(9.5.1925, Göyçay ş. – 25.2.2012, Bakı ş.) – geoloq-neftçi, alim, prof., geologiya-mineralogiya e.d. (1977), Azərb. Resp. Əməkdar geoloqu (1982), prezident təqaüdçüsü (19.09.2006). Xəzər dənizinin akvatoriyasının neft və qazkondensat yataqlarının kəşfində bilavasitə iştirak etmişdir.

Orta məktəbi bitirdikdən sonra 1943 ilin iyun ayında könüllü şəkildə müharibəyə yollanıb. O, 77-ci diviziyanın tərkibində Melitopoldan Dnepr çayına kimi döyüşlərdə iştirak edib. 1943 ilin 23 dekabrında güllə yarası almış və 1944 il yanvarın 6-na kimi hərbi hospitalda müalicə olunmuşdur.  Hospitaldan çıxandan sonra tank məktəbində oxumuş, I Belarus cəbhəsinin tərkibində döyüşlərə qatılmış, Minskdən Varşavaya qədər döyüşçü-tankçı yolunu keçmişdir.

(2.7.1938, Göyçay r-nunun Qaraman k. – 5.9.1978, Bakı ş.) – dilçi alim, filologiya ü.f.d., dos.

1946-53 illərdə Qaraman k. orta məktəbində təhsil alıb. 1953 ildən isə təhsilini Göyçay Pedaqoji Texnikumunda davam etdirib. 1957 ildə ilk əmək fəaliyyətinə Əli Bayramlı r-nu Aleksandrovka k. məktəbində başlayıb. 1962 ildə ADU-nun (indiki BDU) Filologiya fakültəsinə qəbul olub. 1968 ildə həmin ali məktəbi başa vuraraq Azərb. EA Ədəbiyyat və Dil İnstitutunun Azərb. dili tarixi şöbəsinə kiçik elmi işçi vəzifəsinə təyin olunub. 1971 ildə ADU-nun Filologiya fakültəsinə müəllim kimi qəbul olunub. Türkologiya kafedrasında baş müəllim və sonra həmin kafedranın dosenti işləyib.

Alim 1978 ildə avtomobil qəzasında həlak olub, Qaraman k. məzalığında dəfn edilib.

Məlumat V.Abdullayevdən alınıb.

(23.3.1938, Göyçay r-nunun Bığır k. – 2008) – kənd təsərrüfatı ü.f.d. (1969).

1962 ildə ADU-nun Geologiya-coğrafiya fakültəsini coğrafiyaçı ixtisası üzrə bitirmişdir. 1962 ildən Azərb. EA Torpaqşünaslıq və Aqrokimya İnstitutunda kiçik elmi işçi vəzifəsinə qəbul edilmişdir. 1964-67 illərdə həmin institutun aspiranturasında təhsil almışdır. 1971 ildən Azərb. EA Coğrafiya İnstitutunun “Meşə torpaqlarının coğrafiyası“ şöbəsində işləyib. 1969 ildə “Qaraməryəm yaylasının torpaqları və onlardan səmərəli istifadə olunması“ mövzusunda namizədlik dissertasiyası müdafiə etmişdir. 1982-90 illərdə şöbənin daxilində yeni yaradılmış “Arid meşə torpaqlarının coğrafiyası“ laboratoriyasına, 1991 ildən isə arid ərazilərin kompleks tədqiqi qrupuna rəhbərlik etmişdir. 2002 ildən “Torpaq coğrafiyası” şöbəsinin rəhbəri vəzifəsində çalışmışdır.

(26.10.1938, Bakı ş.) – coğrafiyaşünas alim, coğrafiya e.d. (2006), prof (2012). Orta məktəbi 1955 ildə Göyçay r.-da bitirdikdən sonra bir müddət Bakı ş. Sabunçu r-nunda  neft mədənində operator vəzifəsində işləməyə başlamışdır. Eyni zamanda 1962 ildə Bakı Dövlət Universitetinin Geologiya-coğrafiya fakültəsində coğrafiyaçı-bioloq ixtisasına yiyələnmiş və təyinatla AMEA-nın Coğrafiya İnstitutunda fəaliyyətə başlamışdır. Daha sonra fəaliyyətini aspiranturada davam etdirməklə AMEA-nın Torpaqşünaslıq və Aqrokimya İnstitutunda çalışıb. O, 1974-94 illərdə Elmi-Tədqiqat Hidrotexnika və Meliorasiya İnstitutunda baş elmi işçi, laboratoriya müdiri vəzifələrində işləmiş və Kiçik Qafqazın şimal-şərq yamaclarında dağbozqır kserefil meşə torpaqlarında kimyəvi elementlərin miqrasiyası və bioloji dövranı mövzusunda tədqiqatını davam etdirmişdir.

(2.6.1970, Göyçay r-nunun İnçə k.) – kimyaçı alim, kimya ü.f.d. (2007).

1977 ildə İnçə k. orta məktəbində 1-ci sinfə gedib və 1987 ildə həmin məktəbi fərqlənmə ilə bitirib. 1987 ildə BDU-nun Kimya fakültəsinə daxil olub, 1992 ildə universiteti bitirib.

