(10.1.1952, Göyçay r-nunun Çərəkə k. – 13.5.2016, Göyçay r-nunun Çərəkə k.) – Əməkdar müəllim (2010).

Nəbiyev 1968 ildə Göyçay r-nunun Çərəkə k. orta məktəbini bitirib. 1968-72 illərdə APİ-nin Riyaziyyat fakültəsində təhsil alıb. 1972-74 illərdə Çərəkə k. natamam orta məktəbində müəllim işləyib. 1974-75 illərdə hərbi xidmətdə olub. 1975-76 illərdə Çərəkə k. natamam orta məktəbində müəllim, 1976-92 illərdə direktor işləyib. 1992 ildə Göyçay r-n Təhsil Şöbəsində metodiki mərkəzin direktoru vəzifəsinə təyin olunub. 1994 ilin sentyabr ayında R-n Təhsil Şöbəsinin müdiri vəzifəsinə irəli çəkilən Nəbiyev 20 ildən artıq – 2015 ilin mart ayına kimi həmin vəzifədə işləyib.

Məlumat A.Məmmədən alınıb.

(15.6.1918, Göyçay qəz. Çərəkə k. – 3.11.2000, Göyçay r-nunun Çərəkə k.) – pedaqoq, Əməkdar müəllim (1981).

Göyçay Pedaqoji Texnikumunu (1941), Sabir adına Pedaqoji Texnikumu (1949), M.F.Axundov adına Xarici Dillər İnstitutunun Rus dili fakültəsini (1960) bitirib. Pedaqoji fəaliyyətə 1941 ildə Çərəkə k. 7 illik məktəbində başlayıb. 1942 ilin yanvar ayında könüllü olaraq cəbhəyə gedib. Hərbi kursda oxuyaraq topçu olub. Voronej və Kurskda iki dəfə yaralanıb. Sağaldıqdan sonra Perm ş.-də hərbi kursda oxuyaraq zabit rütbəsi alıb. 1944 ildə Jitomir yaxınlığındakı döyüşlərdə yenidən ağır yaralanır və tərxis olunur. Ordudan qayıtdıqdan sonra müəllimlik fəaliyyətini davam etdirir. Nəcəfov səmərəli pedaqoji fəaliyyətinə görə dəfələrlə fəxri fərmanlarla təltif olunub, “Əməkdar müəllim” fəxri adına layiq görülüb.

Məlumat A.Məmməddən alınıb.

(7.8.1930, Bakı ş., – 2.6.2013, Paris ş., Fransa) — rəssam, SSRİ və Azərb. SSR Dövlət mükafatları laureatı, SSRİ və Azərb.-nın xalq rəssamı, Azərb. Resp. Prezidentinin fərdi təqaüdçüsü.

1950 ildə Əzim Əzimzadə adına Azərbaycan Rəssamlıq Məktəbini, 1955 ildə isə Litvada Vilnüs Rəssamlıq İnstitutunu bitirmişdir. XX əsrin 50-ci illərindən etibarən yaradıcılığa başlamışdır. Yaradıcılığının ilk dövrünə aid əsərlərdən “Bayıl mənzərəsi”, “Fırtınadan da güclü”, “Səadət”, “Sevinc”, “Həyat naminə”, “İşıqlı gələcək uğrunda” və başqalarını qeyd etmək olar.

(1982, Göyçay r-nunun Qaraxıdır k.) – həkim, tibb ü.f.d.

1982 ildə Göyçay r-nunun Qaraxıdır k.-də anadan olub. 2005i ildə ATU-nun Müalicə-profilaktika fakültəsini fərqlənmə diplomu ilə bitirib. 2005-06 illərdə Milli Onkologiya Mərkəzində internatura keçib. 2006-08 illərdə Milli Onkologiya Mərkəzində kliniki ordinaturada təhsilini davam etdirib. 2008-12 illərdə Türkiyə və Rusiyada uzunmüddətli ixtisasartırma kursları keçib. 2008 ildən Milli Onkologiya Mərkəzinin “Şüa terapiyası” şöbəsində və Uşaq klinikasında radiasion onkoloq vəzifəsində çalışır. 9 elmi nəşri çap olunub. Rus və ingilis dillərini bilir. 2016 ildə onkologiya sahəsinin inkişafında göstərdiyi fəaliyyətlərinə görə “Fəxri fərman”la təltif edilib, həmçinin “İlin həkimi – 2017” ali media mükafatına layiq görülüb.

