(21.12.1928, Göyçay ş. – 26.4.2016, Bakı ş.) – səhiyyə xadimi, tibb e.d. (1968).

N.Nərimanov adına Azərb. Tibb İnstitutunu (indiki ATU) qırmızı diplomla bitirib (1953). Azərb. SSR Sanitar Aviasiya müəssisəsinə rəis, 1961 ildə isə Bakı ş.-də yerləşən 4 saylı Klinik xəstəxanasına baş həkim təyin olunub. 1968 ildə Moskva ş.-dəki Ümumittifaq Onkologiya İnstitutunda doktorluq dissertasiyasını uğurla müdafiə edib. İsmayılov 1970 ildə Vətənə qayıdandan sonra Ə.Əliyev adına AR Həkimlərin Təkmilləşdirilməsi İnstitutuna baş elmi katib vəzifəsinə təyin olunub. Bu illər ərzində İsmayılov səhiyyənin problemləri ilə bağlı bir neçə dünya əhəmiyyətli beynəlxalq konfrans və simpoziumlarda Azərb.-ı təmsil edib. 1974 ildə Bakıda yerləşən 19 saylı Tibbi sanitariya idarəsinə baş həkim, 1980 ildə isə F.Əfəndiyev adına 2 saylı ş. klinik xəstəxanasına baş həkim təyin olunub. Bununla yanaşı, İsmayılov resp.-nın ictimai-siyasi həyatında da fəal iştirak edirdi. Belə ki, o, bir neçə çağırış Bakı ş. sovetinin deputatı seçilmişdir. Alim böyük elmi xidmətlərinə görə SSRİ Səhiyyə Nazirliyinin fəxri fərmanları, təşəkkürnamə, “Səhiyyə əlaçısı” döş nişanı və digər medallarla təltif olunub.

Məlumat ailəsindən alınıb.

(23.2.1930, Göyçay r-nunun Alxasava k. – 3.1989) – Əməkdar müəllim (1980).

İsmayılov Göyçay r-nunun Alxasava k.-də fəhlə ailəsində anadan olub. 1949 ildə Göyçay r-n. Müəllimlər Məktəbini bitirib. Buranı bitirdikdən sona təyinatla Zərdab r-nunda müəllim kimi fəaliyyətə başlamışdır. 1959-60 dərs ilindən İnçə k. orta məktəbində müəllim işləməyə başlayıb. Əmək fəaliyyəti ilə yanaşı, ali təhsilini də davam etdirib. 1962 ildə APİ-nin Riyaziyyat müəllimliyi fakültəsini bitirib. Ömrünün sonuna qədər, yəni 1989 ilədək həmin məktəbdə fizika-riyaziyyat fənn müəllimi işləyib.

Məlumat B.İsmayılovun nəvələrindən alınıb.

(25.2.1909, Göyçay ş. – 5.6.1983, Bakı ş.) –  Əməkdar həkim.

Çox gənc yaşlarında əmək fəaliyyətinə başlayıb. 1923-31 illərdə resp.-nın r-nlarında komsomol işində işləyib. 1931 ildə Azərb. Tibb İnstitutuna daxil olub, 1936 ildə institutu bitirib. 1936-38 illərdə o, İsmayıllı r-n xəstəxanasının baş həkimi, səhiyyə şöbəsinin müdiri vəzifəsində işləyib. 1938 ilin oktyabr ayında Göyçay ş.-nə dəyişilib və burada əvvəlcə poliklinikada terapevt, sonra poliklinikanın şöbə müdiri, daha sonra isə 1939 ilin noyabr ayından 1942 ilin yanvar ayına qədər Göyçay r-n səhiyyə şöbəsinin müdiri vəzifəsində işləyib.

(1891, Göyçay qəz. Bığır k. – 1969, Göyçay r-nunun Bığır k.) – Əməkdar müəllim (1955).