1998 ildə BDU-da baş laborant vəzivəsində işləməyə başlayıb. 2002 ildə BDU-ya qiyabi aspitanturaya qəbul olunub, 2007 ildə “Mo(VI), W(VI) və Ti(IV)-nın H3PO4 mühitində ksanten boyaları və səthi aktiv maddələrlə fotometrik təyini” mövzusunda dissertasiya işini uğurla müdafiə etmişdir. Fəqanə xanım 40-dan çox məqalə və tezisin, 2 patentin müəllifidir. Elmi əsərləri bir çox ölkələrin qabaqcıl jurnallarında dərc olunub. 2013 ildən BDU-da müəllim vəzifəsində çalışır.

Məlumat F.Xəlilovadan alınıb.

(22.2.1938, Göyçay ş.) – mühəndis, Şimali Osetiya-Alaniya Resp.-nın 1-ci dərəcəli  Dövlət müşaviri, Şimali Osetiya-Alaniya Resp.-sı yanacaq və energetika komitəsinin sədri (2005), Beynəlxalq Pedaqoji EA-nın həqiqi üzvü, Rusiya Elektrotexnika elmləri Akademiyasının müxbir üzvü, texnika e.d.(1989), prof.(1991)

Şm. Qafqaz dağ-mədən institutunu (1960) və Novoçerkassk politexnik institutunu mühəndis-elektromexanik ixtisası üzrə bitirib (1963-66). “Sevkazqiprosvetmet” layihə institutunda mühəndis, 1960-63 illərdə isə ŞQDMİ-da assisent işləyib. Sonra ETİ-nun elektrik maşınları kafedrasında çalışıb. 1974 ildə QSXİ-da energetika kafedrasının müdiri, ETL rəhbəri olub. 1995–2005 illərdə Şm. Osetiya-Alaniya Respub. regional energetika komitəsinin sədri vəzifəsində çalışıb. 2005 ildən Şimali Osetiya-Alaniya Resp.-nın Yanacaq və Energetika Komitəsinin sədri, Şimali Osetiya-Alaniya Resp.-nın Hökumət başçısının müşaviri olub (2005-06). 2000 ildən indiyədək Şimali Osetiya-Alaniya Resp. başçısının yanacaq-energetika kompleksi məsələləri üzrə müşaviridir.

(26.7.1941, Göyçay r. – 25.1.2015) – pedaqoq, prof.

Orta məktəbi bitirəndən sonra AZNKİ-na daxil olub. 1963 ildə buranı bitirib, iki ildən sonra isə həmin təhsil müəssisəsinin aspiranturasına daxil olub. 1968 ildə namizədlik dissertasiyasını müdafiə edib. On il müddətində AzPİ-da nəzəri mexanika fənnini tədris edib. Azərb. Memarlıq və İnşaat Universitetində mühazirələr oxuyub.

Sonralar İsrailə köçüb və həmin ölkədə Holon Texnologiya Universitetinin prof.-u olub. İsrail Azərbaycanlıları Konqresinin vitse-prezidenti olub.

Mənbə: Göyçay rayon Mərkəzləşdirilmiş Kitabxana Sistemi.

(7.5.1969, Göyçay r-nunun Qaraxıdır k.) – tarixçi alim, Beynəlxalq Nobel İnformasiya Akademiyasının üzvü (2015), tarix ü. f.d. (2004), AYB-nin üzvü (2008), Əməkdar müəllim (2006).

N.Tusi adına ADPU-nun Tarix–filologiya fakültəsini fərqlənmə diplomu ilə bitirib (1997). Həmin ildən pedaqoji fəaliyyət göstərir. Yəhyalı ölkədə üç dəfə (2001, 2003, 2008) ilin ən yaxşı müəllimi müsabiqələrində birincilik qazanmış yeganə müəllimdir. Yəhyalının bir sıra ədəbi əsərləri gürcü, eston, rus, ingilis dillərinə tərcümə olunub.

(28.12.1920, Göyçay ş. – 18.3.1988, Bakı ş.) – iqtisad ü.f.d., dos.

Orta məktəbi bitirdikdən sonra Göyçay r. Pedaqoji Məktəbinə daxil olmuşdur. Təhsilini davam etdirmək üçün ADU-nun İqtisadiyyat fakültəsinə qəbul olub. 1950-88 illərdə D.Bünyadzadə adına Xalq Təsərrüfatı İnstitutunun (indiki ADİU) “Mühasibat uçotu və təsərrüfat fəaliyyətinin təhlili” kafedrasında dos. vəzifəsində çalışmışdır. Bir çox monoqrafiyaların və elmi məqalələrin müəllifi olmuşdur. İşlədiyi müddətdə, demək olar ki, Göyçay r-nun təsərrüfat və sənaye sahələrində işləyən əksər mühasib və iqtisadçıların yetişdirilməsində böyük rol oynamışdır.

Mənbə: Göyçay rayon MKS

(1914, Göyçay qəz. Çayarxı k. – 2.6.2000, Göyçay ş.) – həkim, 3-cü dərəcəli hərbi həkim (1942).

Yusifzadə 1927 ildə Göyçay ş. orta məktəbi bitirib. Nuxa (Şəki) pedaqoji məkəbinə daxil olmuş, 1931 ildə bitirərək müəllim ixtisası almışdır. 1931-32 illərdə Ucar r-nunun Müsüslü k. 7 illik məktəbində müəllim işləmişdir. 1933-34 illərdə Göyçay r-n torpaq şöbəsində təlimatçı vəzifəsində çalışmış, kəndlərdə savadsızlığın ləğvində fəal iştirak etmişdir.