Məlumat V.Abdullayevdən alınıb.

(23.4.1957, Göyçay r-nunun Qaraman k. – 2015, Bakı ş.) – pedaqoq alim, pedaqogika e.n. (1987), dos.

İ.Lenin adına APİ-nun Tarix fakültəsini bitirib (1979). Sonra Göyçay r-nunda müəllimlik edib. 1987 ildən ADPU-nun “Pedaqogika” kafedrasında müəllimlik edib. 2013 ildən Bakı Qızlar Universitetinin “Pedaqogika” kafedrasının müdiri təyin olunub. 40-dan artıq elmi əsərin, 3 monoqrafiya, 2 dərslik, 5 proqram və 2 metodik vəsaitin müəllifi idi. “Hacı Rəhim Əfəndi” kitabının həmmüəllifidir.

Məlumat V.Abdullayevdən alınıb.

(4.6.1947, Bakı ş.) – filoloq alim, ingilis dili və ədəbiyyatı üzrə mütəxəssis, Əməkdar müəllim (2011).

Azərb. Xarici Dillər İnstitutunu (indiki Azərb. Dillər Universiteti) ingilis dili müəllimi ixtisası üzrə fərqlənmə diplomu ilə bitirib (1970). 1970-91 illərdə həmin təhsil ocağında ingilis dili müəllimi kimi fəaliyyət göstərib, sonrakı fəaliyyətini isə Xəzər Universitetində davam etdirib. 1991 ildən həmin universitetdə Hazırlıq fakültəsinin dekanı, Elmi Şuranın üzvü, audio-video mərkəzin direktoru, “İngilis dili və ədəbiyyatı” departamentinin baş müəllimi kimi fəaliyyət göstərib. 1990-92 illərdə ADNA (indiki ADNSU) nəzdində Biznes Kollecində ingilis dili müəllimi kimi çalışıb. Elmi fəaliyyəti ilə əlaqədar dünyanın bir sıra ölkələrində, o cümlədən ABŞ-ın Los-Anceles və Böyük Britaniyanın Nottingem Trent Universitetlərində, Avstriyanın Zalsburq Təhsil və Mədəniyyət Mərkəzində çalışmış, müxtəlif konfranslarda və tədbirlərdə iştirak etmişdir. İngilis dili və ədəbiyyatının tədrisi metodikası ilə əlaqədar bir sıra beynəlxalq sertifikatlara layiq görülüb. 1999 ildən eyni zamanda Britaniya səfirliyinin Xarici Diplomatlarla İş Mərkəzində məsləhətçi kimi fəaliyyət göstərir. Əsas tədqiqat sahəsi: “İngilis ədəbiyyatı: Şekspir klassik və modern dövrdə”.

Qalib Nuri Arif (9.5.1970, Göyçay ş.) – şair, AYB-nin üzvü (2022).

Nuriyev 1976-84 illərdə Göyçay ş. 3 saylı beynəlmiləl orta məktəbində oxumuşdur. 1984 ildə 8-ci sinfi bitirərərk Göyçay 106 saylı Texniki Peşə Məktəbinə daxil olmuş, 1987 ildə həmin məktəbi fərqlənmə diplomu ilə bitirərək imtahan vermədən Bakı Neft və Kimya Texnikumuna qəbul olmuşdur. 1988-91 illərdə hərbi xidmətdə olmuşdur. 1992 ildə AZNKİ-yə daxil olmuş, 1997 ildə ali təhsilini başa vurmuşdur. İlk şeiri 1984 ildə “Azərbaycan pioneri” qəzetində çap olunmuşdur. 1985-90 illərdə “Yeni həyat” qəzetində şeirlərlə çıxış etmişdir. İlk kitabı olan “Atamın nəsihəti” 2004 ildə işıq üzü görmüşdür. 2012 ildə “Qızılgülün sirri” və “Xan qızı Natəvan” adlı əsərləri kitab halında nəşr olunmuşdur. 2022 ildə “Xan qızı Natəvan” əsərinin yenidən işlənmiş variantı və “Hikmət güzgüsü” kitabı çap olunmuşdur. AYB-nin VIII qurultayının iştirakçısıdır.

Məlumat A.Məmməddən alınıb.

(12.8.1959, Naxçıvan MR Şərur r-nu) – tarixçi alim, tarix ü.f.d. (1999), dos. (2019).

