncama uyğun olaraq A.Əliyev “Tərəqqi” medalı ilə təltif olunub.

Məlumat D.Quluoğludan alınıb.

(15.12.1939, Göyçay r.) – fizika-riyaziyyat ü.f.d., dos. (1997).

1957 ildə orta məktəbi, 1962 ildə isə ADU-nun Fizika fakültəsini bitirib. 1962-72 illərdə Bakı ş. Azərelektroişıq zavodunda mühəndis-texnoloq, 1972-80 illərdə Bakı ş. Elektron hesablayıcı maşınları zavodunda mühəndis-texnoloq, 1980-85 illərdə isə MEA-nın Kosmik Tədqiqatlar İnstitutunda çalışıb. 1985 ildən BDU-da işləyir. 1990 ildə “Aşqarların və elektron şualanmasının Tl İnS2-dəki faza keçidlərinə təsiri və onların yarımkeçirici xassələrlə qarşılıqlı əlaqəsi” mövzusunda namizədlik dissertasiyası müdafiə edib, fizika-riyaziyyat e.n. adına layiq görülüb. 1997 ildən dosentdir. Bir sıra beynəlxalq konfransların iştirakçısı olub.

Məlumat V.Abdullayevdən alınıb.

(20.3.1951, Göyçay r-nunun Qarabağlar k.) – yazıçı, AYB-nin üzvü (2011), filologiya ü.f.d. (1987).

Əliyev orta təhsilini Göyçay ş. 4 saylı (indiki 9 saylı ) tam orta məktəbdə alıb, daha sonra o zamankı 6 saylı Kənd Peşə Məktəbində oxuyub. Həmin məktəb şəhər tipli 58 saylı Peşə Məktəbi olanda o burada komendant vəzifəsində çalışıb. Əliyev 1971-75 illərdə APİ-nin Filologiya fakültəsində əyani təhsil alıb. İnstitutu bitirdikdən sonra təyinatla Göyçay r-nunun Ulaşlı Şıxlı k. tam orta məktəbinə göndərilib. 1992 ilədək burada dil-ədəbiyyat müəllimi kimi çalışıb. Dərs yükü saxlanılmaqla onu r-n Təhsil Şöbəsində metodist vəzifəsinə işə qəbul ediblər. O burada çalışmaqla bərabər, şəhərdə fəaliyyət göstərən pedaqoji kollecdə və San-Marino Elmlər Akademiyası Mingəçevir filialının Göyçay şöbəsində dərs deyib.

(10.10.1956, Göyçay ş.) – polis general-mayoru (2010).

1975-77 illərdə ilk hərbi xidmətini Qazaxıstan Resp. Karaqanda ş.-də başa vurub Vətənə qayıdır. 1977 ildə Moskva Kooperativ İnstitutunun Bakı filialına daxil olub. Təhsilini yarımçıq qoyaraq Karaqandaya qayıdıb, SSRİ DİN Karaqanda Ali Milis Məktəbinə sıravi milis nəfəri işə qəbul olunur, 1979 ildə isə Karaqanda Ali Milis Məktəbinə qəbul olub.

(10.5.1923, Naxçıvan ş. – 12.12.2003, Klivlend ş.) – Azərbaycan xalqının Ümummilli Lideri.

1939 ildə Naxçıvan Pedaqoji Texnikumunu bitirdikdən sonra Azərb. Sənaye İnstitutunun (indiki ADNSU) Memarlıq fakültəsinə daxil olub, lakin İkinci Dünya müharibəsinin başlanması ona təhsilini başa çatdırmağa imkan verməyib.

H.Əliyev 1941-44 illərdə əvvəlcə Naxçıvan Muxtar Respublikası Xalq Daxili İşlər Komissarlığında arxiv şöbəsinin məxfi hissəsinin müdiri, sonra isə Naxçıvan MSSR Xalq Komissarları Sovetində ümumi şöbənin müdiri vəzifələrində işləyib.

(24.12.1961, Bakı ş.) – Azərbaycanın görkəmli dövlət xadimi, Azərbaycan Respublikasının Prezidenti.

1967-77 illərdə Bakı ş.-də 6 saylı orta məktəbdə təhsil alıb. 1977-82 illərdə Moskva Dövlət Beynəlxalq Münasibətlər İnstitutunda (MDBMİ) təhsil alıb. MDBMİ-ni bitirdikdən sonra, 1982 ildə həmin institutun aspiranturasına daxil olub. 1985 ildə dissertasiya müdafiə edərək tarix elmləri namizədi elmi dərəcəsini alıb və 1985-90 illərdə Moskva Dövlət Beynəlxalq Münasibətlər İnstitutunun müəllimi olub. 1991-94 illər ərzində özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.

(7.11.1951, Göyçay ş.) – texnika e.d. (2002), prof. (2004).

Ç.İldırım adına AzPİ-də (indiki Azərb. Texniki Universiteti) təhsil alaraq həmin institutun Nəqliyyat fakültəsini bitirib (1973). Azərb. İnşaat Mühəndisləri İnstitutunun (indiki Azərb. Memarlıq və İnşaat Universiteti) dosenti (1983-94), Tatarıstan Respublikasının Almetyevsk Dövlət Neft İnstitutunda (ADNİ) Tətbiqi riyaziyyat kafedrasının müdiri (1995–2006), həmin institutda Neft və qazın nəqli və saxlanması kafedrasının müdiri (2006). 2000 ildən ADNİ-nin Mexanika mühəndisliyi fakültəsinin dekanı vəzifəsində çalışır.

Məlumat V.Abdullayevdən alınıb.

(25.8.1986, Göyçay ş.) – rəssam, Almaniya Beynəlxalq Ədəbiyyat, İncəsənət və Kommunikasiya Akademiyasının həqiqi üzvü (2022), Şimali Amerika YB-nin üzvü, Azərb. Rəssamlar İttifaqının üzvü (2020).

UNEC-də Dünya İqtisadiyyatında İnformasiya Texnologiyaları ixtisası üzrə təhsil alıb (2007). İqtisadiyyat və kompüter proqramları üzrə elmi bilgilərə malikdir. Sonrakı fəaliyyətini rəssam kimi davam etdirib. Əsasən portretlər, kompozisiya əsasında portretlər və tarixi mövzulara aid rəsm əsərləri üzərində çalışan Əliyev bir çox resp. və beynəlxalq sərgilərdə və müsabiqələrdə iştirak edib. Dünyanın 30-dan çox dövlətində, o cümlədən ABŞ, Türkiyə, Pakistan, Rusiya, İtaliya, Almaniya, Fransa, İngiltərə, Hollandiya, Norveç, Yunanıstan, Macarıstan, Hindistan, İndoneziya, Avstraliya, Braziliya, Suriya, Əlcəzair və s. ölkələrdə keçirilən beynəlxaq sərgi, müsabiqə və forumlarda iştirak edərək uğurlar qazanıb, diplomlara, fəxri fərmanlara, sertifikatlara, mükafatlara və təltiflərə layiq görülüb.