İsmayılov Qori seminariyasında təhsil alıb. 1930 ildə Göyçayın Bığır k. məktəbinin (hazırda 3 saylı məktəb) əsasını qoyub. Böyük Vətən müharibəsinin (1941-45) iştirakçısı olub. Mozdok ətrafında gedən döyüşlərdə ağır yaralanaraq, ordudan tərxis olunub. Doğma kəndinə qayıtdıqdan sonra yenidən pedaqoji fəaliyyətini davam etdirib. Onun fəaliyyəti yüksək qiymətləndirilib. Görkəmli maarifçi SSRİ Ali Sovetinin qərarı ilə 1955 ildə “Lenin” ordeni ilə təltif olunub və ona Əməkdar müəllim fəxri adı verilib. Azərb. Resp. Nazirlər Kabinetinin 1991 il 12 sentyabr tarixli 306 saylı qərarı ilə Göyçay r-nunun Bığır k. məktəbinə N.İsmayılovun adı verilib.

Məlumat R.Məmmədovdan alınıb.

(11.2.1963, Göyçay r-nunun Çərəkə k.) – iqtisadçı alim, iqtisad e.d. (2020), prof.

1980 ildə Ucar ş. 1 saylı orta məktəbini bitirib. 1981-83 illərdə ordu sıralarında xidmət edib. 1984 ildə D. Bünyadzadə adına Azərb. Xalq Təsərrüfatı İnstitutunun Uçot-iqtisad fakültəsinin əyani şöbəsinə “Mühasibat uçotu və təsərrüfat fəaliyyətinin təhlili” ixtisası üzrə qəbul olub və 1988 ildə N.A.Voznesenski adına Leninqrad Maliyyə-İqtisad İnstitutunun Bakı filialını “Lenin təqaüdçüsü” kimi və fərqlənmə diplomu ilə bitirib. 29 dekabr 1992 ildə M.V.Lomonosov adına MDU-da “Mühasibat uçotu, statistika” ixtisası üzrə dissertasiya müdafiə edib və RF Ali Attestasiya Komitəsinin qərarı ilə iqtisad e.n. alimlik dərəcəsi alıb. 2001 ildə M.V.Lomonosov adına MDU-nun “Uçot, təhlil və audit” kafedrasının doktoranturasına qəbul olub və doktorluq dissertasiya işini müvəffəqiyyətlə başa çatdırıb.

(11.8.1937, Göyçay r-nunun Bığır k. – 19.11.1997, Bakı ş.) – jurnalist, AJB-nin üzvü, tarix ü.f.d. (1960).

BDU-nun Jurnalistika fakültəsini fərqlənmə diplomu ilə bitirib (1964). Sonra Mətbuat Komitəsində nəzarətçi redaktor (1965-67), “Azərnəşr”də böyük redaktor (1967), “Gənclik” nəşriyyatında şöbə müdiri, Resp. Kitabxana kollektorunda direktor, Resp. Mətbuat və İnformasiya Nazirliyinin (indiki Rəqəmsal İnkişaf və Nəqliyyat nazirliyi) “İşıq” nəşriyyatında direktor (1990-97) vəzifələrində çalışıb. İsmayılov on iki kitabın müəllifidir. “Qızıl qələm” mükafatı ilə təltif edilib.

Mənbə: Ə.Əsgəroglu. “Göyçaydan başlanan ömür yolu”. “Azərbaycan” nəşriyyatı, Bakı, 2000.

(11.5.1954, Zərdab r-nunun Gəlmə k.) – RF-nin fəxri inşaatçısı (2004).

Əslən göyçaylı olan R.İsmayılovun atası müəllim olub və onun işi ilə əlaqədar bir müddət Zərdab r-nu Gəlmə k.-də yaşayıblar. 1961 ildə Göyçay r-nunun Alxasava k. 8 illik məktəbin 1-ci sinfinə qəbul olub, 1971 ildə İnçə k. orta məktəbini bitirib. 1971 ildə Ç.İldırım adına AzPİ-yə qəbul olub. 1976 ildə AzİMİ-də Sənaye və mülki tikinti ixtisası üzrə tam kursu bitirib. 1976 ildə təyinatla RF-nin Krasnodar diyarının Novorossiysk ş.-nə, Xüsusi inşaat trestinə göndərilib. Baş icraçı, baş mühəndis, baş direktor vəzifələrini icra edib.