Orta təhsilini Göyçay r-nunda alıb. BDU-nun Tarix fakültəsini fərqlənmə diplomu ilə bitirib (1981). Daha sonra AMEA-nın Arxeologiya və Etnoqrafiya İnstitutunda baş laborant vəzifəsindən aparıcı elmi işçi vəzifəsinə qədər yüksəlib. 1999 ildə “Azərbaycanda və mühacirətdə Müsavat Partiyasının fəaliyyəti” mövzusunda fəlsəfə doktoru dissertasiyası müdafiə edib. 2001 ildə eyniadlı monoqrafiyası çap olunub. Müəllifi olduğu bu kitab Türkiyənin müxtəlif unversitetlərində dərslik kimi istifadə olunur. AXC-nin tarixi ilə bağlı Azərbaycanda və Türkiyədə çoxsaylı məqalələri çap olunub. Uzun müddət AMEA-nın Arxeologiya və Etnoqrafiya İnstitutunun “Etno-sosioloji tədqiqatlar” şöbəsində çalışmaqla etno-siyasi münaqişələrlə bağlı araşdırmalar aparıb və postsovet məkanında mövcud olan münaqişələrin mahiyyəti ilə bağlı çoxsaylı məqalələri çap olunub. Hazırda “Cənubi Qafqaz dövlətlərinin müasir inkişafının etno-siyasi aspektləri” mözusunda tədqiqat işi ilə məşğul olur.

(12.5.1953, Naxçıvan MR Şərur r-nunun Kərki k.) –pedaqoq, Əməkdar müəllim (2011).

N.Tusi adına ADPU-nun Fizika fakültəsini bitirib (1975). Əmək fəaliyyətinə Göyçay r-nunun Şıxbəy k. məktəbində fizika müəllimi kimi başlamışdır (1975-76). Sonra Göyçay r-nunun Qarabağlar k. orta məktəbində fizika müəllimi (1977-87), Göyçay r-n Təhsil Şöbəsində inspektor (1987–2003) kimi fəaliyyət göstərmişdir. 2003-19 illərdə Göyçay Dövlət İdarəetmə və Texnologiya Kollecinə rəhbərlik edib. Onun rəhbərliyi dövründə bu təhsil müəssisəsi müasir dövrün tələblərinə uyğun yüksək inkişaf mərhələsinə çatmışdır. X.Orucov hazırda ictimai sahədə fəaliyyətini davam etdirir. O, 2021 ildən Göyçay r-n Ağsaqqallar Şurasının sədri vəzifəsini icra edir. Beynəlxalq Ekoenergetika Akademiyasının fəxri doktor-professorudur(1994).

Mənbə: https://agsaqqallarsurasi.az/x%C9%99lil-orucov-70/

(12.19.11, Göyçay ş. – 13.3.1986, Göyçay ş.) – müəllim.

Osmanov əmək fəaliyyətinə 1929 ildə Göyçay ş. birinci dərəcəli orta məktəbdə müəllim kimi başlayıb. 1933 ildə APİ-ni bitirib. 1933 ildə Göyçay r-nunun Ləkçıplaq k. Kənd–Cavanlar məktəbinə tədris hissə müdiri təyin edilib. 1934 ilin yanvar ayında Göyçay r-n xalq maarif şöbəsinə pedaqoji kabinəyə müdir təyin edilib. 1934 ilin sentyabr ayında Ucar r-nunun Qazıqumluq k. natamam orta məktəbinə direktor vəzifəsinə təyin edilib. 1935 ilin sentyabr ayında Ucar r-nunun Qaradağlı k. orta məktəbinə direktor vəzifəsinə təyin edilib, 1936 ilin sentyabr ayına kimi həmin vəzifədə işləyib. 1936-37 illərdə Göyçay ş. beynəlmiləl orta məktəbə tədris hissə müdiri, 1937-39 illərdə Ucar r-nunun Qazıqumlaq k. tam orta məktəbində tədris hissə müdiri, 1939-53 illərdə Göyçay ş. 1 saylı orta məktəbdə direktorun tədris işləri üzrə müavini işləyib. 1953-86 illərdə Göyçay ş. 1 saylı orta məktəbin direktoru olub. Osmanov SSRİ Ali Soveti Rəyasət Heyətinin fərmanı ilə 1947 ildə “Böyük Vətən müharibəsində fədakar əməyə görə” medalı, 1961 ildə “Lenin” ordeni, 1984 ildə SSRİ maarif nazirinin əmri ilə “SSRİ Təhsil əlaçısı”döş nişanı ilə təltif edilib.

Məlumat A.Məmməddən alınıb.