(5.12.1979, Göyçay r-nunun Çərəkə k.) – iqtisadçı alim, iqtisad ü.f.d. (2013), dos. (2017), Gürcüstan Açıq Universitetinin iqtisadiyyat üzrə fəxri prof. (2018).

BDU-nun Sosial elmlər və psixologiya fakültəsinin politologiya ixtisasını bakalavr (2001) və həmin fakültənin İdarəetmənin sosiologiyası ixtisasını magistr dərəcəsində (2003) bitirib. 2009 ildən Qafqaz Universitetində İqtisadiyyatın idarə olunması fakültəsinin Biznesin təşkili və idarə olunması kafedrasında Müəssisələrin təşkili və idarə olunması ixtisası üzrə doktorantura təhsili almağa başlayıb. 2013 ildə AMEA-nın İqtisadiyyat İnstitutunda dissertasiya işini müvəffəqiyyətlə müdafiə edib.

(27.1.1984, Göyçay ş.) – Taekvondo üzrə Resp. çempionu.

Altı yaşından etibarən karate, 18 yaşından isə taekvondo idman növü ilə məşğul olmağa başlayıb. Rusiyanın Rostov ş.-də keçirilən karate üzrə Avropa çempionatında 2-ci yer tutub və karate üzrə 1-ci dan qara kəmər qazanıb. Kazımov ADBTİA-nı bitirib (2007). Pumse üzrə beynəlxalq və dünya çempionatının iştirakçısı olub. Hazırda taekvondo üzrə 4-cü dan qara kəmər ustasıdır. Bu idman növü üzrə məşqçi kimi fəaliyyət göstərən Kazımov 3 il dalbadal taekvondo üzrə Azərb.-ın ən yaxşı məşqçisi adını qazanıb. Onun yetirmələri respublika və beynəlxalq səviyyəli yarışlarda daim uğur qazanırlar. Göyçay komandasına Resp. çempionatında komanda üzrə 1-ci yeri qazandırıb və kuboku Göyçaya gətirib. Tələbələri beynəlxalq turnirlərin qalibi, Avropa və dünya çempionatının mükafatçısıdırlar. Kazımov hazırda Göyçay ş. 7 saylı məktəbdə fiziki tərbiyə müəllimi işləyir.

Mənbə: A.Kəngərli. “Salam, doğma məktəbim” kitabı. Bakı, Perqament nəşriyyatı, 2019.

(17.11.1970, Göyçay ş.) – tərcüməçi, yazar, riyaziyyat e.d. (2005), İsveçin Umeo Universitetinin elmi işçisi, dos.

Göyçay ş.-də 3 saylı rus-beynəlmiləl orta məktəbini bitirdikdən sonra 1988 ildə Sankt-Peterburq Dövlət Universitetinə qəbul olmuş, 1993 ildən təhsilini aspiranturada davam etdirmiş və 1999 ilin 7 may tarixində AMEA-nın Riyaziyyat və Mexanika İnstitutunda dissertasiyasını müdafiə edərək, fizika və riyaziyyat e.n. elmi dərəcəsini almışdır. 1993-97 illərdə həmin institutda kiçik elmi işçi, 1997–2000 illərdə isə böyük elmi işçi vəzifəsində işləmişdir. 1993–2000 illərdə “AMEA-nın Xəbərləri” jurnalının fizika-riyaziyyat və texnika elmləri seriyasının məsul katibi və rus/ingilis dillərinə tərcüməçisi, həmçinin “Riyaziyyat və Mexanika İnstitutunun əsərləri” jurnalının məsul katibi və tərcüməçisi işləmişdir.